Новости за 15.01.2018

Саламова Елена  Технологийн говзанчаша дуьйцу, информаци  Iалашъярца, нехан къамелаш чохь кхабарца муха ю керла программа  Бутт хьалха Facebook, Instagram компанеша шайх дIакъастийначу Кадыров Рамзана дIахьедира, Нохчийчоьнан шен ю уьш санна йолу программа - Mylistory, ша цига дехьаволу аьлла. Цунна тIаьххье, оцу социалан машане язбелира,  Iамерканнаш боллучохь а битина, Лорд (Даудов Мохьмад) а, кхин а цхьаболу Кадыровна гонера нах а. Mylistory ян а ю доккхачу декъанна изза Instagram – суьрташ а даржадало... Читать дальше...

Наркотикаш карийна машенчохь аьлла, лаьцначу Нохчийчуьрчу "Мемориалан" куьйгалхочунна Титиев Аюбана дуьхьал даьккхина гIуллакх фальсификаци юйла хууш ду массарна а. Оьрсйчоьнан президентан харжамийн кандидата, журналисто Собчак Ксенияс шен Инстаграмерчу агIон тIехь дитина ишта йоза: "Масех шо хьалха Путинан пресс-конференцехь Нохчийчоьнах хаттар ас айдинера, цу махкахь Оьрсийчоьнан Конституци коьрта низам ца лору аьлла. Юха а керла хаам кхаьчна: регионерчу "Мемориалан" куьйгалхочунна Титиев Аюбана наркотикаш кхийсина. Читать дальше...

Азербайджанерчу Геранбойскан кIоштахь карийна 104 шо долу Алиева Мадина Нохчийчу кхачийна. Ноьвр-кIоштан Алпатовехь йолчу социалан хIусамехь дIатарйина иза ханна. Нохчийчоьнан телевизионехь Алиева схьакхачарх а, хIусамехь дIатаръярх а дуьйцучу репортажехь билгалдаьккхина, ханна йоккха хиларе терра, шен биографин цхьайолу факташ йицъелла хила тарло цунна аьлла. Иштта телевизионехь Алиевас дуьйцу, ехачу хенахь ша Урдунехь шен ден гергарчу нахехь яхарх, амма даим а Нохчийчох са латтарх а шен. Алиевас цIена буьйцу нохчийн мотт... Читать дальше...

Террорхо-Iожалхо а иккхина 38 стаг велла, 105 чевнаш йина БагIдадехь. Иракъан чоьхьарчу гIуллакхийн министралло бина и хаам. Урхаллан пресс-секретара Маан Саада дуьйцу, оршотан Iуьйранна пачхьалкхан коьртачу шахьарерчу Сахет-аль-Тайарехь (Авиацин майданахь) эккхийтар хиларх. Сахет-эль-Тайаран майданахь йохка-эцаран даим адамаш лаьтта центр ю, Iуьйранна болх лоьхурш гууло цу майданахь. Цигахь хиллачеран информацица, эккхийтар хилла гIишлошъярхой гуллучохь. Теракт цкъачунна цхьана а организацино шена тIелаьцна дац... Читать дальше...

Оьрсийн блогеран Поперечный Данилан Кадыровх яьккхина пароди "профессионале йоцу перфоманс" ю аьлла махкарчу зорбан министро Умаров Джамбулата "Москоха дуьйцу" радиостанцин эфирехь. "Шен дагахь ира забар ян лаам хилла жугарг-ойланча ву иза, я ишак-Iовдал ву, шен декъазчу роликца гечдар дехначийн, шайнна хаьа шуна ас мила вуьйцу, могIаре хIиттийначаьрца ву ша аьлла, билгалвала лууш", аьлла Умаровс. Ша масийттаза юх-юха хьаьжира боху Умаровс оцу ролике "искусство я ира забар" лохуш, амма тIе ца кхиира. Читать дальше...

Sportbox.ru-с кхайкхийначу "Мила ву Оьрсийчоьнан дахначу шеран тоьлла боксер?" аьллачу харжамашкахь толам баьккхина Дуьненаюкъарчу боксерийн федерацин (IBF) чемпионо, Нохчийчуьрчу Бетербиев Артура а, оццу федерацин чемпионо, Къилба ХIиричуьрчу  Гассиев Мурата а. Цхьатерра кхаьжнаш гулдина шина а спортхочо – 47, 64 процент. Шина кIиранах дIабаьхьна хилла харжамаш бирзина кIиран буьйсанна. 168 эзар стага дакъалаьцнера оцу хаттамехь.

Волгоградерчу жигархоша "Маьршаваккха Титиев Оюб" тIе яздина плакаташ а карахь флешмоб дIаяьхьна кIирандийнахь. Маршо Радионо хьалхо ма яздарра, еарийдийнахь кхело шина баттана Титиев чохь латтош сацам тIеэцна, наркотикаш яьхна цуьнгара аьлла, бехке а веш. Титиевс чIагIдо, полисхоша наркотикаш шен машенчу кхийсина хиларх. Цо дIахьедина шен адвокате, бехк тIе ца лацахь, терроризман агIончаш хилла бохуш, шаьш хьан гергарчу нахана дуьхьал бехкзуламан гIуллакхаш доьллур ду бохуш, кхерамаш тийсина шена аьлла. Читать дальше...

Наркотикаш лелийна аьлла, Iедало бехке а вина, лаьцначу Нохчийчуьрчу "Мемориалан" декъан куьйгалхочун Титиев Оюбан гергара нах махкара дIабахана, Iедалера кхерамах кхоьруш аьлла, хаамбина кIирандийнахь бакъонашларъярхочун адвокато Заикин Петра "Новости" агенталле. Еарийдийнахь Шелан кIоштан кхело шина баттана лаьцна латтош ву Титиев, цуьнан машенчуьра наркотикаш яьхна аьлла. ПIераскандийнахь бакъонашларъярхочун адвокато мехкан Лакхарчу кхеле латкъам бина суьдхойн сацамна. "Полисхойн леларо кхерийна Титиевн гергарнаш дозанал арабевлла. Читать дальше...

Ютюбан-блогеро Поперечный Данила шен каналехь зорбане яьккхина ГIура  Дадас Нохчийчоьнан куьйгалхо Кадыров Рамзан шен "дикачу гIуллакхийн гIоьнча" хIоттош видеоролик. Роликан сюжетехь ГIура Дадин Великий Устюг гIаларчу резиденци вогIу Кадыров, балха хIотта Iалашонца. Цунна дала шен резиденцехь маьрша дарж дац ГIура Дадас аьлча, оьгIазе хьийза Кадыров, тIаккха "дикачу гIуллакхийн гIоьнча" ша эцар доьху. Роликан чакхенехь мехкан куьйгалхочо чIагIо йо, шайн барт хиларца Устюгехь, Соьлж-ГIалахь санна... Читать дальше...

Еарийдийнахь Фейсбукерчу шен агIонтIехь, ша Несара а воьду, цигарчу полице а кхаьчна, цуьнга шегара хIун даьлла хатта а воллу, яздира вевзаш волчу гIалгIайн оппозиционеро Хазбиев Мохьмада. Полицино лаьцна, таллам бечу юкъанна, аьлла, изолятере хьажийна иза Кхаа шарахь Магасо дуьненаюкъарчу лехаме велла а волуш, Соьлж-ГIалахь вехира иза. Нохчийчохь оцу юкъанна бовзаза бисинчу наха веза а велира иза, цуьнан машенна тIелатар дича. Дуккха а шераш ду Хазбиев Мохьмад ГIалгIайчоьнан Iедалца къийсало, бахархой протестан гуламашка боху. Читать дальше...