Новости за 05.01.2018

Интернетехь видео яьржина, Нохчийчохь Эвтарара полисхойн хьаькам Устарханов Абубакар виначун дакъа майданахь охьа а тесна, цунна гонах халкъ гулдина Iедало хIоттийна сурт гойтуш. Ролик тIехь гуш ву, гIодаюккъе кхаччалц верзина лаьттахь Iуьллу, лоцучу хенахь герзаш диттина вийна  Баймурадов Хьамзат. Гуш ду, майда юкъаерзийна лаьтташ полисхой хилар а, гобаьккхина гулбина нах хилар а.

Азербайджанан Гедабекан кIоштахь шелонехь карийна Нохчийчуьра 104 шо долу йоккха стаг, Бакурчу цхьана тIеоьцийле ялийна. Йоккхачу стагна гIо динчу Təmiz Dünya» юкъаралло баржийна и хаам. 1914-чу шарера йолу Алиева Мадина Гедабекан кIоштарчу полисхошна карийна, гIора а йина урамехь. Цара медицинан гIо а кхачийна, йовха бедарш а елла, цул тIаьхьа «Təmiz Dünya» цIе йолчу юкъаралло доладечу гIо эшна нах дIатарбечу тIеоьцийле кхачийна. Болчу хаамашца, паспорт тIерачу хенаца иза дуьненчу яьлла 1914-чу шарахь. Читать дальше...

Нохчийчуьрчу зорбан министро Умаров Джамбулата Москохарчу пачхьалкхан университетан ораматийн (МГУ) бешан белхахошна Mylistory социалан машане яздалар хьехна. "Ас хадам боллуш дехар до шуьга Mylistory машане дерза. Къилбаседа Кавказера, Уралера, Москохара, ГIирмера нах хаза а хеташ Iемар бу шух бошмийн а, хасбошмийн а корматаллана", - аьлла министро "Москоха дуьйцу" хаамийн гIирсе. Еарийн суьйранна Инстаграмера МГУ-н ораматийн бешан "Дарбане бецаш" аккаунт дIакъевлина. "Дарбане бецийн" пресс-секретара Архипова Ольгас РБК агенталле дийцина... Читать дальше...

ХIинжа-ГIаларчу "Легион-Динамо" клубан коьртехь лаьттина, Нохчийчуьра схьаваьлла Адиев Мохьмад Соьлж-ГIаларчу "Ахмат" футболан клубан тренер хIоттийна, хаамбо махкарчу зорбанаша. Спортехь карьера ян шен 16 шо кхаьчначул тIаьхьа волавелла Адиев. Юьхьанца "ГIалгIайчоь" клубехь, цул тIаьхьа "Анжи" тобанца. 1999-чу шарахь ЦСКА-н могIарехь лакхарчу лигехь вара иза, тIаьхьо Саратовн "Соколе" дехьавелира. 2006-2008-чу а шерашкахь "Терек" (хIинца "Ахмат") клубаца вара. Кху аьхка дуьйнна ХIинжа-ГIаларчу "Легион- Динамон" куьйгаллехь вара... Читать дальше...

Оьрсийчоьнан президентан харжамашкахь дакъалаца ша хьалхатеттинчу Путин Владимирна куьйгаш гулдеш каппаш схьайиллина Хабаровскехь. Кеста изза процедура йолор ю Москох а, Севастополехь а, Нохчийчохь а, ГIирмехь а. "Толаман волонтераш" боламан координаторо Брага Анастасияс дийцина, Хабаровскехь ши куп йиллина хиларх. Оьрсийчоьнан президентан харжамашкахь дакъалаца 300 эзар куьйг гулдан оьшу Путин Владимирна.

Суьдхой хIиттош омрана куьйгяздина Оьрсийчоьнан президенто Путин Владимира. Бакъонан информацин порталан агIон тIехь ду и документ. Къибаседа Кавказерчу тIеман кхелан куьйгалхочун гIовс хIоттийна Каргин Александр. Нальчикерчу гарнизонан тIеман кхелан куьйгаллехь хир ву Малбахов Ахьмад. Дагестанерчу арбитражан кхелан куьгалхочун гIовс хIоттийна Исаев Мохьмад. Нохчийчуьнан Лакхарчу кхелан суьдхочун дарже ваьккхина Адилсултанов Элман.

Шегарчу даржах пайда а оьцуш, зуламаш лелорна Тбилисин кхело набахтехь даккха кхо шо хан кхайкхийна Гуьржийчоьнан экс-президентна Саакашавили Михаилна. И дуьххьара сацам бу, политикна Гуьржийчу экстрадици ян бахьана лучех. Саакашвилин агIончаша кхелан сацам -политикан бух болуш бу аьлла. Ши шо а дара Саакашвилин хьокъехь талламаш бен. Тбилисин цхьана банкехь болх беш хиллачу белхахочун Гиргвлиани Сандрон гонах яра и гIовгIа. 2006-чу шарахь Тбилисерчу цхьана бара чохь дов даьллачул тIаьхьа, полисхоша лаьцна... Читать дальше...

ГIажарийчохь протесте бевллачу бахархойн ша агIо лоцур ю аьллачу Iамеркан президентан Трамп Доналдан дешнаш ца тайна Нохчийчоьнан куьйгалхочунна Кадыров Рамзанна. "Хан ма кхеччи ша доккха гIо лоцур ду аьлла Iамеркан президенто акцеш дIахьочу гIажарошна. ХIинццалц схьа Iаткъаме гIо кхечира цаьргара Ливина а, Шемана а, Иракъана а, ОвхIанистананна а, Сербина а, Въетнамна а, иштта кхечу пачхаьлкхашна а. ГIажарийчоьнна Троянан говр ю яла кечъеш", - аьлла, яздина Кадыровс шен твиттерахь. ШолгIа кIира... Читать дальше...