Новости за 27.01.2018

Курортийн куьйгалхоша довзийтина, канатан некъийн цхьана денна леринчу паспортан мехаш. «КСК» (Къилбаседа Кавказан курорташ) олучу акционерийн юкъараллан директоро Тимижев Хьасана дийцарехь, уьш хIиттийна, цу регионерчу бахархойн таронашка хьаьжжина. Иштта, кху 2018-чу шарахь ломан-когсалазийн сезон чекхъяллалц баккхийчарна духкучу билетан мах хир бу 400 сом. 6-13 шераш долчу берашна уьш духкур ду 200 соьмах. Мехаза курортерчу канатан некъех пайда эца аьтто хир бу 5 шо кхачанза берийн а, 75 шарал тIехбевллачу баккхийчу нехан а... Читать дальше...

Шемахь тIом беш болу нохчий кхаа декъе бекъабелла бу, бохуш яздо Мисарарчу Sasapost зорбанан гIирсо. Цу артиклан чулацам бала бо inosmi.ru портало. Артиклан авторо Мирфат Ауфа (Mirfat Auf) дийцарехь, нохчийн цхьа тоба Шеман территори тIе кхечира, цигахь конфликт йолалуш, революцин тобанашца цхьаьна цу махкарчу режимца а, цуьнан бертахошца а къийсам дIабахьа. ШолгIа тобан декъашхой дIакхийтира "Исламан пачхьалкх" (ДАIИШ) олучу тобанах. Ткъа кхоалгIа Москохна а, Нохчийчоьнан куьйгалхочунна а мутIахь йолу нохчех лаьцна тоба Шема хьажийра... Читать дальше...

Iамеркан талламан сервисан бюроно (FBI) интернетерчу шен сайта тIехь зорбане даьхна Оьрсийчоьнан медиамагнат а, зорбанан министр а, президентан Путин Владимиран хьехамча а хилла Лесин Михаил валарх лаьцна цхьадолу кехаташ, хаам бо "Iамеркан аз" портало. 2015-чу шарахь Лахьан-беттан 5-чу дийнахь Лесин карийнера Вашингтонерчу отелехь ша вехачу чохь. Таллам бича гучудаьлла иза йиттина вийна хилар. Зорбане даьхначу документашца а догIуш, лечу хенахь иза тIех сов малар мелла а хилла.   Федералан Талламан Бюроно накъосталла а деш... Читать дальше...

Нохчийчохь Ищерскера ГIизлара боьдучу некъахь хилла некъахьовзам пIераскан сарахь. Нохчийчуьрчу МВД-н зорбанан сервисо бинчу хаамца, «Шевроле» машен дуьхьал кхетта ВАЗ-21104 машенна. И бахьана долуш йийна 67 шо долу зуда. Чевнаш хилла машенлелорхо дIакхачийна Шелковскин кIоштан клинике. Хилларг толлуш ю полици.

Амстердамехь гIалин юккъехь герз диттина, цхьа стаг а вуьйш, кхин а шиъ чевнаш йина ву. ТIелеттарг къайлаваьлла. Иза лоьхуш ю полици. Бохам хилла меттиг го ьина ю ю, масийтта куп юкъа а лоцуш. Герз тохар хиллачу кIоштахь юкъахдаьккхина транспорт дIасалелар. Цунах лаьцна хаам бина Нидерландийн полицин твиттерехь. Тешаш дуьйца, тIелатар динчу стеган коьртах боьллина ша тайпа юхькъовлуш болу куй бара бохуш. Полицино и хаам комментарий а йоцуш буьтуш бу. Хилларг теракт ю-яц къастош ду.

Гуьржийчохь ПIаьнгIазарчу бахархоша дуьхьалонан акци дIаяьхьна Дуисехь, Мачаликашвили Темирлан вер хьокъехь бакъболу таллам дIахьо бохуш, хаам бо «Гуьржийчоь онлайн» агенталло. Гулбеллачара дийцара, таллам бахлур а бу, цхьа а жамI а доцуш дIабоьрзур а бу бохуш. Мачаликашвилин да-нанас кхайкхам бина Гуьржийчоьнан Iедалшка кхерамазалин сервисан куьйгалхо балхара дIаваккхар а, шайн кIант вийна нах кхеле озор а доьхуш. ПIаьнгазара бахархой цхьаьнакхета лууш бу коьртачу прокурорца Шотадзе Ираклица... Читать дальше...