Дагестанерчу ХIинжа-гIалахь шайн машен ягор кхерам тасаран акт лерина "Мемориало"
Орловна хетарехь, машен ягийнарг милла велахь а, и "зулам вовшахтоьхнарш лаха беза Нохчийн Республикехь". Ша цуьнах тешна хиларан бух а балийна Орловс.
Бакъонашларъярхочо дийцарехь, Дечкен-беттан 20-чу дийнахь цу машенахь ХIинжа-гIалара Нохчийчуьрчу вахана хилла "Мемориалца" болх беш волу Дагестанера адвокат. Куршлойн-эвлахь цо дакъалаца дезаш хилла Титиев Оюбан гIуллакхехула таллам дIахьош.
Амма талламхочо цIеххьана тIехьатеттина и болх. Делахь а машен цигахь "гучуяьлла". Цундела иза билгалъяккхина хила мега тIелатар дан оьшу объект санна, боху Орловс.