ТIаьхьарчу 35 шарахь дуьххьара кинотеатр схьайоьллуш ю СаIудийн пачхьалкхехь
![ТIаьхьарчу 35 шарахь дуьххьара кинотеатр схьайоьллуш ю СаIудийн пачхьалкхехь](https://gdb.rferl.org/9E3B5A67-ABB8-4A38-A5E6-04EB56AC4FBA_w800_h450.jpg)
35 шарахь дихкина хиллачул тIаьхьа бахархошна кино гайта бакъо елла СаIудийн Iаьрбийн пачхьалкхехь. Хьалхара юкъараллан кинотеатр болх бан йолалур ю Эр-Риядехь Охан-беттан 18-чохь.
Оцу дийнахь керлачу кинотеатрехь гойтур ю Куглер Райана яьккхина «Iаьржа пантера» филм. Цунах лаьцна хаам бина Reuters агенталло.
Кинош гойту а, смукъадоккху а меттигаш дIакъевлинера СаIудийн пачхьалкхехь 20-чу бIешаран 1980-чу шерашкахь, уьш латтор къилахь ду аьлла.
Стохка ГIадужу-бутт болалуш паччахьо Салмана ибн Iабдул-Iаьзиз ал СаIуда бакъо елира зударшна машенаш лело а, университеташкахь а, колледжашкахь а доьшучу мехкаршна кампусийн территори тIехь мобилан телефонех пайда эца а.