Telegram дIакъовлар тIедожийна Роскомнадзоро
Telegram мессенджер катоьхна дIакъовлар доьху Роскомнадзоро. "Интерфакс" агенталло яздарехь, пIераскандийнахь толлур ду цуьнан хьокъехь чуделла арз. Кхело шен цхьа сацам тIеэццалц блок тухур яц аьллера дахначу оршотдийнахь Роскомнадзоро. Оьрсийчоьнан ФСБ-н дехарца хьалхо Telegram дIакъовла аьлла тIедожийнера кхелахошна Роскомнадзоро. Урхалло ФСБ-не дIакхачаде аьллера бахархоша вовшашка дIасакхоьхьуьйту хаамаш босту догIанаш.
Оьрсийчоьнан Конституцино ца магадо шайна и информаци Iораяккха аьлла, Telegram-ан куьйгалло тIе ца дитинера церан дехар.
Технике диллича а, дан таро яц аьлла компанино.