მიხეილ ბატიაშვილი: ჩვენ გვაქვს მრავალდაავადებიანი განათლების სისტემა
„რეფორმა არ არის ერთ გვერდზე დაწერილი რეცეპტი. ერთ დაავადებასაც კი არ შველის ერთი რეცეპტი. დღეს გვაქვს ძალიან მრავალდაავადებიანი განათლების სისტემა,რომელსაც სჭირდება ბევრი კომპონენტის მიხედვით, სხვადასხვა დოზით, სხვადასხვა მიმართულებით სწორი გეზის აღება.
ამიტომ ჩემი ამოცანა იქნება მივაღწიოთ ისეთ დოკუმენტს, რომელიც თავისუფალი იქნება პოლიტიკისგან, იქნება თავისუფალი და ორიენტირებული გრძელვადიან განვითარებაზე.“- განაცხადა საქართველოს განათლების, მეცნიერებისა და სპორტის მინისტრმა, მიხეილ ბატიაშვილმა პარლამენტის პლენარულ სხდომაზე, სადაც მან განათლების რეფორმის პროექტის შესახებ ისაუბრა.