Новости за 19.02.2019

ქართული მხარის ინიციატივა, რომ იუნესკომ ქართული ტოლერანტობა არამატერიალური კულტურული მემკვიდრეობის ნუსხაში შეიტანოს, საქართველოს პრეზიდენტის სალომე ზურაბიშვილისა და  იუნესკოს გენერალულ მდივნის, ოდრი აზულის შეხვედრისას განიხილეს. შეხვედრა სალომე ზურაბიშვილის საფრანგეთში ვიზიტის ფარგლებში გაიმართა.  პრეზიდენტის ადმინისტრაციის ცნობით, შეხვედრისას ზურაბიშვილმა განაცხადა, რომ "ჩვენი იდენტობა, ისტორიულად, ტოლერანტობაში ვლინდება. სხვადასხვა წარმოშობის, მრწამსის ადამიანებთან მშვიდობიანი თანაცხოვრების ტრადიცია საუკუნეების განმავლობაში მოგვყვება. Читать дальше...

უკრაინის პრეზიდენტმა პეტრო პოროშენკომ ხელი მოაწერა საკონსტიტუცი შესწორებას, რომელიც ეხება ქვეყნის მიზანს, გახდეს ნატოსა და ევროკავშირის წევრი. 19 თებერვალს პარლამენტის წინაშე გამოსვლისას, პოროშენკომ თავის „სტრატეგიულ მისიად“ მოიხსენია უკრაინის ევროატლანტიკურ სტრუქტურებში გაწევრიანება. მისი თქმით, ქვეყანამ არაუგვიანეს 2023 წლისა უნდა შეიტანოს განაცხადი ევროკავშირში გაწევრიანების შესახებ და მიიღოს ნატოში გაწევრიანების სამოქმედო გეგმა. თუმცა მან აღიარა, რომ უკრაინას ჯერ "გრძელი გზა" აქვს გასავლელი... Читать дальше...

თეირანში დაიწყო ირანის პრეზიდენტ ჰასან როჰანის ძმის, ჰოსეინ ფერეიდუნის სასამართლო პროცესი. ორი წლის წინ ის მცირე ხნით იქნა დაკავებული ფინანსური დარღვევების ბრალდებით. ფერეიდუნი კიდევ ოთხ ბრალდებულთან ერთად ესწრებოდა სასამართლო სხდომას. ამის შესახებ ადგილობრივი მედია იუწყება. ფერეიდუნი 2017 წელს დააკავეს კორუფციაში ბრალდებით და მალევე თავდებით გაათავისუფლეს. როჰანის მხარდამჭერთა ვარაუდით, მისი სამართლებრივი დევნის მიზეზი ირანის მკაცრი კურსის მომხრე ძალების მცდელობა, დაასუსტონ პრეზიდენტი. ვებპორტალ „მიზანის“ ინფორმაციით... Читать дальше...

თბილისის მერის მოადგილე, მაია ბითაძის განცხადებით, თბილისში სამწუხაროდ აღარ არსებობს ტრამვაის ინფრასტრუქტურა. ტრამვაის კომპენსირება, მისი თქმით, მოხდება დიდი ზომის, 18-მეტრიანი ავტობესებით, ხოლო დიდი დიღმიდან ცენტრის მიმართულებით დაგეგმილია მიწისზედა მეტროს პროექტის განხორციელება. მერის მოადგილის ეს პასუხი მოჰყვა ფეისბუკის პირდაპირ ეთერში დასმულ შეკითხვას, "რას ფიქრობთ თბილისში ტრამვაის აღდგენაზე?" თბილისის მერის, კახა კალაძის აზრით, ტრამვაის აღდგენა “რა თქმა უნდა, მიმასასალმებელი" იქნებოდა, მაგრამ ინფრასტრუქტურა... Читать дальше...

ძლიერმა ქარმა პრობლემები შექმნა ქვეყნის მასშტაბით. მათ შორის გორში. ვიდეომასალა სოციალურ ქსელში ოპერატორმა გიორგი ირემაშვილმა გაავრცელა.

ზუგდიდში, დადიანების ეზოს სიახლოვეს, კერძო ინვესტორს სასტუმროს აშენება სურს. ე.წ. სკეიტ პარკში ახალი სასტუმროს აშენების იდეა და პროექტიც ზუგდიდელებს უკვე გააცნო დეველოპერულმა კომპანია „m²“-მა.

თბილისის მერის, კახა კალაძის თქმით, დედაქალაქის მთავრობას არ მიუღია არც ერთი გადაწყვეტილება, რომელიც საზიანო იქნებოდა ქალაქისათვის. ფეისბუქის პირდაპირ ეთერში კითხვებზე პასუხის გაცემისას, კალაძე ასე გამოეხმაურა შეკითხვას: "ჩუღურეთში ფეხბურთის სტადიონი ნინოშვილის ქუჩაზე აშენდება თუ ისევ მაღალი კორპუსების მშენებლობას აპირებთ?" კალაძის თქმით, დედაქალაქს ჰყავს ძალიან პასუხისმგებლობიანი მთავრობა, რომელიც ამაყობს იმით, რომ მუშაობის ერთწლიან პერიოდში არ მიუღია ქალაქისათვის საზიანო გადაწყვეტილებები, მაგალითად... Читать дальше...

საქართველოში ხელისუფლებასა და ბიზნესს შორის დისტანცია არასდროს არსებობდა. ხელისუფლება ამას არასდროს მალავდა და ბიზნესმენებს შეხვედრებს უწყობდა. ვუყურებთ და ვმსჯელობთ ჟურნალისტ ნინო ზურიაშვილთან ერთად. გადაცემის სტუმრები არიან: ერეკლე ურუშაძე - „საერთაშორისო გამჭვირვალობა - საქართველოს" კვლევითი პროექტების ხელმძღვანელი, ზაზა აბაშიძე - „ფლანგვის დეტექტორის" თანადამფუძნებელი, და თორნიკე ჩივაძე - ეკონომიკის მკვლევარი.

გარემოს დამცველი ხუთი არასამთავრობო ორგანიზაცია ევროკავშირს მოუწოდებს, უფრო მკაცრი პოზიცია დაიკავოს დასავლეთ ბალკანეთში ქვანახშირზე მომუშავე ელექტროსადგურების საკითხში. აქტივისტების მონაცემებით, ელექტროსადგურები, რომელთაც დაძველებულად და სტანდარტების შეუსაბამოდ მიიჩნევენ, ზიანს აყენებს ადამიანების ჯანმრთელობას. 19 თებერვალს გამოქვეყნებული ანგარიშის თანახმად, ქვანახშირზე მომუშავე ელექტროსადგურებით ჰაერის დაბინძურების შედეგია 3900-მდე ადამიანის სიკვდილი, 8500 ბავშვის დაავადება ბრონქიტით და სხვა ქრონიკული დაავადებებით. Читать дальше...

„არცერთი სცენარით K2-ის გადამეტება აღარ მოხდება“, - ასე გამოეხმაურა თბილისის მერის მოადგილე ირაკლი ხმალაძე ფეისბუქის პირდაპირ ეთერში მოქალაქის შეკითხვას K2 კოეფიციენტის ზრდის შეზღუდვის საკითხზე. „ჩვენ კარგად დავინახეთ რა გამოიწვია K2 კოეფიციენტის ზრდამ - ყოველგვარ ლოგიკას მოკლებული, დაუგეგმავი განაშენიანება, რომელიც ადრე თუ გვიან უნდა დასრულებულიყო. რამდენიმე წლის წინ იყო გადაწყვეტილება გარკვეულ შეზღუდვებთან დაკავშირებით, მაგრამ მაინც არსებობდა ინსტრუმენტი, რომლითაც კომპანიები ახერხებდნენ გადამეტებას... Читать дальше...

თბილისის მერი კახა კალაძე და მისი მოადგილეები მოქალაქეების კითხვებს ფეისბუქის პირდაპირი ეთერით პასუხობენ. ერთ-ერთი პირველი კითხვა ქალაქში დაუმთავრებელ მშენებლობებს უკავშირდებოდა. კახა კალაძის თქმით, ქალაქში 179 დაუმთავრებელი ობიექტია აღრიცხული, რომელთა დასრულების ხელშეწყობა მერიის პრიორიტეტია: „დაუმთავრებელი შენობები სერიოზულ პრობელმას წარმოადგენს ყველანაირი თვალსაზრისით. ხალხს ფული აქვს გადახდილი და წლებია ელიან საცხოვრებელს. პრობლემაა ეს  ანტისანიტარიისა და უსაფრთხოების თვალსაზრისითაც. გარდა ამისა... Читать дальше...

ძნელია იმის თქმა, ზუსტად რამდენი ფეისბუკჯგუფია ქართულ ენაზე, თუმცა რამდენიმე მათგანი ათასობით აქტიურ წევრს აერთიანებს და განხილვის სივრცეს ქმნის. ჩვენ რამდენიმე ჯგუფის ადამიანს გავესაუბრეთ იმაზე, თუ რა შეცვალეს მათმა გაერთიანებებმა ადამიანების ცხოვრებაში.

მამუკა ხაზარაძე სახელმწიფო უწყებების მხრიდან ზეწოლასა და "TBC ბანკის" ხელში ჩაგდების მცდელობას ადასტურებს წერილში, რომელიც 18 თებერვალს  ბანკის ათასობით თანამშრომელმა მისი სახელით მიიღო.

ევროკავშირის საბჭოს პრეზიდენტმა დონალდ ტუსკმა მონაწილეობა მიიღო უკრაინის პარლამენტის სხდომაზე, რომელიც მიეძღვნა ევრომაიდნად ცნობილი მოვლენების - ღირსების რევოლუციისა და მშვიდობიან მომიტინგეთა დარბევის - მეხუთე წლისთავს. ტუსკმა უკრაინულად მიმართა ვერხოვნა რადას დეპუტატებს. მან აღნიშნა, რომ ევროკავშირი არასოდეს აღიარებს რუსეთის მიერ ყირიმის ანექსიას და ძალაში დატოვებს სანქციებს მოსკოვის წინააღმდეგ. მანვე უკრაინელ პოლიტიკოსებს მოუწოდა, უფრო შედეგიანად ებრძოლონ კორუფციას და უარი თქვან რადიკალური ნაციონალიზმის პოპულიზმზმე. Читать дальше...

სომხურ-ოსური მეგობრობის აღსანიშნავად სომხურ ჯვარს (ხაჩქარს) დადგამენ ცხინვალის ერთ-ერთ ქუჩაზე.  ამის შესახებ განაცხადა ოკუპირებული ცხინვალის რეგიონის დე ფაქტო პრეზიდენტმა ანატოლი ბიბილოვმა მთიანი ყარაბაღის თვითგამოცხადებული რესპუბლიკის დელეგაციასთან შეხვედრისას. ბიბილოვი აღნიშნავს, რომ სამხრეთ ოსეთში მცხოვრები სომხური დიასპორა საკუთარ თავს საუკეთესო მხრიდან წარმოაჩენს: „ჩვენთან ბევრი სომეხი მაღალ თანამდებობას იკავებს. ისინი პატრიოტები არიან და ჩვენი საერთო სამშობლოს ინტერესებს ატარებენ“, - იტყობინება საინფორმაციო სააგენტო „რეს“. Читать дальше...

ირანელი ოფიციალური პირის განცხადებით, თვითმკვლელი თავდამსხმელი, რომელმაც გასულ კვირაში მოკლა ირანის რევოლუციური გვარდიის კორპუსის წევრები, პაკისტანის მოქალაქე იყო. რევოლუციური გვარდიის კორპუსის ბრიგადის გენერალმა, მოჰამად პაკპურმა 19 თებერვალს ამ საკითხზე საუბრისას დაასახელა ეჭვმიტანილის ვინაობაც. მისივე თქმით, ექსტრემისტების ჯგუფში, რომელმაც 13 თებერვლის აფეთქება დაგეგმა, შედიოდნენ კიდევ ერთი პაკისტანელი და ირანის სამი მოქალაქე, რომელთაგან ორი დაკავებულია. პაკისტანმა დაგმო თავდასხმა, რომელმაც... Читать дальше...

საქართველოში ევროკავშირის ელჩის, კარლ ჰარცელის განცხადებით, „თიბისი ბანკის“ ირგვლივ განვითარებული მოვლენები ძალიან მნიშვნელოვანია. ამის შესახებ მან პარლამენტში იურიდიულ კომიტეტში გამართული შეხვედრის შემდეგ განაცხადა. „ევროკავშირისთვის ეს ვითარება ძალიან მნიშვნელოვანია, ვინაიდან „თიბისი ბანკი“ ქვეყნის სისტემური ბანკია და ისეთ საკითხები, როგორიცაა საქართველოს მაკროფინანსური სტაბილურობა, სერიოზულად გათვალისწინებული უნდა იყოს. რაც შეეხება ეროვნული ბანკის მიერ მიღებულ გადაწყვეტილებას, კომენტარს ამაზე არ გავაკეთებ... Читать дальше...

აქაც ბევრი სხვადასხვა ადამიანის ბედი ჩანს, ჩვეულებრივი ამბები, დრამები, ტრაგედიები... წიგნის ბოლოს კი რჩება კითხვა - რა ვუყო ყველაფერ ამას მე, მკითხველმა? ბავშვი, მართალია, საბოლოოდ სამშვიდობოს გამოდის, მაგრამ რეალურად არსებობს კი ომიდან გამოსასვლელი?

საქართველოს საგარეო საქმეთა სამინისტროს ინფორმაციით, ლიბიამ დაღუპული ქართველი მეზღვაურის, დავით რაზმაძის ცხედრის გადმოსვენებაზე თანხმობა გასცა. საგარეო საქმეთა სამინისტროს წარმომადგენელი ვლადიმერ კონსტანტინიდი ვარაუდობს, რომ ცხედრის გადმოსვენების პროცედურა, სავარაუდოდ, ერთი კვირის განმავლობაში გაგრძელდება. „სამინისტრო ამ საკითხზე მუშაობს ინტენსიურად. ჩვენ გვქონდა მუდმივი კომუნიკაცია, როგორც ლიბიურ მხარესთან, ასევე ოჯახის წევრებთან და გემთმფლობელ კომპანიასთან, რომლის ადვოკატი დღესაც იმყოფება ლიბიაში. Читать дальше...

აშშ-ის წარმომადგენელი ავღანეთის საკითხში, ზალმაი ხალილზადი, ავღანელებს მოუწოდებს, გვერდით გადადონ უთანხმოება და გაერთიანდნენ ავღანეთში ომისათვის ბოლოს მოსაღებად. ბოლო თვეებში ხალილზადმა ახლო აღმოსავლეთში გამართა თალიბანის დელეგაციასთან მოლაპარაკების რამდენიმე რაუნდი, მაგრამ მათში არ მიუღია მონაწილეობა ავღანეთის მთავრობას. პრეზიდენტ აშრაფ ღანის მოწინააღმდეგე გავლენიანი ავღანელები 5-6 თებერვალს მოსკოვში შეხვდნენ თალიბანის წარმომადგენლებს. ხალილზადმა ქაბულს მოუწოდა, შექმნა „ძლიერი, ეროვნული“ დელეგაცია. Читать дальше...

თბილისის საქალაქო სასამართლოში გაიმართა მოსამზადებელი სხდომა საქველმოქმედო კამპანია „წითელი ცხვირების“ საქმეზე. შესაძლო მორიგების პერსპექტივით სხდომა 20 აპრილისთვის გადაიდო.

თბილისში, ვერცხლის ქუჩაზე 40 წლამდე კაცი მოკლეს. შემთხვევა რამდენიმე წუთის წინ მოხდა. არსებული ინფორმაციით, კაცს ჭრილობა ცეცხლსასროლი იარაღით აქვს მიყენებული. მომხდარ ფაქტს შინაგან საქმეთა სამინისტროში ადასტურებენ, თუმცა, დამატებით დეტალებზე არ საუბრობენ. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. შემთხვევის ადგილზე სამართალდამცავები მუშაობენ.

მალე საქართველოში ჩამოვა ეროვნებით ქართველი საბჭოთა დისიდენტის, საბჭოთა კავშირში პირველი ადამიანის უფლებათა კომიტეტის ერთ-ერთი დამაარსებლის, პუბლიცისტის და ფიზიკოსის, ვალერი ჭალიძის უნიკალური არქივი.

პაკისტანის პრემიერ-მინისტრმა იმრან ხანმა 19 თებერვალს განაცხადა, რომ მის ქვეყანას არაფერი აქვს საერთო აფეთქებასთან, რომელმაც ქაშმირში ათობით ინდოელი ჯარისკაცი მოკლა. ხანი საჭიროდ მიიჩნევს მოლაპარაკებას დაძაბულობის განსამუხტად. პაკისტანის პრემიერ-მინისტრის თქმით, ინდოეთმა ყოველგვარი მტკიცებულების გარეშე წაუყენა ბრალდებები ისლამაბადს და მისი მთავრობა მზადაა, დელისთან ითანამშრომლოს ქაშმირის ინდურ ნაწილში მომხდარი აფეთქების გამოსაძიებლად. იმრან ხანის ამ განცხადებამდე პაკისტანის საგარეო უწყების ხელმძღვანელმა... Читать дальше...

ლგბტქი აქტივისტები თბილისში 18-23 ივნისს პრაიდს გეგმავენ სახელწოდებით "თბილისი პრაიდი". ფეისბუქში უკვე გამოჩნდა გვერდი ამ სახელწოდებით. თბილისი პრაიდის ფარგლებში სხვადასხვა სოციალური, კულტურული და პოლიტიკური ღონსიძიება იგეგმება. როგორც ღონისძიების ორგანიზატორები წერენ, 23 ივნისს კვირეულს დაასრულებს ღირსების მარში, რომლის ფორმაც არ იქნება საზეიმო, რადგან მათი თქმით, „საქართველოში დღეს ქვიარებს არ ეზეიმება“. „ჩვენ ვართ ლესბოსელი, გეი, ბისექსუალი, ტრანსგენდერი, ინტერსექსი და ქვიარ ადამიანები. ჩვენზე ძალადობენ ოჯახში... Читать дальше...