სანქტ-პეტერბურგის მთავრობა არ იძლევა ნებართვას ნემცოვის ხსოვნის პატივსაცემი მსვლელობის გასამართად
სანქტ-პეტერბურგის ხელისუფლება არ იძლევა ნებართვას არც ერთ მარშრუტზე, რომელიც შესთავაზეს ოპოზიციონერებმა ბორის ნემცოვის ხსოვნისადმი მიძღვნილი მსვლელობის გასამართად.
ორგანიზატორებს სურთ, 24 თებერვლის აქციით აღნიშნონ ოპოზიციონერი პოლიტიკოსის მკვლელობის მეოთხე წლისთავი. მოძრაობა „საპროტესტო პეტერბურგმა“ 16 თებერვალს დაწერა სოციალურ მედიაში მსვლელობის ნაბერთვაზე სანქტ-პეტერბურგის ხელისუფალთა უარის შესახებ.
ქალაქის საკანონმდებლო ორგანოს დეპუტატმა ბოროს ვიშნევსკიმ ფეისბუკში დაწერა, რომ ხელისუფლება ორგანიზატორებს სთავაზობს მიტინგისა და მსვლელობის გამართვას პოლუსტროვოს პარკის მიდამოებში, რაც ცენტრიდან, დაახლოებით, ხუთ კილომეტრში მდებარეობს. ეს დაცინვაა და ვიჩივლებთო, წერს ვიშნევსკი. ნემცოვი მოკლეს 2015 წლის 27 თებერვალს, მოსკოვში.
მას შემდეგ სანქტ-პეტერბურგში ნემცოვის ხსოვნისადმი მიძღვნილი მსვლელობები იწყებოდა ხოლმე ლენინის მოედანზე. იქიდან აქციის მონაწილეები მიდიოდნენ პოლიტიკური რეპრესიების მსხვერპლისადმი მიძღვნილ მემორიალთან, სოლოვეცკი კამენთან, სადაც ნემცოვის პორტერტს ტოვებდნენ.