აშშ-ში შეიარაღებულმა პირმა მოკლა ხუთი თანამშრომელი. მოკლულია თავდამსხმელიც
შეერთებულ შტატებში შეიარაღებულმა პირმა სამუშაო ადგილას მოკლა ხუთი თანამშრომელი და დაჭრა ხუთი პოლიციელი. სამართალდამცველებთან ურთიერთსროლის დროს მოკლულ იქნა თავდამსხმელიც.
ინციდენტი მოხდა ილიონის შტატში, ჩიკაგოს დასავლეთით 65-მდე კილომეტრში მდებარე ქალაქ ავრორაში.
პოლიციამ დაასახელა თავდამსხმელის ვინაობა. 45 წლის გერი მარტინი ახალი დათხოვნილი იყო სამსახურიდან, კომპანია „ჰენრი პრეტიდან“, სადაც 15 წელი იმუშავა.
ავრორის პოლიციის უფროსის, კრისტენ ზიმენის განცხადებით, მუშაობენ იმის დასადგენად, კანონიერად შეიძინა თუ არა მარტინმა იარაღი, რომელიც მან თავდასხმისას გამოიყენა.