სანქტ-პეტერბურგის უნივერსიტეტში რამდენიმე სართული ჩაინგრა
სანქტ-პეტერბურგის უნივერსიტეტის ერთ-ერთ შენობაში რამდენიმე სართული ჩაინგრა. რუსეთის საინფორმაციო სააგენტოების თანახმად, მსხვერპლი არ არის.
ეს ცნობა ვრცელდება საგანგებო მდგომარეობათა სამსახურის წარმომადგენლებზე დაყრდნობით. მათივე განცხადებით, შენობიდან მშვიდობიანად გაიყვანეს 81 სტუდენტი.
შაბათ საღამოს შენობის ჩანგრევის მიზეზი ჯერ არ დაუდგენიათ. ის ეკუთვნის სანქტ-პეტერბურგის საინფორმაციო ტექნოლოგიების, მექანიკისა და ოპტიკის ეროვნულ კვლევით უნივერსიტეტს (ITMO).