ირანში დაიწყო პრეზიდენტ როჰანის ძმის სასამართლო პროცესი
თეირანში დაიწყო ირანის პრეზიდენტ ჰასან როჰანის ძმის, ჰოსეინ ფერეიდუნის სასამართლო პროცესი. ორი წლის წინ ის მცირე ხნით იქნა დაკავებული ფინანსური დარღვევების ბრალდებით.
ფერეიდუნი კიდევ ოთხ ბრალდებულთან ერთად ესწრებოდა სასამართლო სხდომას. ამის შესახებ ადგილობრივი მედია იუწყება.
ფერეიდუნი 2017 წელს დააკავეს კორუფციაში ბრალდებით და მალევე თავდებით გაათავისუფლეს. როჰანის მხარდამჭერთა ვარაუდით, მისი სამართლებრივი დევნის მიზეზი ირანის მკაცრი კურსის მომხრე ძალების მცდელობა, დაასუსტონ პრეზიდენტი.
ვებპორტალ „მიზანის“ ინფორმაციით, სასამართლოს შემდეგი სხდომა მომავალ კვირაში გაიმართება.
ფერეიდუნსა და მის ძმას სხვადასხვა გვარი აქვთ იმის გამო, რომ ის როჰანიმ შეიცვალა.