კალაძე: არ მიგვიღია არც ერთი გადაწყვეტილება, რომელიც საზიანო იყო ქალაქისათვის
თბილისის მერის, კახა კალაძის თქმით, დედაქალაქის მთავრობას არ მიუღია არც ერთი გადაწყვეტილება, რომელიც საზიანო იქნებოდა ქალაქისათვის.
ფეისბუქის პირდაპირ ეთერში კითხვებზე პასუხის გაცემისას, კალაძე ასე გამოეხმაურა შეკითხვას: "ჩუღურეთში ფეხბურთის სტადიონი ნინოშვილის ქუჩაზე აშენდება თუ ისევ მაღალი კორპუსების მშენებლობას აპირებთ?" კალაძის თქმით, დედაქალაქს ჰყავს ძალიან პასუხისმგებლობიანი მთავრობა, რომელიც ამაყობს იმით, რომ მუშაობის ერთწლიან პერიოდში არ მიუღია ქალაქისათვის საზიანო გადაწყვეტილებები, მაგალითად სკვერების ან სპორტული მოედნების შეზღუდვის ხარჯზე.
კალაძესთან ერთად, მისი მოადგილეებიც პასუხობენ მოქალაქეების კითხვებს ფეისბუქის პირდაპირი ეთერით.