თეა წულუკიანი კულტურის, სპორტისა და ახალგაზრდობის მინისტრად დაინიშნა
"პრემიერ-მინისტრის ბრძანების შესაბამისად, რომელსაც ირაკლი ღარიბაშვილმა ხელი დღეს მოაწერა, თეა წულუკიანი მინისტრის უფლებამოსილების შესრულებას 22 მარტიდან შეუდგება.
პრემიერ-მინისტრის ბრძანებითვე, მიხეილ ჩხენკელი, დღეიდან, დანიშნულია განათლებისა და მეცნიერების მინისტრად",- ნათქვამია განცხადებაში.
თეა წულუკიანი საქართველოს პარლამენტის განათლების, მეცნიერებისა და კულტურის კომიტეტს თავმჯდომარეობს.
პარლამენტის წევრად არჩევამდე თეა წულუკიანს იუსტიციის მინისტრის თანამდებობა ეკავა.
პარლამენტმა განათლების სამინისტროდან კულტურისა და სპორტის სამინისტროს გამოყოფას 16 მარტს დაუჭირა მხარი.