აშშ-ისა და ჩინეთის დიპლომატებს შორის მწვავე დაპირისპირება მოხდა მათ პირველ შეხვედრაზე ბაიდენის პრეზიდენტობის პერიოდში
გამხსნელი სიტყვა, რომელიც ჩვეულებრივ რამდენიმე წუთს გრძელდება ხოლმე, ამ შემთხვევაში ერთ საათზე მეტხანს გაგრძელდა. ალასკაში, ენკარაჯში გამართულ შეხვედრაზე სახელმწიფო მდივანმა ენტონი ბლინკენმა განაცხადა, რომ ჩინეთი „საფრთხეს უქმნის წესებზე დამყარებულ სისტემას, რომელიც ინარჩუნებს მსოფლიო სტაბილურობას“ და ღრმა შეშფოთება გამოხატა მუსლიმი უიღურების მიმართ ჩინეთის ქმედებების გამო.
ჩინეთის კომუნისტური პარტიის მაღალი რანგის დიპლომატმა, იან ძეჩიმ გაჯავრებულმა უპასუხა ბლინკენს და თქვა, რომ ჩინეთი მტკიცედ ეწინააღმდეგება აშშ-ის ჩარევას მის საშინაო საქმეებში.
მან აშშ-ს ასევე ბრალი დასდო, რომ ის ადამიანის უფლებების სფეროში საკუთარ პრობლემებს ვერ უმკლავდება და ბლინკენს ურჩია, აშშ-მა „შეიცვალოს იმიჯი და შეწყვიტოს საკუთარი დემოკრატიის დანარჩენი მსოფლიოსთვის თავს მოხვევა“.