კახა კალაძე: მეგობრებო, უამრავი შეტყობინება მომდის, მწერენ ნაცნობები და სრულიად უცნობი ადამიანები, თუ სად ვარ და რატომ არ ვჩანვარ აქტიურად
ბოლო დღეებში საჯაროდ არგამოჩენის მიზეზებზე წერს „ფეისბუკზე” თბილისის მერი კახა კალაძე. ის აცხადებს, რომ თბილისის ერთ-ერთ კლინიკაში გამოკვლევებს გადის. როგორც მერი აღნიშნავს, დაუდასტურდა ვერტებრო-ბაზილარული სინდრომი (დაავადება დაკავშირებულია ტვინში სისხლის მიმოქცევის დარღვევასთან) და ვესტუბულოპათია.
კახა კალაძეს არ დაუზუსტებია რამდენად რთულია მისი მდგომარეობა, როდის დაასრულებს გამოკვლევას კლინიკაში და სრულფასოვნად გააგრძელებს მუშაობას.
„მეგობრებო, უამრავი შეტყობინება მომდის, მწერენ ნაცნობები და სრულიად უცნობი ადამიანები, თუ სად ვარ და რატომ არ ვჩანვარ აქტიურად.
თავს ვალდებულად ვთვლი მოგაწოდოთ ინფორმაცია: დამიდასტურდა ვერტებრო- ბაზილარული სინდრომი და ვესტუბულოპათია, რის გამოც ვიმყოფები სამედიცინო კვლევებზე თბილისის ერთ-ერთ კლინიკაში. ვმუშაობ დისტანციურ რეჟიმში და ვაგრძელებ მკურნალობას. მინდოდა, ეს ინფორმაცია ჩემგან მიგეღოთ.
შეხვედრამდე!” – დაწერა კახა კალაძემ.