PayPal 18 მარტიდან რუსეთის მოქალაქეების ელექტრონულ საფულეებს დაბლოკავს
0
საერთაშორისო გადახდის სისტემა PayPal, რომელმაც რუსეთში მუშაობის შეჩერების შესახებ თვის დასაწყისში გამოაცხადა, 18 მარტს რუსეთის მოქალაქეების ყველა ელექტრონულ საფულეს დაბლოკავს. “ბოლოდროინდელი მოვლენების გამო, ჩვენ გადავწყვიტეთ შევაჩეროთ ჩვენი სერვისები რუსეთში. ჯერ-ჯერობით ვინარჩუნებთ თანხების გატანის ფუნქციას. სერვისის შესაძლო შეფერხებების შესამცირებლად, გთხოვთ, 2022 წლის 18 მარტამდე ამოიღოთ თქვენი ანგარიშიდან ნაშთი,” – ინფორმაცია ვებსაიტზეა განთავსებული. შეგახსენებთ, რომ 10 მარტს Visa-მ და Mastercard-მა რუსული ბარათების მომსახურება შეწყვიტეს. რუსეთის ტერიტორიაზე გაცემული VISA და Mastercard ბარათები არ იმუშავებს საზღვარგარეთ და, მეორეს მხრივ, რუსეთის ტერიტორიაზე არ იმუშავებს სხვა ქვეყნებში გაცემული VISA და Mastercard ბარათები.