რუსეთი და სანაოსნო სამსახურის წყაროები: შავ ზღვაში შტორმის გამო უკონტოლოდ დაცურავს უკრაინის ასეულობით საზღვაო ნაღმი
სააგენტო იმოწმებს რუსეთის სადაზვერვო სამსახურს და სავაჭრო ნაოსნობის სამსახურებს.
შავი ზღვა ხორბლის, ნავთობისა და ნავთობპროდუქტების გადაზიდვის მნიშვნელოვანი სატრანსპორტო არტერიაა.
"შტორმის გამო ნაღმების ღუზებთან დამაკავშირებელი კაბელები გაწყდა", განაცხადა რუსეთის უშიშროების ფედერალურმა სამსახურმა (FSB) 19 მარტს, პრესისთვის გაკეთებულ განცხადებაში, იტყობინება Reuters-ი.
"ქარისა და წყლის დინების გამო, ნაღმები თავისუფლად გადაადგილდება შავი ზღვის დასავლეთ ნაწილში",ავრცელებს ინფორმაციას რუსეთის უშიშროების ფედერალურმა სამსახური. FSB-ს ცნობით, დაახლოებით 420 ნაღმი მოწყდა ღუზებს. რუსეთის ქალაქ ნოვოროსიისკის პორტის ადმინისტრაციამ გაავრცელა ნოტა, რომელიც Reuters-მა იხილა. ნოტის თანახმად, შავი ზღვის დასავლეთ ნაწილში ნაოსნობა სახიფათო გახდა.
ნაოსნობის სამსახურის წყაროებმა განაცხადეს, რომ საფრთხის შესახებ თურქეთის ხელისუფლებამ გააფრთხილა ისინი, ვინც დარდანელისა და ბოსფორის სრუტეებით სარგებლობენ, იტყობინება Reuters-ი.