Ұлттық стиль және жайлы демалыс - Almaty Resort шипажайы өз қонақтарын қалай қарсы алады
АЛМАТЫ. ҚазАқпарат – Президент Іс Басқармасының Медициналық орталығына қарасты «Almaty Resort» шипажайының ашылғанына 55 жылдан астам уақыт өтті. Осы кезеңнен бері ол қазақстандықтар арасында танымал демалыс орындарының біріне айналды. Заманауи көпфункционалды санаторий-курорттық кешен экологиялық таза, тыныш әрі жаздың аптап ыстығында сая болатын ағаштармен қоршалған аумақта қолайлы орналасқан. Мұнда әр келушіні жылы қарсы алып, жоғары деңгейде қызмет көрсетіледі. Қонақтарға еуропалық стандарттар бойынша дайындалған жайлы бөлмелер, тамаша емдеу базасы, түрлі мәзірлер, спорт залдары және тағы да басқа қызметтер ұсынылады. Бұл жерде адамдардың көпшілігі табиғатты тамашалауға, таза ауамен тыныстауға және бастысы - бұл аумақта жаяу серуендеу үшін келеді. Осы орайда ҚазАқпарат тілшісі шипажайға барып, ондағы ерекшеліктерді біліп көрді.