Таралаңда туып төрткүл дүниеге танылды: боксшы, Қытай қазағы Тоқтарбек Таңатқан туралы не білеміз
АСТАНА. ҚазАқпарат – Осыдан бірер күн бұрын Өзбекстан астанасы Ташкент қаласында бокстан ересектер арасындағы кезекті әлем чемпионаты мәресіне жетті. Осынау дүбірлі додада шет мемлекеттер атынан сынға түсіп, шаршы алаңдағы айқастарда ұлт абыройын асқақтатып, жүлдеге ие болған ұлты қазақ боксшылары туралы да біраз айтылды. Солардың бірі Қытайдағы қазақ қандасымыз – Тоқтарбек Таңатқан. Миллиардтар елінде дүние есігін ашып, сол елдің туы астында рингке шығып, жұдырықтасып жүрген, Ташкент төрінде жасындай жарқырап, небір мықтыларды жолдан тайдырып, әлем чемпионатының күміс жүлдегері атанған, Қытай құрамасының еншісіне тиген жалғыз медаль иегері қандасымыз Тоқтарбек Таңатқан жайында ҚазАқпарат тілшісі біршама деректерді оқырманға ұсынады.