Ош: мыйзамсыз айдоочулук күбөлүк бергендерге кылмыш иши козголду
Анда айтылгандай, аталган мекеменин Ош облустук бөлүмүнүн кызматкерлери 2014-жылы К.Ы. аттуу жаранга “ВВ1” жана “СС1” категориясында, ал эми Ош шаардык бөлүмүнүн өкүлдөрү 2016-жылы Д.К. аттуу жаранга "ВСС1" категориясында автоунаа айдоого уруксат күбөлүгүн берген. Ал кишилер психикалык оорулар боюнча Ош облустук ооруканасынын Ноокат райондук Үй-бүлөлүк медициналык борборунда каттоодо турат. К.Ы. аттуу жаранга “акыл-эси такыр артта калган” жана "Эпилепсия" деген диагноз коюлган.
Эки факты боюнча өз-өзүнчө кылмыш иши козголуп, тергөө иштери уланууда.
Автотранспортторду каттоо жана айдоочулук күбөлүк берүү департаменти Мамлекеттик каттоо кызматына карайт. (ErN)