Дональд Трамп орус президенти Путинге көңүл айтты
Телефон аркылуу сүйлөшүүдө президент Трамп узак мөөнөттүү тынчтык келишимине жетишүү мезгили келгенин айтканы кабарланды. Президенттер эки тараптуу кызматташуу боюнча, анын ичинде Түндүк Корея маселесине да токтолушкан. Дональд Трамп Түндүк Корея өзөктүк куралдан арылып, эркин аймакка айлануусу маанилүү экенин белгилегенин Ак үй билдирди.
Ал эми ТАСС агенттиги "сүйлөшүүдө израил-палестин маселеси да талкууланганын, орус президенти "аймакта кырдаал биз баарыбыз көргүбүз келгендей эмес" деп айтканын жазды.
11-февралда Москванын чет жакасында кыйраган Ан-148 учагындагы 71 киши каза болгон. “Саратов аба жолдорунун” жүргүнчү ташыган учагы жекшембиде түштөн кийин Москванын “Домодедово” аэропортунан учуп чыккандан бир нече мүнөттөн кийин байланыш үзүлгөн.