Анкарадагы Апалдын аргасыз абалы
Түркиянын борбор шаары Анкарада мекендешибиз Апал жардамга муктаж. Эки ай мурун өзү менен чогуу келип иштеп жүргөн жолдошу ай-күнүнө жетип турган аялын таштап Кыргызстанга кеткен бойдон кайтып келген эмес. Авиа агенттиктер кош бойлуу энеге учак билетин сатуудан баш тартышкан. Төрөткананын акчасын чогулта албаган Апал учурда мекендештеринин колдоосу менен жан багып жатат.