Париж: Кесиптик кошуундардын жүрүшү тополоң менен коштолду
Эл аралык француз радиосунун маалыматына караганда, кесиптик кошуундар тобу Бастилия аянтынан Италия аянтына чейин жүрүшү керек болчу. Бирок демонстранттардын жүрүшүн «Кара блок» кыймылынын активисттери үзгүлтүккө учураттты. Солчул радикалдар жолдогу дүкөндөр менен банктардын терезелерин талкалашып, таштанды челектерге өрт коюшкан.
Тополоң маалында жол жээгинде жайгашкан «Макдоналдс» ресторанына жарылуучу зат куюлган бөтөлкө ыргытылган.
«Кара блок» 2017-жылы жайында Гамбургда «Чоң жыйырма» тобуна мүчө өлкөлөрдүн лидерлеринин жолугушуусунда уюштурулган баш-аламандыктарга тиешеси бардыгы менен белгилүү. Анда 70тен ашык полиция кызматкери жараат алган.