АРИС үч облустун жайыт комитеттерине айыл чарба техникасын таратууда
АРИС агенттиги Ош, Жалал-Абад жана Баткен облустарынын жайыт комитеттерине айыл чарба техникасын таратып берүүдө.
Бул тууралуу бүгүн “Азаттыкка” агенттиктин "Мал чарбасын жана рынокту өнүктүрүү" долбоорунун адиси Мирбек Досуев билдирди.
Досуевдин айтымында, 37 даана техниканын жалпы суммасы 131 миллион сомду түзөт.
Трактордун ар биринин баасы 3,5 миллион сомдон. Бирок айыл өкмөттөр ал баанын 870 миңин гана төлөйт. Калганын АРИС өзү каржылаган. (YI)