Новости за 12.08.2018

Иранда каржылык кылмыштарга шектелип 67 киши кармалганы расмий кабарланды.  - Алардын айрымдары күрөөгө бошотулду. Ал эми жүздөн ашуун адам, анын ичинде мамлекеттик кызматкерлерге, жетекчи кызматтагыларга жана башка жеке ишкерлерге чет өлкөгө чыгууга тыюу салынды, - деди Иран сотунун өкүлү Голамхоссейн Мохсени Эджей 12-августта мамлекеттик теле аркылуу.  Бир күн мурда эле өлкөнүн рухий көсөмү аятолла Али Хаменеи каржылык кылмыштарды кароо үчүн атайын сот түзүү өтүнүчүн канааттандырган.  Жаңы... Читать дальше...

Иранда каржылык кылмыштарга шектүү катары 67 киши кармалганы расмий кабарланды.  - Алардын айрымдары күрөөгө бошотулду. Ал эми жүздөн ашуун адамга, анын ичинде мамлекеттик кызматкерлерге, жетекчи кызматтагыларга жана жеке ишкерлерге чет өлкөгө чыгууга тыюу салынды, - деди Иран сотунун өкүлү Голамхоссейн Мохсени Эджей 12-августта мамлекеттик теле аркылуу.  Бир күн мурда эле өлкөнүн рухий көсөмү аятолла Али Хаменеи каржылык кылмыштарды караш үчүн атайын сот түзүү тууралуу өтүнүчтү канааттандырган. Читать дальше...

Казакстанда өткөн саммиттин жыйынтыгында, 12-августта Каспий деңизинин укуктук макамы такталды. Тийиштүү документке деңиз боюндагы беш өлкө Орусия, Казакстан, Азербайжан, Түркмөнстан жана Ирандын президенттери кол коюшту.  Макулдашууга 20 жылдык талаш-тартыштан кийин жетишти. Документке ылайык, деңиз бетинин негизги бөлүгү жалпы колдонууда кала берет. Түбү менен кен-байлыктарын, анын ичинде мунай корун коңшу өлкөлөр өз ара тил табышуунун жана эл аралык укуктун негизинде бөлүп алышат.  Саммитте... Читать дальше...

10 жыл ичинде объектилерди дат басып, Олимпиада символдору таштандыга айланган.

“Күлкү кербендин” бул чыгарылышында жердешчилик жана атаандашуу жөнүндөгү азил катыкталган чакан аңгеме сунуш кылынат.

Орусиянын Коргоо министрлиги аскер-аба күчтөрүнүн күнүнө карата Экинчи дүйнөлүк согуш учурундагы айрым документтердин сүрөттөрүн жарыялады.  Арасында Иосиф Сталиндин Берлинди бомбалоо тууралуу кол жазма буйругу да бар. Сталин аны Георгий Маленковго айтып жаздырып, 1941-жылдын 9-августуна оогон түнү кол койгон. Буйрукка ылайык, советтик учактардын бир бөлүгү Эстониядагы аэродромдон Берлинге жете барып, бомбалоого үлгүргөн. 1941-жылдын августунун аягында чабуулдар токтогон. Ал учурда немис армиясы Таллинди алган болчу. Читать дальше...

НАСА 12-августта "Паркер" аттуу аппаратын Күнгө учурду. Ал эң ысык планетаны курчап турган атмосферанын сырткы катмарына жетиши керек деп пландалган.  Бул тарыхтагы биринчи жолу Күнгө учуу.   Аппарат мерчемделген аралыкка 88 күндө жетип барышы керек. 1300 градус Цельсий температурага барабар мейкиндикте иштеп, маалымат чогултары күтүлүүдө. Чоңдугу орточо автоунаага барабар зонд көп катмарлуу карбон материалы менен калкаланган. Бир эле бурчуна калканч жетпей калса дароо иштен чыгып, күйүп жок болушу ыктымал. Читать дальше...

Калкты үй менен камсыздоодо турак жайларды куруунун темпи өстү. Бул тууралуу бүгүн, 12-августта премьер-министр Мухаммедкалый Абылгазиев куруучулардын кесиптик майрамы менен куттуктаган сөзүндө билдирди. Өкмөт башчы пайдаланууга берилген объекттердин саны өсүп, архитектуралык дизайн өнүгүп жатканын белгилеген. - Курулуш тармагы ички дүң өндүрүмдүн өсүүсүнө таасир берүү менен өлкөнүн социалдык-экономикалык өнүгүүсүнө маанилүү салым кошот. Куруучулар алдыңкы технологияларды колдонуп, көптөгөн курулуштарды... Читать дальше...

Мээ кайнаткан ысыкта Бишкектин жаңы конуштарынын көбүндө таза суу чыкпай, жашоочулар кыйнала баштады.

Кабык дарактын сөңгөгүнүн тик өсүүсүнө жардамдашат. Быйыл Меркурийге илимий сапар башталат... Космостук станциядагы аяз. Топ сүзүү аялдардын баш мээси үчүн кооптуу.

Айдана Оторбаева 23 жашта. Ал Кыргызстандын футбол боюнча спорт чебери, бир нече жолу өлкө чемпиону болгон.

Аксы районундагы Жаңы-Жол айылынын 38 жаштагы тургуну 12-августта, эртең мененки саат сегиз жарым чамасында чагылган тийип каза болду. Бул тууралуу Өзгөчө кырдаалдар министрлигинин маалымат кызматы кабарлады. Маалыматка караганда, Токтобек Шадыканов аттуу тургун чөп чаап жаткан учурда чагылган түшкөн. Маркум ошол учурда телефон менен сүйлөшүп жаткан жана денесинин көпчүлүк бөлүгү күйгөн. ӨКМ, милиция кызматкерлери кырсык болгон жерге барып, тиешелүү иш-чараларды жүргүзүштү. (КЕ)

“Талибан” кыймылынын Доха шаарындагы саясий кеңсесинин башчысы Шир Мухаммад Аббас Станикзай башында турган делегация 7-10-август күндөрү жумушчу сапар менен Өзбекстанга барды. Кыймылдын өкүлдөрү Тышкы иштер министрлигинде болуп, тараптар Ооганстандагы тынчтык жараянынын келечеги тууралуу сүйлөштү. Бул тууралуу Өзбекстандын ТИМи билдирди. "Талибан" кыймылы Ооганстандын аймагында дээрлик чейрек кылым согушуп келген, региондогу ири аскердик топтордун бири. Буга чейин Өзбекстандын президенти Шавкат... Читать дальше...

Кыргызстандын аймаганда 13-августта түнкүсүн көпчүлүк аймактарда мезгил-мезгили менен жаан жаап, күн күркүрөйт, тоолуу райондордо  жаан карга айланышы ыктымал. Кээ бир райондордо жаан-чачын катуу жаашы мүмкүн. Күндүз Ысык-Көл, Нарын облустарынын айрым жерлеринде өткүн өтүп, күн күркүрөйт. Бийик тоолуу райондордо жаан, кар жаайт. Чүй, Талас, Ош, Жалал-Абад, Баткен облустарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарында 15-20 метрге жетиши мүмкүн. Читать дальше...

Дүйнөлүк басма сөзгө баяндама (1-12-август)

Июнь айында Кыргызстандын жалпы мамлекеттик карызынын өлчөмү 4 млрд. 411,03 млн. АКШ долларын түздү. Бул тууралуу Каржы министрлигинин маалымат кызматы кабарлады. Мунун ичинен тышкы карыз 3 млрд. 809,19 млн. долларды, ички карыз 601,84 млн. долларды түзөт. Кыргызстандын эң көп бересеси Кытайдын Экспорттук-импорттук банкына туура келет – ага Бишкек 1,7 млрд. доллардан ашуун сумманы төлөшү керек. Бул тышкы карыздын 45% жакынын түзөт. Өкмөт быйыл январь-март айларында мамлекеттик карызды төлөөгө жалпысынан 1,87 млн. Читать дальше...

Англиянын түндүк-батышындагы Манчестер шаарындагы атышуудан он киши жабыркады. Окуя шаардагы карнавалдан кийин болуп, кол салган адам изин жашырып кеткен. Карнавалдын катышуучулары ар кандай деңгээлде жараат алган. Дарыгерлер алардын өмүрүнө коркунуч жараткан жагдайлар жок экенин белгилөөдө. Учурда кылмышкердин тек-жайын аныктоо иштери жүрүп жатат. Полиция тергөө-иликтөө иштерин баштады.

Кыргызстанда мусулмандардын Курман айт майрамы 21-августта белгиленет. Бул тууралуу Муфтияттын маалымат кызматы кабарлады. "12-август Зул Хижжа айынын биринчи күнү болгондуктан кыргызстандыктар Курман айт майрамын 21-августта белгилешет. Ал эми 20-август арапа күнү болуп, ажылык милдеттерин өтөп жүргөн мекендештерибиз бул күнү ыйык Мекке шаарындагы Арафат өрөөндө болушмакчы", - деп жазылган муфтият тараткан маалыматта. Курман айт – мусулман коомчулугунун ири майрамы болуп саналат. Аны белгилөө күнү айдын чыгышына карап аныкталат. Читать дальше...

Монголиянын түштүк-чыгышында жүргүнчү ташыган поезд жолдон чыгып, алты адам жабыркады. Алардын үчөө балдар. Бул тууралуу Синьхуа агенттиги жазды. Вагондо 328 жүргүнчү болгон. Окуя болгон жерде куткаруучулар иштеп жатат. Кырсыктын себептери иликтенүүдө.

Түркиялык ишкер Огулжан Айдомуш өлкөдө жашаган этникалык кыргыздардын мектебине материалдык колдоо көрсөтүүнү чечкен. Ал өзү иштеткен чакан кафеге мектеп окуучулары тарткан сүрөттөрдүн көргөзмөсүн уюштуруп, эки жуманын ичинде дээрлик баарын сатып бүткөн. Түрк ишкер сатыктан топтолгон акчаны чогултуп, Ван аймагындагы Улуу Памир айылындагы мектепке алып барем деп турган чагы.

Бул жумада Бишкек шаары жаңы мэрлүү болду, Ысык-Көлдө төртүнчү "Мекендештер" форуму өттү, АКШ Орусияга жаңы санкция киргизерин жарыялагандан кийин рубль кескин арзандап кетти.

Бул жумада Бишкек шаары жаңы мэрлүү болду, Ысык-Көлдө төртүнчү "Мекендештер" форуму өттү, АКШ Орусияга жаңы санкция киргизерин жарыялагандан кийин рубль кескин арзандап кетти.

Проценко былтыр JFC 3 турниринин алкагында Мыктыбек Мамасалиевди утса, быйыл WEF Global 12 турниринин беттешинде Тилек Жээнбековго жеңилген болчу.

Кыргызстандын президенти Сооронбай Жээнбеков быйылкы 2018-жылды Аймактарды өнүктүрүү жылы деп жарыялап, алдыга бир катар милдеттерди койгонуна сегиз ай болду.

“Манас” эл аралык аэропортунда жергиликтүү каттамдарды кабыл ала турган бөлүм ачылат. Бул тууралуу аталган мекеменин маалымат кызматы кабарлады. Анын белгилешинче, ушул тапта аба майданындагы күтүү, жүктөрдү берүү залы оңдолуп жатат. Курулуш иштерин 31-августка чейин бүтүрүү пландалган. Буга чейин “Манас” эл аралык аэропортунун жетекчилиги Бишкек жана Ош аэропортторун модернизациялоо боюнча иштерди жүргүзө турганын айткан. “Манас” аэропортунун инфраструктурасын оңдоо боюнча 24 долбоор бар. 1-2-кабаттарын... Читать дальше...