Новости за 03.09.2019

Башкы прокуратура 1-2-класстар үчүн «Математика» китептерин сатып алууда Билим берүү жана илим министрлигинин жооптуу кызматкерлери бир нече мыйзам бузууга жол беришкенин билдирди. Текшерүүдө дээрлик 91 млн. сомго жакын суммага, М.Моронун (Мария Игнатьевна Моро - орусиялык окумуштуу, методист – ред.) авторлугундагы жана башка башталгыч класстар үчүн жазылган математика боюнча окуу китебин сатып алууда «Мамлекеттик сатып алуу жөнүндө» мыйзам бузулуп, техникалык спецификация иштелип чыккан. Муну менен сынакка катышуучулардын укугу бузулуп... Читать дальше...

Кыргызстандын футбол боюнча курама командасы үчүн 2022-жылы Катарда өтө турчу дүйнө чемпионатына тандоо оюндарынын 2-баскычы 5-сентябрда башталат. Мында ак шумкарлар Дүйшөмбү шаарында Тажикстандын курама командасы менен беттешет.

Ооганстанда «Талибан» кыймылы Кабул шаарында дүйшөмбүдө кечинде жардыруу уюштурганын ырастады. Эл аралык уюмдардын өкүлчүлүктөрү жайгашкан «Жашыл зонанын» жанында болгон кол салуудан бери дегенде 16 киши мүрт кетти, 120 киши жарадар болду.  Бир катар маалымат агенттиктери АКШнын Ооганстан боюнча чабарманы Залмай Халилзад талибдер менен түзүлгөн тынчтык келишиминин мазмунун ооган президенти Ашраф Ганиге тааныштыруу максатында келгенде ушундай кандуу окуя болгонун жазып чыгышты.  Эки тараптуу макулдашуунун долбооруна ылайык... Читать дальше...

Ирандын президенти Хасан Роухани Тегеран менен Вашингтондун бетме-бет сүйлөшүү мүмкүнчүлүгүн жокко чыгарды. Ошол эле кезде АКШ менен «алтылык» форматта жолугушууга даяр экенин айтты.  - Эгер АКШ Иранга салган бардык санкцияларынан баш тартса, буга чейинкидей 5+1 форматында сүйлөшүүгө катышса болот, - деди Роухани.  Өткөн айдын аягында АКШнын президенти Дональд Трамп Францияда «Чоң жетинин» саммитинен кийин журналисттердин суроолоруна жооп берип жатып, Тегерандын өзөктүк программасынын айланасындагы... Читать дальше...

Алмазбек Зарылбек уулу Юстиция министрлигине караштуу пробация (абактан сырткары жаза) департаментинин директору болуп дайындалды. Тийиштүү буйрукка премьер-министр Мухаммедкалый Абылгазиев кол койгонун министрликтин басма сөз кызматы кабарлады. Департамент 1-сентябрдан баштап иштей баштады. Мурда бул мекеме Жаза аткаруу боюнча мамлекеттик кызматка (ЖАМК) караган. 44 жаштагы Алмазбек Зарылбек уулу буга чейин атайын кызматта, Тышкы иштер министрлигинин консулдук кызматында, Юстиция министрлигинин Чүй-Бишкек башкармалыгында иштеген. Читать дальше...

Орусияда «Левада-борбор» уюмунун соңку иликтөөсүнө ылайык, жарандардын 45 пайызы Москвада нааразылык акцияларына чыккандарга тартип коргоо органдарынын кызматкерлери негизсиз күч колдонду деп эсептейт. Ал эми үчтөн бир бөлүгүнүн пикиринде, полиция аша чапкан эмес. «Леваданын» сурамжылоосуна катышкандардын дээрлик теңине жакыны Москвада шаардык кеңешке шайлоого катталбай калган оппозициялык жана өз алдынча талапкерлерди колдогон нааразылык акцияларга кайдыгер экени белгилүү болду. Митингдерди колдогондор 23... Читать дальше...

Бишкектин мэриясына таандык батирлерди алдамчылык жолу менен сатып жибергени кабарланган муниципалдык мүлктү башкаруу башкармалыгынын мурдагы кызматкери сегиз батир үчүн 305 миң доллар алганы аныкталды. Бишкек шаардык ички иштер башкармалыгынын басма сөз кызматы тараткан маалыматка ылайык, ал «муниципалдык мүлктү башкаруу башкармалыгы аукцион өткөрүп жатат» деген шылтоо менен батирлерди жеке тараптарга саткан. Шектүү жакын арада документтерди жасап берүүгө убада берип, из жашырып кеткен. 1-сенябрда... Читать дальше...

Тейлөө тармагында маянанын аздыгы жаштарды тез-тез жумуш ордун алмаштырууга мажбур кылууда. Күндүз лицейде окуп, кечинде кафеде иштеп жүрүп алган ашпозчулук адистиги боюнча ишке орношо албаган Айчүрөк Сулайманова орто мектепти да бүтө албай калды. Ал 14 саат иштетип, болгону 8 миң айлык берген кафеден кетүүгө мажбур болду. "Азаттыктын" каарманы Айчүрөк тууралуу төрт жыл мурда "Азаттык" көрсөткөндөн кийин жардам колун сунгандар көп болгон. Учурда ал оорулуу энеси, иниси менен кайра эле жаңы конушта бир бөлмөлүү кепеде күн кечирип жатат.

Грузияда «Грузин кыялы» башкаруучу партиясы өкмөт башчылык кызматка ички иштер министри Георгий Гахариянын талапкерлигин көрсөттү. Бул тууралуу аталган партиянын төрагасы Бидзина Иванишвили 3-сентябрда Тблисидеги брифингде билдирди.  Тбилисиде жай айларында миңдеген адам катышкан нааразылык акциялары өткөн. Анда демонстранттар полиция тынч жыйынга чогулгандарды күч колдонуп, кууп таратканы үчүн Георгий Гахарияны кызматтан кетирүүнү да талап кылышкан.  Буга чейинки премьер-министр Мамука Бахтадзе... Читать дальше...

Милиция Бишкектин Ахунбаев менен Курчатов көчөлөрүнүн кесилишинде жайгашкан супермаркеттин жанындагы мушташка катышкан 34 жана 20 жаштагы Жаныбек Бапышев менен Калысбек Сейитбековду издеп жатат. Бул тууралуу Бишкек шаардык ички иштер башкармалыгынын басма сөз кызматы кабарлады. 28-августта болгон мушташта эки киши жабыркап, бири комага түшүп калган. Эки эркек кишинин катуу сабалганы тартылган видео социалдык тармактарга да тарап, анда бирөө катуу соккудан эсин жоготконун, каршылык көрсөтүүгө аракет... Читать дальше...

«Ата Мекен» партиясынын лидеринин үй камагына чыгарылышы коомчулуктун кызуу талкуусуна алынып жаткан кез.

Кара-Кулжа айылдык кеңешинин депутаты апасы менен кошо айыл өкмөт башчысынан таяк жеди деп ооруканага түштү.

Жарыш 15-сентябрь күнү эртең менен башталат, бирок айрым көчөлөрдө кыймыл 14үнөн тарта эле чектелет.

Чүй облусунун Сокулук районуна караштуу Жаңы-Пахта айыл аймагында 14 жаштагы секелектин төрөгөнү тууралуу маалымат ыкчам иликтөө иштеринин натыйжасында 29-август күнү белгилүү болду. Бул тууралуу «Азаттыкка» облустук милициянын басма сөз кызматы Нургүл Нусупова кабарлады. Бул фактыга байланыштуу шектүү катары кыздын 53 жаштагы атасы кармалып, убактылуу тергөө абагына камакка алынды. Жазык кодексинин 161-беренесинин («Зордуктоо») негизинде кылмыш иши козголуп, керектүү экспертизалар дайындалды. ... Читать дальше...

7-8-августта Кой-Таш айылында болгон окуяларды иликтеш үчүн түзүлгөн мамлекеттик комиссиянын курамынан мурдагы акыйкатчы Турсунбек Акун өз каалоосу менен чыкты. Мындай чечимге ал кримтөбөл Азиз Батукаевдин түрмөдөн мыйзамсыз бошотулушуна байланыштуу иште өзүнүн аты аталып жатканы менен байланыштырды. Анын «Азаттыкка» берген маалыматына караганда бүгүн, 3-сентябрда Кой-Таш окуясы боюнча түзүлгөн комиссия биринчи жыйынга чогулду. Комиссиядан чыгуу тууралуу чечимин ал ошондо жарыялаган. - Эгерде... Читать дальше...

Ош базарынын батыш тарабындагы «Берекет универсал» дүң жана чекене базарынын 200дөн ашуун соодагери нааразылык акциясына чыгышты. Алар базардын жабылышына жана анын ордуна соода борборун курууга каршылык билдирип жатышат. - Базарды жаап, көп кабаттуу соода борборунун курулушуна каршы болуп жатабыз. Куруп туруп эле кайра «чарчы метрин 1,5 миң доллардан сатабыз» деп жатышат. Бекер куруп берсе эл макул болмок. Өзүбүздүн ордубузду буга чейин 5-10 миң долларга сатып алганбыз, - деди соодагерлердин бири Руслан Исаков. Читать дальше...

Казакстандын президенти Касым-Жомарт Токаев 2-сентябрда парламентте биринчи жолу элге кайрылды. Ал бийлик бир колдо топтолгон бул өлкөдө саясий атаандаштыкты жана плюрализмди өнүктүрүүгө убада берди.

Жарыш борбор шаардын көчөлөрүндө болуп, катышуучулары 1, 5, 14 жана 21 чакырымга чуркашат.

Бишкектин 7-кичирайонундагы «7-апрель шейиттери» мечитин курууга кеткен каражаттын булактарын аныктоо ишин тергөө жүргүзүп жатат. Бул тууралуу Башкы прокуратура кабарлады. Маалыматка караганда, Биринчи май райондук соту аталган мечитти камакка алган. «Тергөөдө мечитти мурдагы президент Алмазбек Атамбаев курганы аныкталган. Имарат турган бир гектар жер Атамбаевге таандык «Форум» илимий-өндүрүштүк ишканасына катталган», - деп жазылат башкы көзөмөл органы тараткан маалыматта. «7-апрель шейиттери» мечити 2019-жылдын апрель айында ачылып... Читать дальше...

Тойканалар менен ресторандарды кимдер кимдин эсебинен гүлдөтүп жатканы жөнүндө сөз.

Мурдагы мамлекет башчысы Алмазбек Атамбаевдин жеке айдоочусунан президенттик аппараттын жетекчи орун басарлыгына чейин жеткен кеңешчиси Икрамжан Илмияновдун кылмыш иши улам жылып отуруп, 4-сентябрга дайындалды.

Тамеки заттарын мыйзамсыз сактоо, сатуу жана ташуу иштерин жүзөгө ашырган фактылар аныкталды. Улуттук коопсуздук боюнча мамлекеттик комитет (УКМК) тараткан маалыматка караганда, ушул жылдын 1-сентябрында ыкчам тергөө иштеринин жүрүшүндө А.И. аттуу жаран айдап бараткан «Mercedes Sprinter» маркасындагы автоунаа кармалган. Аны текшерүүдө 79 кутудан турган акциздик маркасы жок ар кандай аталыштагы тамеки блоктору табылды. Товар Кыргызстандын жаранына таандык болгон. Ал 2017-жылы Бажы, Экономикалык... Читать дальше...

Ирандын тышкы иштер министри Жавад Зариф Европа өлкөлөрүн «Орусия менен Кытайдан айырмаланып, өзөктүк келишимдеги милдеттенмелерин толук аткарбай жатат» деп сындады.

Ала-Арча суу сактагычындагы балыктардын зыянга учураганын териштириш үчүн атайын комиссия түзүлдү. Бул тууралуу Экологиялык коопсуздук башкармалыгынын жетекчиси Максат Өмүров билдирди: - Алдын-ала маалыматтар боюнча Ала-Арча суу сактагычында калдык сууну коё берген учурда балыктар өлгөн. Суу сактагыч Суу ресурстары боюнча мамлекеттик агенттиктин көзөмөлүндө. Ал эми суудагы балыктар боюнча «балык өстүрүү максатында пайдаланса болот» деп өкмөттүн токтомунда бекитилген. Ошонун баарын кылдат иликтеп, тыянак чыгарыш үчүн комиссия иш алып барат. Читать дальше...

3-сентябрда жаа атуу спорту боюнча коомдук ишмер Табылды Эгембердиевдин жаркын элесине арналган II эл аралык мелдеш башталат. Мелдеш «Дордой» футбол комплексинде өтөт. Бул тууралуу уюштуруучулар кабарлашты. Мелдешке Азербайджан, Бангладеш, Бириккен Араб Эмираттары, Грузия, Казакстан, Кувейт, Орусия, Өзбекстан, Судан жана Тажикстан өлкөлөрүнөн келген мергенчилер катышат. Ал эми Кыргызстандан 10 жаачы күч сынашат. Мелдеш Жаа атуу федерациясынын, Жаштар иштери, дене тарбия жана спорт боюнча мамлекеттик агенттиктин... Читать дальше...