Новости за 30.09.2019

Грекиянын Лесбос аралындагы «Мориа» качкындар лагеринде чыккан өрттөн эки адам өлдү. Жергиликтүү полиция алар качкын катары тыштан келген эне-бала экенин билдирди. Расмий маалыматка ылайык, өрт эки жерде тутанган: биринчиси лагердин сыртындагы зайтун бактарынын жанында, экинчи кырсык лагердин өзүндө болгон. Негизинен ооган жарандары басымдуулук кылган бул лагердин жашоочулары өрт тез өчүрүлбөгөнүнө нааразы болуп, тополоң чыгарышты. Мунун айынан калайман баш аламандык болуп, полиция көздөн жаш агызуучу газ колдонгон. Читать дальше...

Жалал-Абад шаарында «Регион» аттуу жаңы телеканал иштей баштады. Бул тууралуу «Азаттыкка» каналдын башкы директору Рамис Каимов билдирди. 27-сентябрдан тартып канал өз берүүлөрүн Жалал-Абад жана Ош аймактарына жайылта баштады. Каимовдун айтымында, көз каранды эмес телеканал бийликтин же оппозициянын кызыкчылыгын көздөбөйт. Музыкалык, маалыматтык жана аналитикалык багытта даярдалган көрсөтүүлөр кийинки айдан баштап Бишкек шаарында да көрсөтүлө баштайт. Лицензиясы «Карек» жоопкерчилиги чектелген... Читать дальше...

Австрияда 29-сентябрда өткөн парламенттик шайлоонун баштапкы жыйынтыгына ылайык, эскичил турумдагы «Элдик партия» алдыга чыгып, добуштардын 37 пайызын алды. Эми аталган партиянын лидери Себастьян Курц дагы премьер-министр болушу ыктымал. Ал коалициялык көпчүлүк түзүш үчүн башка партиялар менен сүйлөшүп, макулдашуусу керек.  Башкаруучу коалициядагы алардын болжолдуу өнөктөшү деп эсептелген «Жашылдар» партиясын шайлоочулардын 14 пайызы колдоду. Бул партиянын лидери Вернер Коглер коалицияга кошулуу... Читать дальше...

Сауд Арабиясынын ханзадаасы, тактынын мураскери Мухаммед ибн Салман эгер эл аралык коомчулук Иранды ооздукташ үчүн катуулугун жана чечкиндүүлүгүн көрсөтпөсө, мунайдын дүйнөлүк баасы болуп көрбөгөндөй көтөрүлүп, чыңалуу дагы күчөй турганын эскертти. Ал ошол эле кезде Иран маселесин чечүүдө аскердик эмес, саясий чечимге артыкчылык бере турганын айттты. Салман 29-сентябрда америкалык CBS телеканалындагы «60 мүнөт» программасындагы маегинде «бул ишти аскердик эмес, саясий жана тынч жол менен чечүү жакшыраак» деди. Читать дальше...

1-октябрда Ош, Жалал-Абад, Баткен, Ысык-Көл жана Нарын облустарынын көпчүлүк аймактарында, Чүй, Талас облустарынын кээ бир райондорунда мезгил-мезгили менен жаан жаап, тоолуу райондорго кар түшөт. Батыштан соккон шамалдын ылдамдыгы секундасына 4-9, Ысык-Көл жана Нарын облустарынын айрым жерлеринде 15-20 метрге жетет. 1-3-октябрь аралыгында Чүй, Жалал-Абад облустарынын тоо этектеринде - 2, Талас, Ысык-Көл облустарынын дыйканчылык аймактарында абанын температурасы -1…-3° суук болуп, Нарын облусунун дыйканчылык аймактарында -2…-4° үшүк жүрөт. Читать дальше...

Чүй облусунун Сокулук районуна караштуу Орок айылында үйлөнүү тоюнан кийин ок атылып, эки адам жабыркады. Бул тууралуу облустук милициянын басма сөз кызматы дүйшөмбү күнү кабарлады. Мекеменин басма сөз кызматынын өкүлү Назира Имангазиева «Азаттыкка» билдиргендей,  окуя 29-сентябрда болгон. Орок айылында тойдон кийин жаштар Жал айылынан баргандар менен мушташа кетишкен. - Бүгүн, 30-сентябрда Бишкектин Ленин райондук милициясына ооруканага ок тийген эки эркек киши жаткырылганы тууралуу маалымат түшкөн. Читать дальше...

Жалал-Абад облусун өнүктүрүү фонду Тогуз-Торо районундагы Көк-Ирим айыл аймагына 4,1 млн. сомго жаңы комбайн алып берди. Фонддун директору Танзилия Сатимова «Азаттыкка» билдиргендей, аймакта комбайндын жоктугун жана шарттын катаалдыгын эске алып ушундай чечим кабыл алынган. Буга чейин жергиликтүү фермерлер Сузак районунан комбайн чакырып, эгинин жыйнап келишкен. Техниканын жоктугунан эмгеги текке кеткен учурлар да болгон. - Техниканын келиши менен аймакта иштетилбей жаткан айдоо аянттары да азаят... Читать дальше...

АКШнын президенти Дональд Трамп анын Украинанын президенти Владимир Зеленский менен телефон аркылуу сүйлөшүүсү тууралуу арызданган адам менен бетме-бет кездешип жолуккусу келерин билдирди. Ал буга байланыштуу 29-сентябрда «Твиттердеги» баракчасына бир канча билдирүү калтырып, аны «айыптаган» адам «мыйзамсыз маалымат таратканын» жазды. «Ал адам АКШнын президентин аңдыдыбы? Мунун кесепеттери чоң!» деп жазды ал. Бул билдирүүдөн кийин эле эле «60 мүнөт» телеканалындагы жаңылыктар программасы Трамптын... Читать дальше...

Мелдешке Кыргызстандын жана Өзбекстандын балбандары катышып, 12 салмак категория боюнча күч сынашкан. Жеңүүчүлөр медаль, диплом жана баалуу белектер менен сыйланды.

Аялдар күрөшү боюнча дүйнө чемпиону Айсулуу Тыныбекова турмушта калыс адам, анын айынан кээде бетке айтып жаман көрүнүп аларын машыктыруучусу Нурбек Изабеков белгиледи.

«Мен коррупцияга каршымын!» сынагынын алкагында Арсланбек Кенжешов жиберген сунуштар.

Сауд Арабиянын падышасынын кезектеги үй-бүлөлүк жаңылыктары Твиттер баракчасында жарыяланды.

«Азаттык» Оштогу окуяны сөз эркиндигине коюлган чабуул деп баалайт.

Нарында жер титиреди. Улуттук илимдер академиясынын маалыматына караганда, жердин силкинүү күчү 3 баллга жетти. Жер титирөөнүн очогу Эпкин айылынан түндүк-батышты көздөй беш чакырым, Чаектен түндүк-чыгыш тарапка 15 чакырым аралыкта жайгашкан тилкеде болду. Силкинүүнүн очогу Баш-Кууганды, Эпкин, Байзак, Таш-Дөбө, Түгөл-Сай, Куйручук, Чаек, Чоң-Дөбө, Ак-Татыр, Кызыл-Туу айылдарында 3 балл болуп сезилди. Кыйроо жана жабыркагандар тууралуу маалымат жок.

Аптанын сүрөтү

Өкмөттүн Соттук өкүлчүлүк борборуна мамлекет бөлгөн каражаттын туура эмес пайдаланылышы боюнча териштирүүнүн алкагында Финансы министрлигинде сакталып турган айрым документтер алынды. Бул тууралуу 30-сентябрда Финансы министрлигинин сайтына расмий билдирүү чыкты. Сайттагы маалыматка караганда, кагаздар министрдин иш бөлмөсүнөн эмес, кызматтык документтер сакталуучу жайдан алынды. «Кагаздарды алууга министр Бактыгүл Жээнбаева өзү уруксат берген. Экономикалык кылмыштарга каршы күрөш боюнча мамлекеттик... Читать дальше...

Палестинанын туткундарды изилдөө борбору сионисттик режим 2000-жылдан бери интифадага (Палестинаны бошотуу кыймылы) катышкан 119 миң палестиналыкты камакка алышканын ачыктады.

Кыргызстандын тышкы иштер министри Чыңгыз Айдарбеков Борбор Азиядагы уран калдыктарынын экологиялык маселесин чечиш үчүн кошумча каражат тартууга көмөктөшүүгө жана эл аралык тилектештикти күчөтүүгө чакырды. Бул тууралуу ал 27-сентябрда Нью-Йоркто БУУнун Башкы Ассамблеясынын 74-сессиясынын Жогорку деңгээлдеги жумалыгынын аянтчасында баяндама жасаган учурда айтты.  Тышкы иштер министрлигинин басма сөз кызматы билдиргендей, Кыргызстандын демилгесинен улам Тажикстан жана Өзбекстан менен кошо Европа Биримдигинин... Читать дальше...

Жогорку Кеңештин вице-спикери Аида Касымалиева «Азаттык» радиосуна маек куруп, Айбек Кулчумановдун айланасындагы акыркы окуялар басма сөз эркиндигине доо кетирерин, муну кылдат талдап чыгуу зарыл экенин билдирди.

Чүйдө өспүрүм ага-ини балдар даараткананын чуңкуруна түшүп кетип каза болушту. Өзгөчө кырдаалдар министрлигинин маалыматына караганда, окуя 28-сентябрдын кечинде Сокулук районуна караштуу Военно-Антоновка айылында болгон. Чүй милициясынын маалымат кызматынын өкүлү Нургүл Нусупова «Азаттыкка» айтканына караганда, балдар кырсыкка ойноп жүрүп кабылышкан.  - Баштапкы маалыматка караганда, балдар короодо ойноп жүрүп, бирөө дааратканага түшүп кеткен. Артынан улуусу барып куткарып алайын деп, ал да түшүп кеткен. Читать дальше...

Кытайдын тышкы иштер министри БУУнун Башкы Ассамблеясынын алкагында сүйлөгөн сөзүндө Америка өкмөтүнүн саясаты дүйнөлүк тартипке коркунуч келтирип жатканын эскертти.

27-сентябрда Нью-Йоркто Кыргызстандын тышкы иштер министри Чыңгыз Айдарбеков  Камерундун тышкы иштер министри Мбелла-Мбелла жана Мозамбиктин тышкы иштер жана кызматташуу министри Жозе Кондугуа Пашеку менен өз-өзүнчө эки тараптуу жолугушууларды өткөрдү. Жыйынтыгында Бишкек аталган эки мамлекет менен дипломатиялык мамилелерди түзүү жөнүндө биргелешкен коммюникелерге кол коюшту. Документке ылайык, мамлекеттер тынчтык жана коопсуздук жаатында эл аралык талаптарды аткарууга, өлкөлөрдүн эгемендигин жана аймактык бүтүндүгүн... Читать дальше...

Ооганстанда 28-сентябрда «Талибан» кыймылынын бийлиги кулагандан берки 4-ирет президенттик шайлоо өттү.

«SpaceX» компаниясынын башчысы Илон Маск »Starship» аттуу космостук кемени көрсөттү. Анын бортунда экипаждар менен Айга жана Марска учуу пландалууда. Алгачкы сыноо жакынкы айларда уюштурулат. Масктын айтымында, кемени бир канча жолу пайдаланса болот. Алгач ал космосто эки ай болуп, анан Жерге кайтат.  Илон Масктын планы боюнча, 2025-жылы Марска миссия жөнөткөнгө мүмкүнчүлүк ачылат. Аппарат жүзгө чейин адамды батырат жана ага 150 тонна жүк жүктөсө болот.  Кеменин алгачкы жүргүнчүсү миллиардер Юсаку Маэдзава болору айтылган. Читать дальше...

Жогорку Кеңештин вице-спикери Аида Касымалиева «Азаттыктын» операторуна кол салууга байланыштуу Ички иштер министрлиги тез арада билдирүү жасашы керек экенин билдирди. Ал 30-сентябрда «Азаттык» радиосунун эфиринде ушундай оюн айтты:  - Мен укук коргоо органдарын бул окуяны кылдат иликтеп, калыс чечим чыгарууга чакырам. Коом да аны талап кылышы керек. Бул бир гана журналисттин кызыкчылыгы эмес, бул коомдун кызыкчылыгы. Себеби, маалымат ачык болгондо гана алдыга жылуу болот.  28-сентябрда Ош шаарында... Читать дальше...