Новости за 02.10.2019

Ооганстандык талибдердин делегациясы коңшу Пакистанга сапар алууда. Алар пакистандык расмий өкүлдөр менен Исламабадда «маанилүү маселелерди» талкуулай турганын «Талибан» кыймылынын негиздөөчүлөрүнүн бири Абдул Гани Барадар молдо билдирди. Талибдер АКШнын Ооганстан боюнча атайын чабарманы Залмай Халилзад Исламабадда жүргөн учурда Пакистанга бара жатышат. Бирок алар америкалык өкүлдөр менен кездешер-кездешпеси так айтылган жок. Пакистан 1990-жылдардын башында Ооганстандагы жарандык согушта «Талибан» кыймылын колдоп турганы белгилүү. Читать дальше...

Бириккен Улуттар Уюму ушул жылдын башынан бери Жер Ортолук деңизине миңден ашык мигрант жана качкындар чөгүп каза болушканын билдирди.

“Азаттык” радиосунун кызматкерлерине байланыштуу катталган иш толугу менен Ички иштер министрлигинин жетекчилигинин көзөмөлүндө турат. Бул тууралуу мекеме бүгүн 2-октябрда билдирүү таратты. Министрликтин басма сөз кызматынын өкүлү Назира Султанкулованын айтымында, тергөөгө байланыштуу жагдайлар убагы келгенде ачыкталат: - Учурда тергөө, иликтөө ыкчам иштери жүрүп жаткандыгына байланыштуу тергөөнүн купуялыгын эске алуу менен тергөөгө тиешелүү жагдайларды ачыктоону убагы келгенде билдиребиз.... Читать дальше...

Ички иштер министрлигинин (ИИМ) Тергөө кызматы кримтөбөл Азиз Батукаевдин түрмөдөн мыйзамсыз бошотулушу боюнча ишти тергеп бүткөнүн жарыялады.

Чехиянын белгилүү эстрада ырчысы Карел Готт 80 жашында дүйнөдөн кайтты. Ал шейшемби күнү кечинде көз жумганын анын жакын туугандары кабарлашты. Сентябрь айынын ортосунда ырчы курч лейкоз илдетинен дарыланып жатканын кабарлаган эле.  Карел Готт 1960-жылдары эле Чехиянын атактуу таанымал ырчысына айланып, «Чыгыштын Синатрасы», «Праганын кубулжуган добушу» деген атка конгон. Анын Чыгыш Европада, мурдагы советтик жумурияттарда, Германияда сансыз күйөрмандары бар.  Ал Чехиядагы «Алтын булбул» наамын кеминде 30 жолу жеңип алган. Читать дальше...

Түркмөн президенти Гурбангулы Бердымухамедов өкмөттүн 1-октябрдагы жыйынында ички иштер министри Искандер Муликовду иштен алды. Башкы прокурор Батыр Атдаев Муликовдун кызмат абалын кыянат пайдаланганы жана жемкорлукка барганы тууралуу баяндама жасаган соң Бердымухамедов ИИМ башчысын иштен алганын жарыялап, аны жыйындар залынан кууп чыкты. Ошол эле күнү министрге тиешеси бар деген Ашхабаддагы ресторандарды жана дүкөндөрдү камакка коюу тууралуу чечим чыкканы белгилүү болду. Муликовдун айдоочусу Максат Аманов да камакка алынды. Читать дальше...

Гонконгдо жүздөгөн демонстрант бир күн мурдагы акцияда ок тийген 18 жаштагы студент билим алган окуу жайынын алдына чогулду. Алар «Эркин Гонконг!» деп ураан чакырып, полициянын күч колдонгонун айыпташты жана ок атылган фактыны терең иликтөөнү талап кылышты.  1-октябрда Бээжинде Коммунисттик партиянын 70 жылдыгына арналган иш-чаралар өтүп жаткан маалда, Кытайдын атайын макамдагы административдик аймагы – Гонконгдо демонстранттар кайрадан көчөлөргө агылышкан. Акция маалында 18 жаштагы Цаң Чи-Кинге ок тийип ооруканага түшкөн. Читать дальше...

Ош облусунун аймагында очогунда күчү 3 баллга жеткен жер титирөө катталды. Сейсмология институтунун маалыматына караганда, 2-октябрда саат 12:37де жердин силкинүүсү Алай районунун Аю-Тапан жана Осоавиахим айылында 2,5 балл болуп сезилди. Такталган маалыматка ылайык, жер титирөөдөн жабыркагандар жана кыйроо катталган жок. Бул тууралуу ӨКМдин басма сөз кызматы кабарлады.

Тажикстандын парламенти Мургабдагы «Якчилва» күмүш кенин жети жылга иштетүү укугун кытайлык инвесторлорго берүү тууралуу сунушту колдоду. Ага ылайык, «Кашн Синьюи Дади Майнинг Инвестмент» компаниясы 385 миллион сомонини же 39 миллион долларды кенди өздөштүрүүгө, уулуу калдыктар сакталуучу жай курууга жана башка иштерге жумшоого милдеттендирилет. Алгачкы үч жылда жумуш орундарынын 60 пайызына жергиликтүү тургундар алынышы керек. Кийин бул сан 80 пайызга жеткирилиши зарыл. Бул тууралуу Тажикстандын... Читать дальше...

Мурдагы экономика министри, белгилүү ишкер Эмил Үмөталиев Аскер прокуратурасына чакыртылды. Бул маалыматты ал «Азаттык» радиосуна тастыктап, суракка 2-октябрга саат 17:00гө чакыруу келгенин айтты. - Эмне себептен чакырып жатышканы белгисиз, түшүнүксүз. Суракка барам. Адвокатымды кошо ала барам, - деди Үмөталиев. Чакыруу Аскер прокуратурасынын өзгөчө маанилүү иштер боюнча улук тергөөчүсүнүн атынан келген. Эмил Үмөталиев 2010-2011-жылдары Экономикалык жөнгө салуу министрлигин жетектеген. Ал «Kyrgyz Concept» компаниясынын негиздөөчүсү. Читать дальше...

Мамлекети жок миңдеген адамдарга жарандык алып берүүгө көмөктөшкөн кыргызстандык юрист Азизбек Ашуров Бириккен Улуттар Уюмунун Качкындар агенттигинин «Нансен» сыйлыгына ээ болду. Жыл сайын берилүүчү бул сыйлыктын быйылкы лауреатын агенттик 2-октябрда жарыялады. БУУнун 150 миң долларлык бул сыйлыгы 7-октябрда Женева шаарындагы атайын аземде тапшырылат. Быйыл июль айында Кыргызстан жарандыгы жок адамдардын маселесин толугу менен чечкен дүйнөдөгү биринчи мамлекет болуп калган. Азизбек Ашуров жана... Читать дальше...

Айыл жериндеги аз камсыз болгон үй-бүлөдө жашаган 20 миң окуучу кыздын билимин тереңдетип окутканга шарт түзүлөт. Бул тууралуу билим берүү жана илим министринин орун басары Надира Жусупбекова Кыргызстандагы ЮНИСЕФ уюмунун жетекчисинин орун басары Мунир Мамедзаде менен окуучу кыздардын билимин жогорулатууга багытталган STEM программасын талкуулаган учурда айтылды. Долбоордун алкагында Кыргызстандын айыл жерлеринде жашаган жана Бишкек шаарынын четиндеги конуштардын аз камсыз болгон тургундары, ички... Читать дальше...

Түркиялык бир дипломат америкалык сайтка берген маегинде Анкара мындан ары Сирия президентин бийликтен кетирүүнү талап кылбай тургандыгын билдирди.

Кыргызстан бүткүл дүйнөлүк «Дубай ЭКСПО-2020» көргөзмөсүндө болгон дараметин жана мүмкүнчүлүктөрүн көрсөтүшү керек. Бул тууралуу вице-премьер-министр Замирбек Аскаров көргөзмөгө даярдык көрүү жана катышуу боюнча уюштуруу комитетинин кезектеги жыйынында билдирди. Анын айтымында, «Дубай ЭКСПО-2020» көргөзмөсүндө Кыргызстандын павильону улуттук колоритте жасалгаланышы зарыл. - Биз бул көргөзмөдө өлкөбүздүн мыкты жактарын көрсөтүшүбүз керек. Кыргызстан жаңы өзгөрүүлөргө ачык өлкө экенин айтып тургандай кылышыбыз керек. Читать дальше...

2-октябрда Түндүк Корея кайрадан ракета атып, өз дымагын көрсөттү. Расмий Токио Түндүк Кореянын чыгыш тарабынан учурулган бул ракета Жапониянын деңиздеги экономикалык аймагына түшкөнүн билдирди.  Жапон бийлиги Пхеньян баш-аягы эки ракета учурганын белгилеп, мындай кадам Бириккен Улуттар Уюмунун Коопсуздук кеңешинин резолюциясына каршы келерин эскертти.  Түштүк Кореянын армиясы «Түндүк Корея бир ракетасын суу алдында жүрүүчү кемесинен учурган болушу мүмкүн» деп маалымдады. Расмий Сеулдун маалыматы боюнча... Читать дальше...

«Human Rights Watch» эл аралык укук коргоо уюму «Азаттыктын» оператору Айбек Кулчумановго кол салууга жана анын кесиптик ишине тоскоолдук жаратууга байланыштуу тынчсыздануусун билдирди.

«Азаттык» радиосунун кабарчысы Ыдырыс Исаковго карата мурда токтотулган иш кайра тергелмей болду. Бул тууралуу 2-октябрда Ош шаардык ички иштер башкармалыгынын басма сөз кызматы кабарлады. Мекеме маалымдагандай, 30-сентябрда Ош шаарынын тургуну кайрадан арыз менен кайрылып, «Исаков ири суммада акча талап кылганы боюнча мыйзам чегинде чара көрүүнү өтүнүп, күбө катары эки адамды ээрчитип келген». «Анын арызы Кылмыштар менен жоруктардын бирдиктүү реестрине катталды. Ал Исаков «мага 5000 доллар бербесең Интернетке чыгарам... Читать дальше...

Тогуз-Торо районундагы курулушу бүтө элек имаратка жайгаштырылган 238 окуучу кайра эле эски мектепке кирип, окуусун улантууда. Буга жергиликтүү бийликтин чечимин Экотехинспекция жокко чыгарып, эскертүү бергени себеп болду.

Билим берүү жана илим министри Каныбек Исаков Кыргызстандагы жалпы билим берүүчү мекемелердин жетекчилерине, администрациясына окуучулар менен ата-энелерден акча каражаттарын талап кылганга тыюу салды. Тиешелүү буйрукка министр бүгүн, 2-октябрда кол койду. Бул тууралуу аталган мекеменин басма сөз кызматы кабарлады. Буйрукта агартуучулар маданий-массалык жана башка иш-чараларга да мыйзамсыз акча каражаттарын талап кылбашы керек экендиги так жазылган. Мындан сырткары камкорчулар кеңеши менен ата-энелер... Читать дальше...

Кыргыз өкмөтү өлкөнүн 2020-жылга карата республикалык бюджетин жана кийинки эки жылга болжолун жактырган токтомду кабыл алды.

Кыргызстанда автомашина тууралуу толук маалымат камтылган электрондук кызмат иштей баштады. Мамлекеттик каттоо кызматы кабарлагандай, электрондук кызматтар порталында «Carcheck» деген жаңы кызмат ачылды. «Carcheck» аркылуу автоунаа күрөөдө же камакта эмеспи, жол эрежеси бузулганы үчүн төлөнбөгөн айыппулдар жокпу, буга чейинки ээлери ким болчу, техникалык мүнөздөмөлөрү кандай деген сыяктуу суроолорго жооп алса болот. Бул үчүн www.portal.srs.kg сайтындагы «Транспорт» деген бөлүмгө кириш керек. Маалымат алуу бекер. Читать дальше...

Кыргыз-казак чек арасындагы "Чалдыбар-автоунаа жол" текшерип-өткөрүү пунктунда УКМКнын тергөө иштерине тоскоолдук кылып, кызматкерлерди ташбараңга алган деген шек менен үч жергиликтүү тургун кармалды. Бул тууралуу Чүй облустук ички иштер башкармалыгынын басма сөз кызматы кабарлады. Маалыматка караганда, 29, 26 жана 23 жаштагы жаран Жазык кодексинин “Бейбаштык” беренесинин негизинде кармалып, эки айга камалды. Учурда кылмышка тиешеси бар башка адамдарды аныктоо боюнча иштер жүрүп жатат. 28-сентябрда... Читать дальше...

Кыргызстанда жыл башынан бери салык отчётторун электрондук түрдө тапшыргандардын саны 45 миңге көбөйдү. Бул тууралуу бүгүн 2-октябрда Салык кызматы кабарлады. Мекеменин маалыматына караганда, быйыл жалпысынан 146 миң колдонуучу отчетун ушундай ыкма менен жөнөттү. Салык кызматы “Салык органына барбастан жана кагаз жүзүндө толтурбастан жеке электрондук кабинет аркылуу отчетту онлайн режиминде толтуруп, тапшыруу мүмкүнчүлүгү бар экенин” белгиледи. Кыргызстанда мамлекеттик салыктын алты, жергиликтүүнүн эки түрү бар. Читать дальше...

Өзбекстандын Фергана облусунун акими сакалчан эркектерге жана хижабчан аялдарга орой сүйлөгөн видеосу Интернетке тараган. Көп өтпөй аким бул сөзү үчүн Сенатта кечирим сурады.

Бишкекте үй-бүлөдөгү зомбулукка кабылган аялдар үчүн акысыз юридикалык жардам берүү өнөктүгү уланууда. “Аялдарга жардам” уюму уюштурган иш-чара 10-декабрда жыйынтыкталат. Кеңеш жана жардам берүү акциясы Европадагы Коопсуздук жана Кызматташтык Уюмунун (ЕККУ) Бишкектеги өкүлчүлүгүнүн “Кыргызстанда экономикалык, социалдык жана маданий укуктарды коргоо” долбоорунун алкагында уюштурулду. Жардамга муктаждар 0222 10 20 25 номуруна телефон чалып же Киев көчөсү 97, 717-бөлмө дарегине шейшемби жана шаршемби... Читать дальше...