Новости за 23.10.2019

Кылмышка шектүүнү Кытайга экстрадициялоо тууралуу мыйзам долбоорун Гонконг расмий түрдө чакыртып алды. Бул тууралуу Гонконгдун коопсуздук министри Жон Ли кабарлады.  Аталган мыйзам долбоору июнь айынан бери  элдин нааразылыгын жаратып, жарандардын ири акцияларга чыгышына себеп болгон. Демонстранттар мыйзам долбоору кабыл алынса, Гонконг автономия укугунун бир бөлүгүнөн кол жууйт жана экстрадициялангандар Кытайдын сот системасында өзүн коргой албай калат деп чочулашкан. Ошондой эле алар Кытайдын... Читать дальше...

Бириккен Улуттар Уюму, Европа Биримдиги жана Кошмо Штаттар баштаган бир катар Батыш өлкөлөрү Ооганстанга тынчтык орнотуучу келишим кабыл алынышын каалайт.

Нур-Султан шаарында «террордук уюмдун катарында согушкан» деп айыпталган 14 адамдын сот иши башталды. Алар быйыл «Жусан» операциясынын негизинде Сириядан кайтарылган.

Бийлик Кыргызстанды ишкерлер үчүн бейишке айлантабыз деп айтып келет. Бирок акыркы мезгилде ишкерлерге кол салып, аларды өлтүрүп кеткен учурлар да катталууда. Ишкерлердин коопсуздугун кепилдеген кандай мыйзамдар бар?

Жогорку Кеңештин депутаты Дастан Бекешев Орусия Федерациясынын Кыргызстанга акча которууга киргизген чектөөсүн жоюп салуу боюнча кыргыз өкмөтүнүн аракеттери өзүн актабай жатканын билдирди. Ал Евразия Экономикалык Биримдигинин (ЕАЭБ) алкагындагы макулдашууларды токтотууну сунуш кылды. Бул тууралуу пикирин эл өкүлү өзүнүн bekeshev.kg сайтында жарыялады.  «Орусия бирдей эрежелер менен биримдик түзгүсү келгендей сезилип жаткан, бирок ошол эле эрежелерди кайра өзүнө ыңгайлуу болгон учурда өзгөртүп жатат. Читать дальше...

Жалпыга маалымдоо каражаттарынын эркиндигине көз салган эл аралык уюмдар, украин өкмөтү, ошондой эле америкалык сенатор «Эркин Европа/Азаттык» радиосу менен кызматташкан украиналык журналист Станислав Асеевдин Украинанын чыгышындагы орусиячыл жикчилдердин соту тарабынан 15 жылга кесилгенин айыпташты. Европа Коопсуздук жана Кызматташтык Уюму, Нью-Йорктогу Журналисттерди коргоо комитети, Журналисттердин европалык федерациясы, Украинанын Тышкы иштер министрлиги, америкалык республикачыл сенатор Марк... Читать дальше...

Ош, 23-октябрь, 2019-жыл. /ca-irnews.com/. 2013-жылы Кыргызстанда 11 мамлекеттин өкүлдөрү катышкан ак илбирсти коргоо боюнча Эл аралык форум өтүп, 23-октябрды “Ак илбирсти коргоо күнү” деп жарыяланган.

Түркияда ар кандай иштерди аркалап жүрүшкөн мигранттардын арасындагы кыргызстандык мугалимдердин, дарыгерлердин, мамлекеттик кызматкерлердин катарында акын, жазуучулар, сүрөтчүлөр, бийчи-ырчылар да кездешет.

Кыргызстандын президенти Сооронбай Жээнбеков бүгүн, 23-октябрда Жапониянын премьер-министри Синдзо Абэ менен Токио шаарында жолугушту. Президенттик аппарат кабарлагандай, жолугушууда эки тараптуу кыргыз-жапон кызматташтыгынын келечеги талкууланды. Синдзо Абэ президент Сооронбай Жээнбеков менен болгон алгачкы жолугушуусуна жана анын Жапонияга иш сапары келгенине кубанычта экенин белгиледи. Ал жапон жергесинде жакында болуп өткөн тайфундун кесепетинен адам курмандыктарына байланыштуу колдоо сөздөрү үчүн ыраазычылык билдирди. Читать дальше...

АКШнын коргоо министри Марк Эспер алдын-ала кабарланбаган сапар менен Иракка келди. Анын бул сапары Вашингтон Сириянын түндүгүнөн аскерлерин Ирак аркылуу чыгарып жаткан учурда болуп жатат. Эспер Ирактын премьер-министри Адел Абдул Махди жана коргоо министри Наж ал-Шаммари менен жолугушмакчы. 22-октябрда ирактын аскер башчылары АКШнын Сириядан чыгарылган жоокерлери Иракта калууга уруксаты жок экенин билдиришкен. «Сириядан чыгарылган АКШнын бардык аскерлерине Ирак Күрдстанына кирүүгө уруксат Ирактан кетиш үчүн гана берилди»... Читать дальше...

Япониянын тышкы иштер министри Тосимицу Мотэги АКШнын мамлекеттик катчысы Майк Помпео менен болгон телефондогу сүйлөшүүсүндө Токио АКШнын Перс булуңу жана Ормуз кысыгындагы деңиздик коалициясына кошулбай тургандыгын расмий түрдө билдирди.

Украинанын чыгышындагы орусиячыл жикчилдердин соту «Эркин Европа/Азаттык» радиосу менен кызматташкан украиналык журналист Станислав Асеевди 15 жылга түзөтүүчү колонияга кести.

Украинанын борбору Киев шаарындагы жарылуудан эки эркек киши өлүп, бир аял жаракат алды. Окуя 22-октябрда кечки саат 11лер чамасында болгон. Көз жумгандардын бири - Донбасстагы согуштун катышуучусу, экинчиси - ошол жердеги имараттын күзөт кызматкери болгон. Ал эми жеңил жаракат алган аял окуя болгон жерден 30 метрден алыста турган. Киев полициясынын башчысынын орун басары Герман Приступанын айтымында, өлгөн эки киши жарылуу болгонго чейин сүйлөшүп турушкан. - Биз күбөлөрдү сурайбыз, чыр-чатакты эч ким көргөн эмес. Читать дальше...

Чүй облусунун Аламүдүн районунун Көк-Жар айыл аймагынын башчысы Эдил Жумалиев округга караштуу Көк-Жар конушунда, «Милициялар шаарчасындагы» көчөгө мурдагы ички иштер министри Молдомуса Конгантиевдин аты коюлганы боюнча түшүндүрмө берди. Анын «Азаттыкка» айтканы боюнча өзү аталган кызматка бир жума мурда гана келген, ысым мурдагы жетекчинин тушунда айылдык кеңеш аркылуу ыйгарылган. - Кагаздарды карап чыксам, «Милициялар шаарчасынын» жашоочулары, алардын ичинде көбүнчө милиция кызматкерлери, генералдар кол коюп... Читать дальше...

АКШнын Миграциялык кызматы 23-октябрда Орусиянын Олимпиада комитетинин башчысынын мурдагы орун басары Ахмед Билаловду АКШдагы Флорида штатындагы үйүнөн кармады. Ал Орусиянын президенти Владимир Путин 2014-жылдагы Сочи Олимпиадасына даярдык учурунда курулуш иштерин кечеңдетип, чыгымды көбөйткөнү үчүн сындагандан кийин өлкөдөн чыгып кеткен. Түбү дагестандык Ахмед Билалов эмне себеп менен кармалганы жана буга чейин издөөдө болгон-болбогону азырынча белгисиз. Сочи Олимпиадасына даярдык коррупциялык иштер боюнча дооматтар менен коштолгон. Читать дальше...

Ак Үйдүн кечээ, 22-октябрда жасаган билдирүүсүндө АКШ президенти Дональд Трамп Сириядагы «Ак каскачандарга» жардам иретинде 4,5 миллон доллар каражат бөлүүнү ырастаганы айтылды.

Сириянын президенти түркиялык кесиптешин “ууру” атады.

Иранга сапары менен барган Кытайдын Жакынкы Чыгыш маселелери боюнча атайын өкүлү Чжай Цзюнь кечээ, 22-октябрда Ирандын тышкы иштер министри Мухаммад Жавад Зариф менен жолугушту.

Саудиялыктар менен йемендиктердин ортосунда саясий-аскердик комитет түзүлдү.

Дүйнө кыдырып, өзгөрүүлөргө умтулган, жаңы тенденцияларды өздөштүрүүгө ыктаган кыргызстандыктардын бири – Максат Муктаров. Ал 18 жылдан бери Германияда, Америкада окуп, Орусияда, Кытайда иштеп, жашап жүрөт.

Конституциялык палатанын судьясы Эркинбек Мамыров мурдагы президент Алмазбек Атамбаевден экс-президент деген макамды алуунун Баш мыйзамга ылайыктуулугун караган соттук коллегиянын курамынан чыгарылды. Бул тууралуу соттук коллегия экинчи кеңешүүдөн чыккандан кийин жарыялады. Буга сотко катышып жаткан Жогорку Кеңештин аппаратынын юридикалык бөлүмүнүн башчысы Чыңгызбек Бердимуратовдун соттук коллегиядан судья Эркинбек Мамыровду чыгаруу тууралуу өтүнүчү себеп болду. Ал Мамыров «Кыргыз Республикасынын... Читать дальше...

Кыргызстандын футзал боюнча улуттук курама командасы 2020-жылы Ашхабадда өтө турган Азия чемпионатынын тандоо оюндарына катышат. Мелдеш бүгүн, 23-октябрда Ирандын Урмия шаарында башталат.  Азиянын футбол конфедерациясынын сайтындагы маалыматка таянсак, Кыргызстан курама командасы Борбордук-Түштүк зона бөлүгүндөгү командалар арасында B тайпасына туш болуп, Ирандын жана Түркмөнстандын курама командалары менен күч сынашат. Курама команданын башкы машыктыруучусу Амиржан Муканов тандап алуу оюндарына катышуу үчүн командага 14 оюнчуну чакырган. Читать дальше...

Жогорку Кеңештин «Өнүгүү-Прогресс» фракциясынын лидери, депутат Бакыт Төрөбаев 2020-жылдын 1-январынан тартып Кыргызстанга кирген товарлар тобунун бажы төлөмү көтөрүлө турганын эскертип, ал боюнча өкмөт маалымат бербей жатканын сынга алды: - Январь айынан баштап 166 товардык позицияга жаңы бирдиктүү бажы тарифи кирет. Биз Евразия Экономикалык Биримдигине киргенден кийин бул товардык позициялардын бажы төлөмү боюнча жеңилдик алып, ушул күнгө чейин узартып келгенбиз. Ошонун ичинде автоунаалар да бар. Читать дальше...

Борбордук шайлоо комиссиясы Жогорку Кеңешке кезектеги шайлоо 2020-жылдын 4-октябрында өтөөрүн жарыялады.

Жогорку Кеңештин депутаты Марлен Маматалиев «Жалпы билим берүү уюмдарында окуучулардын тамактануусун уюштуруу жөнүндө» мыйзам долбоорун караган парламенттин 23-октябрдагы жыйынында тендерлерди ирилештирүүнү сунуш кылды. Эл өкүлү бул туура эмес көрүнүштөрдүн жана убарагерчиликтин алдын аларын айтты: - Мыйзам өтсө, тендер маселеси көтөрүлөт. 2265 тендер өткөрөсүздөрбү же райондорду бириктирип 80дей тендер өткөрөсүзбү, айтор тендер аябай көп болот. Бул айланып келип ар кандай чырларга алып келиши мүмкүн. Читать дальше...