Новости за 23.10.2019

2019-жылы күчүнө кирген жаңы мыйзамдардагы «тергөө менен кызматташуу» жобосу кылмышка шектүүлөргө тандалма мамиле кылууга жол ачып жаткан жокпу?

Түрк-орус президенттери Анкаранын Сириядагы күрд кошуундарын бутага алган операциясына байланыштуу макулдашууга жетишкенин жарыялашты.

Бишкектин Октябрь райондук сотунда бүгүн, 23-октябрда мурдагы президент Алмазбек Атамбаевдин экс-кеңешчиси, камактагы Икрамжан Илмияновдун ишин кароо улантылып жатат. Анда Илмиянов көрсөтмө берип, ага айыптар жасалма коюлганын, ошондуктан күнөөсүн мойнуна албай турганын айтты. Ал ошондой эле Орусияда иштери менен жүрүп Кыргызстанда өзүнө иш козголгонун угуп, өлкөгө кайтып келгенин билдирди. Илмиянов аны эч ким кармап келбегенин, Бишкекке келгенден кийин гана кармалганын кошумчалады. «Шоопур» деген каймана ат менен элге таанылган... Читать дальше...

Кыргызстанда диний-экстремисттик баракчаларды таштай коюп, тузакка илген же негизсиз жерден кылмыш жообуна тарткан өнөкөт жоюла элек.

Казакстандын «Таджен» жана Өзбекстандын «Дауд-Ата» көзөмөл-өткөрмө бекеттеринин ортосунда жаралган жүк унааларынын тыгынына техникалык мүчүлүштүктөр себеп болууда.

Жогорку соттун Конституциялык палатасы бүгүн, 23-октябрда мурдагы президент Алмазбек Атамбаевден экс-президент деген макамды алуунун Баш мыйзамга ылайыктыгын карап жатат. Отурумда сотто Алмазбек Атамбаевдин кызыкчылыгын коргогон жактоочу Нурбек Токтакунов жыйынга төрагалык кылуучу, Конституциялык палатанын жетекчиси Карыбек Дүйшеевди соттук коллегиянын курамынан чыгаруу тууралуу өтүнүч келтирди. Ал буга негиз катары Дүйшеев 2013-2014-жылдары Жогорку Кеңештин ал кездеги төрагасы Асылбек Жээнбековдун кеңешчиси болгонун... Читать дальше...

Жогорку Кеңештин депутаты Жанарбек Акаев жеке ишкер Хуфур Абдурахемандын өлүмүнө байланыштуу парламентте маселе көтөрүп, бул фактыны өлкөдөгү криминалдын күчөшү катары сыпаттады. Ал ишкерлерди коргой албаганы үчүн өкмөттү айыптады. - Өткөн жумада “Мадина” кафесинин ээси мыкаачылык менен өлтүрүлдү. Бул бүтүндөй бизнеске, ишкерлерге чоң сокку болду. Мамлекет, өкмөт ушундай маселеде өзүнүн алсыздыгын көрсөтүп жатат. Криминал азыр Кыргызстанда кадимкидей баш көтөрдү. Мына Кыргызстандан чыгып кеткен акчанын суммасын карагыла... Читать дальше...

Келдибеков ACA уюмунун алкагындагы келишим боюнча соңку беттешин ушул жылдын 4-октябрында Грозный шаарында өткөрүп, жергиликтүү спортчу Дукваха Астамировду калыстардын чечими менен утуп алган.

Орусиянын президенти Сирияда туруктуулук бир гана ошол өлкөнүн аймактык бүтүндүгүн урматтоо менен орнойт деп билдирди.

«Чек арасыз кабарчылар» эл аралык уюму казак бийлигин журналист Амангелди Батырбековду бошотуп, сот өкүмүн жокко чыгарууга чакырды. Уюмдун 22-октябрда жарыяланган билдирүүсүндө Батырбековго карата чыгарылган өкүм кезектеги жолу өлкөдө «журналисттер куугунтукталарын» көрсөткөндүгү белгиленген. - Бул катаал өкүм көптөгөн процессуалдык мыйзам бузуу менен коштолгон соттук териштирүүнүн жыйынтыгында чыкты. Эгер казак бийлиги реформалар тууралуу айткандары олуттуу кабыл алынсын десе, маалымат каражаттарынын... Читать дальше...

Тажикстандын Жогорку соту «Ансаруллах Жамаатынын» мурдагы лидери Амриддин Табаровдун эки уулун узак мөөнөттөргө абакка кести. Мекемеден өкүм 29-августта эле чыккан, бирок бул тууралуу 22-октябрда гана белгилүү болду. Ооганстандан Тажикстанга былтыр экстрадицияланган Абдулфаттох Табаров 23, Саиджамолиддин Табаров 16 жылга кесилишти. Алар «Кылмыштуу топ түзүү», «Конституциялык түзүлүштү кулатууга ачык чакыруу» жана «Мыйзамсыз курал сактоо» беренелери боюнча күнөөлүү деп табылган. Азырынча бир... Читать дальше...

«Uzbekistan Airways» улуттук авиакомпаниясынын учагында Нью-Йорк - Ташкент багытында келатып чыр салган жүргүнчүнү Ташкенттеги аэропортко келери менен күч түзүмдөрүнүн кызматкерлери кармап кетишти. Компаниянын басма сөз кызматы билдиргендей, 21-октябрда 51 жаштагы жүргүнчү учакта мас болуп чыр салган жана борт коштоочуларды сөккөн. Айла кеткенде башка жүргүнчүлөр экипажга жардамдашып, аны кармап отургучка байлап салышкан. Анын жоругун Өзбекстандын Ички иштер министрлигинин Транспорттогу коопсуздукту тейлөө башкармалыгы иликтеп жатат.