Новости за 16.03.2020

Чехия өкмөтү 16-марттан 24-мартка чейин элдин эркин жүрүшүнө чектөө киргизди. Өкмөт жекшембиде бир нече саатка созулган жыйындан кийин ушундай чечимге келди. Бийлик калкты жумушка, азык-түлүк, дары-дармек алууга, почта, банк же ушул өңдүү эң зарыл иштери болбосо, сыртка чыкпоого чакырды.

Премьер-министр Мухаммедкалый Абылгазиев азык-түлүк коопсуздугун чыңдоо үчүн өкмөт зарыл чараларды көрүп жатканын билдирди.

Кыргыз өкмөтү азык-түлүккө бааларды жөнсүз көтөргөн соодагерлер кылмыш жоообуна тартыларын эскертти. Шал оорулуу балдарга үмүт берген жаш дарыгер. Жанын аябай жаңгак токоюн коргогон арстанбаптык Кеңеш Пиназаров. Жаш театр артисттери кандай турмушта жашайт? Ушундай баяндар “Данисте” телеберүүсүнүн мазмунун түздү.

Премьер-министр Мухаммедкалый Абылгазиев коронавирус Кыргызстанга жакындап калганын, өлкө жарандары бул илдетти жугузуп алуу коркунучу күч алганын айтып чыкты.

Кыргызстандын коммерциялык банктарындагы депозиттердин көлөмү беш жылда 50% арбыды. 2015-жылы жарандар 100 млрд. сомдой акчасын банктарга аманат катары берсе, 2019-жылдын жыйынтыгында анын суммасы 150 миллиард сомдон ашты.

Саясий лагерден чыгып, тарыхый мекенине келген казактар башынан өткөргөн окуяларын ачык айта башташты. Алар Кытайдын саясий лагеринен чыккандан кийин да кытай өкмөтү үчүн фабрикаларда акысыз иштеп беришкенин билдиришти.

Өзбекстанда өпкөнү сезгенткен коронавирусту жугузуп алгандардын саны алты адамга жетти. Казакстанда 16-марттан баштап өзгөчө абал күчүнө кирди. Бул өлкөдө тогуз кишиден коронавирус табылды.

16-марттан баштап Кыргызстанда бардык мектептер жана жогорку окуу жайлары үч жумага карантинге жабылат. Мындай чечим Коопсуздук кеңешинин 14-марттагы жыйынында кабыл алынды.

8-мартта болгон беттеште мушкер кыздар ММА тарыхындагы эң кызуу кандуу кармаштардын бирин тартуулашкан. Анда мушкерлер бири-бирине соккуларды көп узаткандыктан беттери шишип кеткен.

Быйылкы жазда үч ири спорттук иш-чара өткөрүү пландалган. Бирок өкмөттүн чечимине байланыштуу марафондорду жылдырууга туура келди.

Бүгүн, 16-мартта премьер-министр Мухаммедкалый Абылгазиев өлкөдө коронавирустун алдын алуу иштери жөнүндө журналисттерге айтып берди. Ал дүйнөнүн бир топ өлкөлөрүндө жайылып жаткан пандемия менен күрөшүү боюнча иш-чаралар тууралуу сөз кылды.

22 жаштагы Залкарбек Авазбек уулу бир жарым айдан бери Москвадагы ооруканада жатат.

Кемин районунун Чым-Коргон айылынын тургундары суунун нугу бузулуп, чек ара сызыгы өзгөргөнү боюнча көтөргөн маселени өкмөттүн мекеме аралык комиссиясы териштире баштады.

Сириядагы согуштун башталганына туура 9 жыл болду. Бул жылдардын аралыгында президент Башар Асад козголоңчулар менен күрөштө Орусиянын жана Ирандын аскердик, саясий колдоосу менен кайрадан бийлигин күчөтүп алды.