Новости за 06.04.2020

Москвада өрттө каза болгон кыргызстандыктын сөөгү ошол жакта жерге берилет. Кыргызстандын Орусиядагы элчилиги кабарлагандай, жумуш берүүчү тарап бардык чыгымды өзү каржылап, жакындарына компенсация төлөп бермей болду. Элчиликтин маалыматына караганда, кырсык 5-апрелге караган түнү Москвада курулуш жүрүп жаткан жерде болгон. Жумушчулар жашаган чатырдын ичинде меш бузулуп, кыргызстандык жаран иске ууланган. Коронавирустан дарылоочу оорукананын курулушунда 40 жаштагы кыргыз жараны каза болгонун... Читать дальше...

Синоптиктердин маалыматы боюнча, 8-9-апрелде Кыргызстандын аймагында абанын температурасы кескин төмөндөйт. Көпчүлүк аймактарда мезгил-мезгили менен жаан жаайт, 9-апрелде Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде жаан карга айланат. Нарын облусунда жана тоолуу райондордо кар жаайт. Чүй, Талас, Ош, Жалал-Абад, Баткен облустарынын кээ бир райондорунда жаан-чачын мол жаайт. Тоолуу райондордо жолдор тоңголок жана тайгак болот. Батыштан... Читать дальше...

Дүйнөнүн бир топ мамлекеттеринде киргизилген карантинге байланыштуу үй-бүлөлөрдө зордук-зомбулук күч алды. Бул тууралуу БУУнун баш катчысы Антонио Гуттериш билдирди.

Тунистик дарыгер Тавхида бен Шейхтин элеси өлкөнүн 10 динарлык банкнотуна түшүрүлдү. Жаңы акча марттын аягында жүгүртүүгө чыгарылган. Тунистин Башкы фондунун директору Абделазиз бен Саид бул чечимди илим жана медицинада ийгиликке жеткен аялзатына сый-урмат көрсөтүү максатында кабыл алынганын билдирди. Шейх 1909-жылы төрөлүп, бала чагынан жетимдикти башынан өткөргөн. Францияда билим алган соң 1936-жылы мекенине кайтып, медициналык клиника ачкан. Ал кезде араб өлкөлөрүндө тейлөө кызматтарында дээрлик эркектер иштечү. Читать дальше...

Саламаттык сактоо министрлиги Кыргызстанда коронавирус жуккандардын саны бир суткада дароо 69га көбөйүшүнүн себебин түшүндүрдү. Мекеменин маалыматына караганда, буга 12-13-мартта Сауд Арабиясынан умрадан келгендерден алынып, тоңдурулуп коюлган үлгүлөр текшериле баштаганы себеп болду.  Маалыматта «бул үлгүлөр аталган адамдар 17-мартта обсервацияга жаткырылган кезде алынып, тоңдурулуп коюлган. ПЦР анализ жүргүзүүгө керектүү реагенттер жок болгондуктан аларды тесттен өткөрүү мүмкүн болбой жаткан»​ деп айтылат. Читать дальше...

Өзбекстандык мигрант аял белгилүү түрк ырчысы Серен Серенгилди «ур-токмокко алды» деп сотко берди. Ырчы болсо «Инстаграмдагы» баракчасына үй кызматтарында иштеген чет өлкөлүк мигранттар элге коронавирус жугузуп жатканын жазды.

Осмонбек Артыкбаев жана Аида Исмаилова боюнча расмий чечимдер Борбордук шайлоо комиссиясына (БШК) түшө элек. Бул тууралуу 6-апрелде «Азаттыкка» комиссиянын мүчөсү Абдыжапар Бекматов билдирди. Анын айтымында, бош калган мандатты өткөрүп берүүнүн жол-жобосу Жогорку Кеңештин депутаттары жөнүндөгү конституциялык мыйзамда жазылган. Депутаттын ыйгарым укуктарын мөөнөтүнөн мурда токтотуу тууралуу маселени кароого тийиштү мекемелерден келген чечимдер негиз болот. Бекматов белгилегендей, өлкөдөгү соңку... Читать дальше...

Орусияда соңку бир сутка ичинде 954 адам коронавирус жугузуп алганы ырасталды. Бул илдет өлкөдө адеп катталгандан берки суткалык эң жогорку көрсөткүч. Натыйжада 6-апрелге карата Орусиянын 49 аймагында коронавируска чалдыккандардын саны 6343 кишиге жетти. Анын ичинен 406 адам оорудан айыгып чыкса, 47 киши көз жумду.  Коронавирусту Москвада кеминде үч чиркөө кызматкери жугузуп алганы белгилүү болду. Алар шаардык епархиянын диний кызматкерлери экенин РБК баштаган орус маалымат каражаттары билдирүүдө. Читать дальше...

Британиянын премьер-министри Борис Жонсон дене табы түшпөгөндүктөн жекшембинин кечинде ооруканага жаткырылды. «Өз дарыгеринин кеңеши менен ал адаттагыдай эле анализдерди тапшырыш үчүн кечээ ооруканага барды. Түндү ооруканада өткөрдү. Албетте, баарыбыз ага жакшылык каалап, текшерүүдөн кийин тезирээк Даунинг-стритке кайтып келишине үмүттөнөбүз», - деди Британиянын турак жай министри Роберт Женрик жергиликтүү маалымат каражаттарына.    Ал Жонсон жок учурда жыйындарды тышкы иштер министри Доминик Рааб башкарып турары чечилгенин кошумчалады. Читать дальше...

6-апрелге карата Кыргызстанда коронавирус жуккандар 216га жетти, анын ичинен 10 адам айыкты. Алардын бири - Франциядан келген мекендешибиз. Ал «Азаттыкка» аты-жөнүн жашырууну суранып интервью берди.

Италияда 10 миң дарыгер COVID-19 вирусун жугузуп алды. Алардын ичинен 116 медициналык кызматкер көз жумду. Догдурлар, медайымдар жана “Тез жардамдын” айдоочулары коронавируска чалдыккандарды дарылоо жана аны токтотуу үчүн кандай жан үрөп күрөшүп жатышканын айтып беришти.

Тажикстандын Саламаттык сактоо министрлиги Согди облусундагы ооруканалардын бири карантинге жабылганын ырастады. Бул тууралуу адегенде «Азаттыктын» тажик кызматы кабарлап, Жаббор Расулов аттуу райондук ооруканада 60 жаштагы киши каза болгондон кийин чектөө киргизилгенин маалымдаган. Саламаттык сактоо министрлиги ал адам коронавирустан эмес, 31-мартта өпкөнүн сезгенишинен (пневмония) каза болгонун билдирет. Ошентсе да райондук оорукананын кызматкерлери жана маркумдун жакындары карантинге алынган. Читать дальше...

Коронавирустун алдын алуу штабынын маалыматына караганда, мындан ары уруксат алыш үчүн өтүнмөнүнн формасын толтуруш керек. Анда ким, кандай максатта уруксат алууну көздөгөнү көрсөтүлөт. Ал эми блокпосттон өтүү учурунда айдоочуда иштеген жеринен алынган маалымдама, ташылуучу кызматкерлердин аты-жөнү, толук маалыматы жазылган жол баракчасы жана QR-код басылган документ болууга тийиш. Ишкана, уюмдардын кызматкерлерин ташууга уруксат алуу Бишкек шаарындагы өндүрүштүк ишмердүүлүктү үзгүлтүксүз жүргүзүү максатында жөнөкөйлөтүлдү. Читать дальше...

Дүйшөмбү күнү дүйнөдө мунай дагы арзандады. Буга Сауд Арабиясы баштаган мунай экспортоочу мамлекеттердин Орусия менен сүйлөшүүлөрү кийинкиге жылдырылганы себеп болду.  «Financial Times» гезити жазгандай, 6-апрелде «Brent» үлгүсүндөгү мунай дээрлик бир пайыздай нарксызданып, бир баррели 33,9 долларды түздү. Ал эми АКШнын Техас штатында өндүрүлгөн WTI үлгүсүндөгү мунай 3,6 пайызга арзандап, бир баррели 27,33 долларга барабар болду.  Коронавирус пандемиясына байланыштуу дүйнөдө мунайга болгон суроо-талап кеминде 20% азайды. Читать дальше...

Гүлзар Абдраимова медициналык беткап өндүрүүчү жабдууну Кыргызстанга он жыл мурда алып келген. Убагында уруксат кагаздары берилбей, иштебей калган. Коронавирус коркунучу күчөгөндө ишкерге өкмөт өзү кайрылган.

Марат Сейитов учурда АКШнын Техас штатындагы Даллас шаарында «Harmony public schools» мектебинде мугалим болуп иштейт.

Улуттук банктын 6-апрелдеги көрсөткүчүнө ылайык, 1 АКШ доллары 84 сом 87 тыйын, 1 евро 91 сом 64 тыйын турат. Бул 3-апрелге карата сом долларга карата 0,03%, еврого карата 1,14% көтөрүлдү дегенди билдирет.  Ал эми орус рубли менен казак теңгеси тескерисинче 0,70-0,90% күчтөнгөн. Бир нече жылдан бери 69 сомдун айланасында туруктуу сакталып келе жаткан сомдун наркы 10-мартта кескин төмөндөп, АКШ доллары 75 сомго чейин чыккан. Улуттук банк интервенция жолу менен курсту 73 сомго чейин түшүргөн. Көп өтпөй... Читать дальше...

Ушуну менен мушкерлердин беттеши 2015-жылдан бери бешинчи ирет өтпөй калып жатат. Бирде россиялык атлет, кийин америкалык спортчу жаракат алса, соңку беттешке пандемия себеп болду.

Жалпы жазгы талаа иштерин жүргүзүүгө 120 миң тоннадай күйүүчү май керектелет, бул өлчөмдө дыйкандарды камсыз кылууга толук мүмкүнчүлүк бар. Бул тууралуу «Азаттыкка» Мунай ташуучулар ассоциациясынын аткаруучу директору Канат Эшатов билдирди: «Учурда өлкөнүн түштүк аймагында жазгы талаа иштери дээрлик аяктап калды. Түндүк тарапта эми башталууда. Жалпы керектелүүчү күйүүчү май бизде резервде бар. Эч кандай чектөө жок, Орусиядан вагон менен келип жатат». Канат Эшатов күйүүчү майдын баасы да бир аз арзандап жатканын айтып кетти. Читать дальше...

5-апрелде «Азаттыктын» тажик кызматы «Тажикстанда бир жарандын өлүмүнөн кийин райондук оорукана карантинге алынды» деген маалымат жарыяланган. Маалыматта 31-мартта пневмониядан каза болгон жаран жакында Кыргызстандан келгени белгиленген. Ошондой эле ал жаран менен байланышта болгон жарандарда, дарыгерлерде коронавирустун белгилери бар экени жазылган. «Каза болгон тажик жараны жашаган Тажикстандын Кургонча айылы Баткен облусунун Лейлек районунун Ак-Босого айылы менен чектешет жана аталган айылда... Читать дальше...

Кыргызстандын сырттагы мигранттары мекенине жөнөткөн акча былтыркыдан быйыл 13,5% азайды. Бул тууралуу 6-апрелде Азия өнүктүрүү банкы (АӨБ) жарыялаган баяндамада айтылат. Банктын божомолуна караганда, дүйнөдөгү COVID-19 пандемиясына байланыштуу өнөктөш өлкөлөрдө түзүлгөн абал менен кошо Кыргызстанда да экономиканын өсүш ыргагы 4 пайызга чейин басаңдайт. Эгер чек аралар ачылбай, азыркыдай абал улана берсе, көрсөткүч мындан да кооптуу болушу ыктымал. Баяндамада «2019-жылы инфляциянын бир жылдык... Читать дальше...

Лейлек районунда аз камсыз болгон үй-бүлөлөрдү азык-түлүк менен камсыз кылууну колго алган ишкерлер муктаж болгон үй-бүлөлөргө азык-түлүк, жугуштуу илдеттен коргонуучу каражат таратып, акчалай жардам көрсөтүүдө. Жардам жергиликтүү бийлик органдары менен бирге, калктын аялуу катмарына даректүү жеткирилүүдө. Бул тууралуу өкмөттүн Баткен облусундагы ыйгарым укуктуу өкүлчүлүгү кабарлады.  5-апрелге карата райондо жашаган жардамга муктаж үй-бүлөлөргө жалпысынан 102,2 тонна ун, 6655 литр өсүмдүк майы... Читать дальше...

“Таажы вирусунун” айынан жарыяланган карантин учурунда калайык ар кыл азилдерди чыгара баштады.  “Күлкү кербендин” кезектеги шиңгили.

Бул тууралуу Саламаттык сактоо министри Сабиржан Абдикаримов 6-апрелде брифингде билдирди. Министрдин айтымында өкмөттүк, президенттик аппарат, жергиликтүү бийликтегилер баары коронавирус тестинен өткөн деген маалымат жалган. «Учурда көпчүлүгү үйүндө иштеп жатышат. Кызмат ордунда иштөөгө мажбур болгон 20-30% жетекчилерди, кызматкерлерди тесттен өткөрдүк. Талапка ылайык, тобокелчилик бар жерде иштеп жаткандар, чет өлкөлөрдө иш сапарында болуп келгендер баары текшерүүдөн өтүүгө тийиш. Тесттен шек туулгандарга гана ПЦР анализ жасалат»... Читать дальше...

Соңку бир сутка ичинде Кыргызстандын эки облусунда жер титиреди. Сейсмология институтунун маалыматына караганда, 5-апрелде кечке маал Ош облусунда күчү очогунда 3,5 баллга жеткен жер титирөө болуп, Чоң-Алай районунун Ачык-Суу айылында 2,5 баллга чейин сезилди. Чоң-Алайда буга чейин 26-февралда жана 22-мартта да жер титиреген. 6-апрелде таңга маал, саат 04:59да Ысык-Көл облусунда күчү очогунда 3,5 балл болгон жер титирөө Ак-Суу районунун Кызыл-Жар, Жыргалаң айылдарында 2,5 баллга чейин сезилди. Читать дальше...