Новости за 14.08.2021

Бириккен Улуттар Уюмунун (БУУ) баш катчысы Антониу Гуттереш Кыргызстандын экс-президенти Роза Отунбаевага ыраазычылык билдирди. Гуттереш БУУнун баш катчысы болуп экинчи мөөнөткө шайланганда Отунбаеванын куттуктоо катын жибергенине терең ыраазычылык билдирген. Кыргызстандын экс-президентине жолдонгон катта “БУУнун Жогорку деңгээлдеги кеңешинин мүчөсү катары дүйнөдө бейпилдикти камсыз кылууга, туруктуу өнүгүүнү жана адам укуктарын сактоого жардам берүүңүздү чыдамсыздык менен күтөм”, - деп айтылат. Читать дальше...

Түркиянын түштүгүндөгү Кахраманмараш провинциясында Орусиядан ижарага алынган өрт өчүрүүчү Бе-200 учагы кырсыкка учурады. Орусиянын Коргоо министрлигине шилтеме кылган "Интерфакс" агенттиги бортто орусиялык беш аскер кызматкери жана үч түрк жараны болгонун жазды. Алардын тагдыры тууралуу азырынча мекеменин маалыматы жок. Түркиялык NTV телеканалы тирүү калгандар жок экенин кабарлады. Орусиянын Коргоо министрлигинин маалыматында учак өрттүн очокторун өчүрүп жүргөн кезде, Москва убактысы менен 15:10до Адана шаарына жакын жерде кырсыктаган. Читать дальше...

XX кылымда фарсы дүйнөсүндө оогандык атактуу музыкант Акмат Зайырдай (фарчасы – Ахмад Зохир же احمد ظاهر‎‎) эч ким таанымал болбосо керек. Анын кайталангыс коңур үнү, сөзүнө обону, обонуна музыкасы шайма-шай келген ажайып ырлары миллиондордун жүрөгүнөн түнөк таап, жүз миңдеген кыздардын кумирине айланган. Чын эле Жараткан андан өз берешендигин аяган эмес экен: анын өзгөчө талантын айтпаганда да, дайыма күлкү чачып турган бешене-ырайы, жылдыздуу жарык жүзү, келишимдүү бой-келбети күндүсү кыз-келиндердин ой-кыялын уурдаса... Читать дальше...

Ооганстандагы кагылышууларга байланышкан курч кырдаал дүйнө коомчулугун, анын ичинде Борбор Азия мамлекеттерин тынчсыздандырып жатат. Ооган чыр-чатагы Борбор Азиядагы Кыргызстандын коопсуздугуна кандай тобокелдиктерди жаратууда жана анын алдын алуу үчүн кандай чаралар керек? “Азаттык” “Арай көз чарай” талкуусунда ушул жана башка суроолорго жооп издеди. Талкууга Коопсуздук комитетинин мурдагы төрагасы Артур Медетбеков, Тышкы иштер министрлигинин мурдагы төрагасы Талант Кушчубеков катышты. - Бишкекте... Читать дальше...

Франциялык "Пари Сен-Жермен" футбол клубу жаңы келген 34 жаштагы аргентиналык спорт жылдызы Лионель Мессинин алгачкы машыгуу учурундагы видеосун көрсөттү.

Талибдерден Кабулга жакындай баштаганынан улам АКШ элчилигинин кызматкерлерин эвакуациялоо жана аэропорттогу коопсуздукту сактоо үчүн Ооганстанга багыт алган америкалык аскерлердин алды өлкөгө келди.  Пентагондун өкүлү Жон Кирби үч миңдей аскер кызматкеринин басымдуу бөлүгү 15-августта жайгаштырылып, алар Ооганстандан "күнүнө миңдеген адамдарды" чыгарып турарын билдирди.  Аскерлердин өлкөгө кириши талибдердин түндүктөгү Герат менен түштүктөгү Кандагарды басып алып, чабуулдарын күчөткөнүнө байланыштуу болууда. Читать дальше...

Бул ишке жооптуу Спорттун олимпиадалык эмес түрлөрү боюнча дирекция аларга тиешеси жок органга кат жөнөтүп, каражат күтүп отура берген.

Орусиянын Москва шаарындагы Кузьминки районундагы калайман мушташка катышкан 26 кыргызстандык депортация болду. Бул тууралуу Орусиянын Vesti.ru басылмасы жазды. “Кечээ колуна кишен салынган чет элдиктердин тобу Кыргызстанга депортацияланды. Аларга Орусияга 40 жылга чейин кирүүгө тыюу салынган”, - дейт аталган басылма. Июль айында Москвада кыргызстандык жана тажикстандык мигранттар мушташып, жүздөй киши кармалган. Кыргызстандын Ички иштер министрлигинин (ИИМ) Орусиядагы өкүлү Нурлан Жанбаев... Читать дальше...

Акыркы айларда өлкөбүздөгү коомдук жайларда адамдардын агрессивдүү жүрүш-турушу чагылдырылган видеотасмалар Интернетке жайылып, талкуу жаратууда. Чындап эле коомдо агрессия күчөп атабы жана аны кантип жеңсе болот? "Эже-сиңдилер" бул аптада ушул темага көңүл бурду.

АКШнын бир катар штаттары коронавируска чалдыккан оор бейтаптарды дарылоого бош орун калбай баратканын билдирүүдө. Орусияда бир суткада 815 адам каза болуп, рекорддук чекке жеткенин билдирсе, Барзилияда бир суткада 966 адам каза тапты. АКШнын Алабама штатынын губернатору медицина кызматкерлери ооруканаларга олуттуу оорчулук келтирип жаткан COVID-19дун толкуну жөнүндө кабарлагандан кийин өзгөчө кырдаал жарыялады. Өлкөнүн түндүк-батышындагы Орегон штатында да ооруканалар толуп калды. Бийлик медицина... Читать дальше...

14-16-августта Кыргызстандын көпчүлүк аймактарында мезгил-мезгили менен жаан жаап, жайлоолордо карга айланат. Кээ бир райондордо жаан-чачын катуу жаайт. 14-августтан 16-августка чейин республиканын тоолуу жана тоо этектериндеги райондорунда туруксуз аба ырайына жана күтүлүп жаткан нөшөрлүү жаан-чачынга байланыштуу сел жүрүшү ыктымал. 15-августта түнкүсүн жаан-чачын жаабайт. Күндүз Ысык-Көл, Нарын облустарынын кээ бир райондорунда, Ош, Жалал-Абад облустарынын тоо этектеринде жана тоолуу райондорунда... Читать дальше...

Казакстанда мекемелер менен дүкөндөрдө иштегендердин казак тилин билишин текшерген топтун аракети талкууга түштү. Казак бийлиги бул жорукту “жапайы улутчулдук” деп атады. Улутчул топтун аракети Орусияда "Борбор Азияда орус тилдүүлөр кысымга алынып жатат" деп маселе көтөрүлгөн учурга туура келди. Орусияда Кыргызстандагы орус тилдүүлөргө мамилени саясий маселе катары көтөрүп жаткан чакта коңшу Казакстандагы окуяга да көңүл бурулду. Буга YouTube порталындагы "Til Maydani онлайн партиясы" аттуу канал жарыялаган видео себеп болду. Читать дальше...

Белгилүү актер, режиссер, Кыргыз Республикасынын маданиятына эмгек сиңирген ишмер Мурат Мамбетов «Азаттыкка» сыябан-маек куруп, чыгармачылык сапарындагы кызыктуу учурлары, даңазалуу актер Талгат Нигматулин тууралуу айтып берди. Мамбетов чыгаан кинорежиссер Болот Шамшиев тарткан «Бөрү зындан» кинотасмасындагы Композ аттуу каарман аркылуу көрүүчүлөрдүн сүйүктүү актеруна айланган.

Спортчу маалымат жыйынды баштай албай жашып бир саамга турду, ошол учурда жубайы ага салфетка берген.

Грек-рим күрөшү боюнча улуттук курама команданын башкы машыктыруучусу Азат Эркинбаев Акжол Махмудовго Токио Олимпиадасында алтын медаль утууга тажрыйба жетпей калгандыгын айтты.

Кыргызстанда бир суткада 19 миң адам коронавируска каршы вакцина алды. Жалпы вакцина алгандардын саны 839 миңден ашты. Алардын 255 миңден көбү эки дозаны тең сайдырышты. Бул 14-август саат 13:00гө карата маалымат. Эмделгендердин эсеби Саламаттык сактоо жана социалдык өнүктүрүү министрлигинин Электрондук саламаттык борборунун маалымат базасында күнү-түнү жаңыртылууда. Кыргызстандыктарды эмдөөгө негизинен Кытайдын Sinopharm компаниясынын вакцинасы, Европа өндүрүшүндөгү AstraZeneca жана Орусиянын Sputnik-V препараттары колдонулууда. Читать дальше...

Америка Кошмо Штаттарынын жогорку даражалуу дипломаты Беларус президенти Александр Лукашенкону Литва жана башка өлкөлөргө мигранттардын мыйзамсыз агымын уюштурууну тез арада токтотууга чакырды. Мамлекеттик катчынын орун басары Венди Шерман 13-августтагы Литванын тышкы иштер министри Габриелус Ландсбергис менен сүйлөшүүдө Беларустун Литва менен чек арасындагы маселени көтөргөн. Өткөн айдан бери Беларус аркылуу Литвага ирактык мыйзамсыз мигранттардын агымы күчөдү. Акыркы жумада ушундай эле көрүнүш... Читать дальше...

Казакстанда (Кыргызстан сыяктуу эле) эркектер ажырашуу үчүн шарият эрежелерине ылайык, аялына үч жолу “талак” деп койгону жетиштүү. Эксперттердин айтымында, расмий статистика жок болгондуктан мындай көйгөйдүн масштабын баалоо кыйын. Бирок мындай тажрыйба кыз-келиндердин тагдырына оор кесепетин тийгизүүдө. Казакстандык эки келин өзүнүн башынан өткөн окуялары менен бөлүштү. “Ортодо балабыз болбогонуна сүйүндүм”. Гүлнаранын окуясы Мен 28 жаштамын. Аны менен таанышкан учурда 23 жашта элем. Базарда сатуучу болуп иштечүмүн. Читать дальше...

Талибан кыймылынын Дохада отурган саясий жетекчилери Ооганстандагы түзүмдөрүн, жер-жерлерде согушуп жүргөн жоочуларын тикелей башкара алышпагандай таасир калтырат. Талибан кыймылы учурда Ооганстандын теңине жакынын ээлеп алды. Дохадагы сүйлөшүүлөрдө айтылган саясий өкүлдөрдүн убадалары аткарылбай калганы турат. Саясий маселелер боюнча делген комиссия 2020-жылдын февралында Кошмо Штаттар менен тынчтык келишимди талкуулап жатканда Талибан кыймылы адам укугуна урмат менен мамиле кыларын, ээлик кылган... Читать дальше...

Бириккен Улуттар Уюмунун Качкындар агенттиги Ооганстандын коңшуларын чек арасын ачык кармоого чакырды. "Кырдаал гуманитардык катастрофанын босогосунда турат", - деди Бириккен Улуттар Уюмунун Качкындар боюнча Жогорку Комиссарлыгынын өкүлү Шабия Манту 13 -августта Женевада өткөн брифингде. Ооганстандын өзүндө талибдер бүт өлкө боюнча чабуулун улантууда, миңдеген жарандар алардан качып кетүүдө. "Коопсуздукту камсыз кылбоо эсепсиз жарандардын өмүрүнө коркунуч туудурушу мүмкүн. БУУнун Качкындар... Читать дальше...

Президент "Жер тилкелерин которуу (трансформациялоо) жөнүндө" мыйзамга өзгөртүү киргизүү тууралуу" мыйзамга кол койду. Президенттин расмий сайтына жарыяланган маалыматка ылайык мыйзам турак жай куруу пландалбаган жер тилкелерине үй салып алган адамдардын бир топ жылдан берки көйгөйүн чечүүгө багытталган. Бул мыйзам аркылуу жол-жоболор түшүндүрүлүп, кайрыла турган органдар такталат. Мыйзам менен жаңы конуштардын инфратүзүмүн жакшыртуу боюнча демилгелер трансформацияланган жерлердин ээлесине өткөрүлүп берилет. Читать дальше...

Кыргызстандын Күрөш федерациясы спорттун бул түрүнө мамлекеттен жетиштүү колдоо болбой жатканын айтып, кайрылуу таратты. Токиодогу жайкы Олимп оюндарында ийгилик жараткан балбандарды тарбияланган Күрөш федерациясы мелдешке чейин кандай кыйынчылыктарга кабылганын жана азыр дагы бул тармактагы көйгөй чечилбей жатканын айтып чыкты. Федерация орус тилинде жарыялаган кайрылуусунда “Ийгилик жараткан спортчуларга мамлекет канчалык көңүл бөлгөн?” деп суроо салган. “Кыргызстан Олимпиададан алтын... Читать дальше...

Коронавируска каршы республикалык ыкчам штабдын бүгүнкү, 14-августтагы маалыматына караганда, кечээтен бери Кыргызстанда бул инфекциядан алты адам каза болду. Жалпысынан өлкөдө коронавирустан каза болгондордун расмий саны 2439 адамга жетти. Соңку бир күн ичинде вирус дагы 520 адамдан табылды. Алардын эң көбү Бишкек шаарында (299) жана Чүй облусунда (88). Өлкөдө бул оору жуккандардын расмий катталган саны 171 758 адамга жетти. Бир күндө 654 адам айыгып чыкты. Азыр ооруканада 2216 адам жатат, дагы 3591 бейтап үйдөн дарыланууда. Читать дальше...