Новости за 01.08.2021

Токиодогу Олимпиадага катышканы барган беларустук спортчу Кристина Тимановская "Фейсбукка" машыктыруучуларынын чечимин сындап жазгандан кийин оюндардан чыгарылып, күчтөп аэропортко жеткирилгенин интернетке жарыялады. 1-августта жарыялаган постунда ал Токиодогу аэропортто жапон полициясынан жардам сурап, учакка түшпөй калып калганын билдирди. Ал Беларуска кайтып барууну каалабай турганын белгилеп, Эл аралык Олимпиада комитетине анын жагдайына кийлигишүүнү өтүнүп кайрылды. Тимановская 2-августта 200-метрлик жарышка катышмак. Читать дальше...

Баткендин Ак-Сай айылында апрель айынын соңунда кыргыз-тажик чек арасындагы куралдуу кагылышта өрттөлгөн тогуз үйдүн курулушу башталганын облустук бийликтин малымат кызматынан 1-августта “Азаттык” радиосуна кабарлашты. Бийликтин маалыматына караганда, Баткен районунун аймагындагы төрт айылда өрттөлгөн үйлөрдүн курулушу 31-авгутска чейин аяктайт. Учурда куралма үйлөрдү Түркиядан ташып келүү уланып жатат. Баткен районунун Ак-Сай, Достук айылынын тургундары 22-июлда куралдуу жаңжалда өрттөлгөн үйлөрүн... Читать дальше...

Токиодо өтүп жаткан Олимпиадада кыз-келиндер күрөшүнөн 76 килограмм салмакта мелдешке чыкккан Айпери Медет кызы алдыда (2-август) коло медал үчүн күрөшөт. Кыргызстандык күйөрмандар арасында жарым финалдагы беттеште калыстык болбой калды деген нааразылыктар айтылды. Бул боюнча Токиодо жүргөн Кыргызстандын олимпиадалык делегациясынын башчысы, Жаштар иштери, дене тарбия жана спорт боюнча мамлекеттик агенттиктин спорттогу жетишкендиктерди анализдөө жана өнүктүрүү бөлүмүнүн жетекчиси Марат Аскарбековдун пикирин сурадык. Читать дальше...

Алмаз Мамбетов Ош шаарынын мэринин милдетин аткарууга 2-августта киришет. Бул тууралуу мэриянын басма сөз катчысы Азамат Абсаттаров билдирди. Абсаттаров Оштун буга чейинки мэри Таалайбек Сарыбашев Бишкек шаарынын башчылыгына келиши мүмкүн деген сөз жүрүп жатканын бышыктап, расмий маалымат 2-августта берилерин билдирди. Бишкек менен Ош шаарынын мэрлерин шаардык кеңештин депутаттары шайлайт. Ош шаардык кеңеши биринчи сессиясына чогула элек. Бишкек шаардык кеңеши биринчи сессиясын өткөрүп, спикерликке Куванычбек Конгантевди шайлады. Читать дальше...

Токиодогу оюндун расмий өкүлдөрү Олимпиада айылында чогулуп алып алкоголдук ичимдиктерди ичип, башкалардын тынчын алган спортсмендер менен делегация мүчөлөрүнүн окуясы иликтене баштаганын билдиришти. Алар 30-июлда кече өткөргөн кайсы өлкөнүн командасы тууралуу сөз болуп жатканын такташкан жок. Токио-2020 оюндары COVID-19 пандемиясынан улам катаал чектөө, ар бир чет элдик жарандын колуна берилген татаал эрежелер астында өтүп жатат. Андай эрежелер арасында мелдешип жаткан 11 миңдей спортчу жана башка... Читать дальше...

Кыргызстанда “Манастын уулу Семетей” аттуу көркөм тасма тартыла баштады. Ал президент Садыр Жапаровдун колдоосу менен тартылып жатканын тасманын продюсери жана сценаристи Өмүрзак Төлөбеков “Азаттыкка” билдирди. Ал арада коомчулукта тасманын тартылышына каршылыгын билдиргендер көп болууда. Өмүрзак Төлөбеков көркөм фильмдин сценарийин Жалил Сыдыковдун “Манастын уулу Семетей” драмасынын негизинде жазып, тартылуу иштери жакын арада гана башталганын айтты. “Тартымдар 23-июлда башталды, ага чейин керектүү кийим-кечелерди... Читать дальше...

Апта башында башталган өрт Түркиянын алты провинциясындагы токойлорду каптап, кеминде алты кишинин өмүрүн алып, 410 адам жабыркады. Ишембиде жабыр тарткандар баш калкалап жаткан кризистик борборго барган түрк президенти Режеп Тайип Эрдоган өрткө тиешеси бар деп шектелген бир киши Мугла провинциясында кармалганын, "эгерде бул иш диверсия болсо, күнөөлүүлөрдүү жазалоо - биздин милдетибиз" деп билдирди. Ал жабыр тарткандарга жардам бериш үчүн 50 миллион лира бөлүнгөнүн кошумчалады. "Анадолу" маалымат агенттиги кабарлагандай... Читать дальше...

Ооганстандагы экинчи ири шаар Кандагардагы аэропорт талибдер таңга маал үч ракета аткандан кийин талкаланып, иштен чыгарылды. Чабуул үчүн жоопкерчиликти алган "Талибан" кыймылы аны менен Кандагар шаарынын тегерегиндеги аба соккуларын токтотууну көздөгөнүн билдирди. Ооган өкмөтүнүн куралдуу күчтөрү Кандагардан башка батыштагы Герат жана түштүктөгү Лашкаргах шаарларынын тегерегинде талиб согушкерлери менен салгылаштарын улантууда. "Кандагардагы автожолдор талкаланып калгандыктан, аэропорт абдан маанилүү эле. Читать дальше...

Кыргызстанга коронавируска каршы Sinopharm вакцинасынын 1 млн. 250 миң дозасы жеткирилди. Бул тууралуу Министрлер кабинети билдирди. Кытайдын Sinopharm вакцинасы республикалык бюджеттен сатылып алынууда.  1-августка карата эмдөөдөн өткөндөр. 572 миң жарандан ашканы белгилүү болду. 11-июлда Кыргызстанга Кытайдан 1 миллион 250 миң доза Sinopharm вакцинасы келген. Анын 150 миң дозасы гуманитардык жардам катары бекер берилип, калган вакцинаны бийлик бюджеттен бөлүнгөн акчага сатып алган. Президент... Читать дальше...

Ишембиде Франциянын борбору Париж жана башка шаарларда коронавируска байланыштуу чектөөлөргө каршылык билдирип, он миңдеген киши көчө акцияларына чыгышты. Жаңы мыйзамга ылайык, көпчүлүк коомдук жайларга вакцина алганы, же вирус табылган жок деген тест жыйынтыгы, же коронавирус жуктуруп алып айыгып чыкканы тууралуу атайын медициналык маалымдамасы (пропуск) бар адамдар гана кире алышат. Айрым маалымат каражаттары Францияда үчүнчү дем алыш удаасы менен өтүп жаткан демонстрацияларга 31-июлда 200 миңден ашуун адам катышканын кабарлашты. Читать дальше...

Беларус президенти Александр Лукашенко "коопсуздук үчүн зарыл болсо" орус аскерлери өлкөгө киргизилерин билдирди. Бул тууралуу мамлекеттик "БелТА" агенттиги жазган. "Учурда буга зарылчылык жок, бизде күчтүү, бирдиктүү, компакттуу куралдуу күч бар. "Территориалдарды" эсепке албаганда, куралчан 500 миң кишини кыска убакытта тизе алабыз. Эгер ал дагы аз болсо Орусиянын куралдуу күчтөрү киргизилет. Бул эч качан болбойт. Бирок зарыл болсо биз ойлонуп отурбайбыз ", - деди ал. Лукашенконун айтымында... Читать дальше...

Органдарды басып чыгарууга жол ачкан “биопринтинг”. Өз алдынча жүргөн унаалар эми адашпайт. Италиядан байыркы чиркөөгө таандык курулуш табылды. “Азаттыкта” илим дүйнөсүндөгү акыркы жаңылыктардын топтому. “Биопринтинг” же орган басып чыгаруу Органын алмаштыруу үчүн ылайыктуу донор күткөн адамдардын саны дүйнө жүзүндө миңдеп саналат. Келечекте ооруканалар бейтаптын өзүнүн клеткаларын колдонуп эле жаңы органды басып чыгарып кое аларын элестете аласызбы? Мындай технология “биопринтинг” (“bioprinting”) же “био басып чыгаруу” деп аталат. Читать дальше...

Токиодо өтүп жаткан Олимпиадада кыз-келиндер күрөшүнөн 76 килограмм салмакта килемге чыкккан Айпери Медет кызы жарым финалда АКШ спортчусу, дүйнөнүн беш жолку чемпиону Аделин Мариа Грейге 3:2 эсеби менен жеңилди. 1-айлампада АКШ өкүлүнүн эсебине эки упай жазылган. 2-айлампада Айпери атаандашын килемдин сыртына түртүп чыгарууга аракеттенди. Бул аракетке калыстар упай бербей, ага нааразы болгон кыргызстандык машыктыруучу видеодон кайталап көрүүнү талап кылып, челленж берди. Челенж да АКШ спортчусунун пайдасына чечилип... Читать дальше...

Кыргызстандык балбан кыз чейрек финалда россиялык, ал эми баштапкы этапта казакстандык атаандаштарын артыкчылык менен уткан.

"Азаттык" радиосунун "Эгемендикти эмне бекемдейт?" аттуу сынагына Орозгүл Койчуман кызынан келген материалды сунуштайбыз. Кыргызстандын 30 жылдык эгемен учуру бул – тарыхый окуяларга бай, чоң саясий бурулуштарга жана саясий каталарга толгон, карапайым калың журттун кубанычы менен кайгысы аралашкан, жетишкенибизден жетишпеген жактары көп, кемчилиги бөксөлүгү толтура орчундуу окуялар менен коштолду. Ар бир оор учурду ушул акыркысы болсо экен деп тилендик. Бирок өлкөдөгү азыркы кырдаал дагы да баса... Читать дальше...

Ооганстандын батышындагы Герат шаарынын четинде талибдер менен ооган коопсуздук күчтөрүнүн ортосунда салгылашуулар болду. Талибан шаарга жарым-жартылай ээлеп алганын билдирди. Бирок Кабулдагы ооган бийлиги четке кагып, талибдердин чабуулу кайтарылганын айтууда. Маалыматтарга караганда, талибдер Ооганстандын бардык аймагында басып алуу аракеттерин улантууда. Бул тапта АКШ жана башка чет элдик аскер күчтөрү өлкөдөн аскерлерин чыгарууну аяктоо алдында турат. Ооган Коргоо министрлигинин басма... Читать дальше...

Балбан Жоламан Шаршенбеков чейрек финалда молдовалык Виктор Чобануга утулуп калган. Бирок атаандашы жарым финалда утса, Шаршенбековдо коло медалга ат салышууга мүмкүнчүлүк жаралмак.

Бишкек шаарынын мэрлик кызматына Ош шаарынын учурдагы мэри Таалайбек Сарыбашев келиши мүмкүн. Ал эми Ош шаарынын мэрлигине президенттин иш башкармалыгынын жетекчиси Алмаз Мамбетов барат. Бул тууралуу "Азаттыктын" президенттин администрациясындагы ишенимдүү булагы билдирди. Ош шаарынын мэри Таалайбек Сарыбашев менен байланышканда, азырынча Ош шаарында экенин, "айтылып жаткан сөздөр тууралуу эртең, дүйшөмбү күнү белгилүү боло турганын" айтты. Бишкек менен Ош шаарынын мэрлерин шаардык кеңештин депутаттары шайлайт. Читать дальше...

"Азаттык" радиосунун "Эгемендикти эмне бекемдейт?" аттуу сынагына Мират Алчикеновдон келген материалды сунуштайбыз. Өзүмдү кыргыз жергебиздин жаркын келечегине кайдыгер карабаган жарандардын катарына кошкум келет. Бул сынакка катышуумдун себеби дагы ошол. Көп эле убакта мамлекетибиз жаш, жаңыдан там-туң басып келе жатат, алдыда дагы көп саясий өзгөрүүлөр күтүп турат деген үмүт менен жашадык. Азыр күчкө толуп турган отуз жаштагы жигиттин курагын чыгыптыр биздин өлкө. Эгемендүүлүк алган жылы мен кең масштабта ой жүгүртө албаган... Читать дальше...

The New York Times гезити Ооганстандагы кыргыздардын абалына кайрылып, “Согуш тынч, обочодо жашаган малчыларга жетти” деген макаланы жарыялады. Коронавирустун "дельта" варианты бир катар өлкөлөрдү кайрадан беткап тагынуу өңдүү чараларды, эмдөөнү күчөтүүгө аргасыз кылууда. "Америкалыктар калса, кыргыздар өздөрүн коопсуз сезер эле" The New York Times гезити 29-июлдагы санында Ооганстандагы кыргыздардын абалына кайрылып, “Согуш тынч, обочодо жашаган малчыларга жетти” деген макаланы жарыялады. ... Читать дальше...

Олимпиада оюндарынын тогузунчу күнүндө оор атлетика боюнча эркектер арасындагы оор салмактагы мелдештер жыйынтыкталды. 31-июлда 10 спортчу 96 килограммга чейинки салмакта күч сынашты.

Шашылыш билдирүү: 2-августтан 4-августка чейин республиканын тоолуу жана тоо этектериндеги райондорунда туруксуз аба ырайына жана күтүлүп жаткан нөшөрлүү жаан-чачынга байланыштуу сел жүрүшү мүмкүн, дарыяларда суунун деңгээли көтөрүлөт.  Абанын температурасы 2-августта: Чүй облусунда түнкүсүн 16…21, күндүз 30…35; Талас жергесинде түнкүсүн 4…9, күндүз 18…23; Ош, Баткен, Жалал-Абад аймактарында ​түнкүсүн 19…24, күндүз 31…36; Ысык-Көл дубанында түнкүсүн 11…16, күндүз 21…26; Нарын облусунда түнкүсүн 8…13... Читать дальше...

Кыргызстандык спортчу кыз Олимпиаданын жарым финалына чыкты. Алдыда аны өтө олуттуу атаандаш күтүп турат.

Бүгүн кыргызстандык балбандар чүчү кулак кармашкан. Алар эртең, 2-августта, саат 08:00дө килемге чыгат.

Токиодо өтүп жаткан Олимпиадада 2-августта күч сынаша турган кыргызстандык балбандар Акжол Махмудов менен Үзүр Жусупбековдун алгачкы атаандаштары белгилүү болду. Бул тууралуу Кыргызстандын олимпиадалык делегациясынын башчысы Марат Аскарбеков билдирди. 77 кг салмактагы Акжол Махмудов алгачкы күрөшүн Тунис өлкөсүнөн келген балбан Ламьед Маафи менен өткөрөт. Беттеш Бишкек убактысы боюнча 8:00дө башталат. 97 кг салмактагы Үзүр Жусупбеков армениялык учурдагы олимпиада чемпиону Артур Алексанянга каршы чыгат. Читать дальше...