Новости за 28.08.2021

Спорттун улуттук оюндар боюнча дирекциясынын маалымат катчысы, ат оюндары боюнча комментатор Табылды Асыгалиев Алтайды байырлаган көчмөн элдердин ат оюндарынын маани-маңызына токтолду.

Баткен шаарынын чет жакасында кыргыз-тажик жаңжалында каза болгондордун жакындары үчүн чакан шаарча пайда болду. Президент Садыр Жапаров курулуш иштери менен таанышып, үйлөр эки жумага жетпей толук бүтө турганын айтып убада берди. Үй куруу үчүн жерди мэрия бөлсө, калган чыгымын жеке компаниялар көтөргөн.

“Кыргыз темир жолу” ишканасынын мурдагы жетекчиси, Улуттук коопсуздук боюнча мамлекеттик комитетинин (УКМК) тергөө абагына камалган Василий Дашковдун Бишкектеги "Бикард" менчик бейтапканасына жаткырылганына байланыштуу кызматтык иликтөө жүргүзүлгөн. Натыйжада Дашковдун коргоо тартибинин бузулушуна жол берген деген негиз менен УКМКнын тергөө абагынын башчысы М. М., анын орун басары Т. У. жана тергөөдө жаткан адамдарды кармоо, аларды коргоо жана коштоо тартибине жооптуу кызматкерлер иштен алынды. Читать дальше...

Ош шаарында 28-август күнү Ички иштер министрлигинин автобусу менен кагышкан машинедеги үч киши каза болду. Окуя Ош-Ноокат жолунун Жапалак айылынын чыга беришиндеги бөлүгүндө болгон. Бул тууралуу Ош шаардык ички иштер башкармалыгынын басма сөз кызматы билдирди. Мекеменин маалыматында жогорку ылдамдыкта келе жаткан "Матиз" үлгүсүндөгү машине милицияга таандык токтоп турган автобусту сүзгөн. "Жол четинде батыштан чыгыш тарапты карап токтоп турган ИИМге караштуу атайын автобусун "Матиз" үлгүсүндөгү автоунаа карама-каршы тилкеге чыгып... Читать дальше...

Орусиянын статистика комитети маалымдагандай, бул январь айынан берки эң жогорку көрсөткүч. Жыл башында коронавирус инфекциясынан 37 миң адам жарык дүйнө менен кош айтышкан. Орус өкмөтүнүн вице-премьери Татьяна Голикова мурдараак ооруга вирустун "Дельта" штаммы себеп болгонун айткан. Июнь айынан тартып Орусиянын басымдуу аймагында коронавируска каршы милдеттүү түрдө эмдөө киргизилген. Былтыр декабрда башталган эмдөө жай жүрүп жатканы айтылып келет. Акыркы маалыматтар боюнча коронавируска каршы вакцинанын биринчи дозасын жарандардын 30%... Читать дальше...

Кыргызстанда эң ири үч шаардын – Бишкек, Ош жана Токмок шаарларынын мэрлери шайланды. Бишкек менен Ошто бийлик жана шаардык кеңештеги коалициялык көпчүлүк көрсөткөн бирден гана талапкер болду. Кошмо Штаттар жана башка батыш мамлекеттери өз жарандарын Кабул аэропортунун айлана-тегерегинен оолак болууну эскертешти. Алар миңдеген адамдар топтолгон жерде террордук чабуулдар болуп кетиши мүмкүн деп кооптонуп турушат. Орусиянын борбору Москвада полицияга түшкөн кыргызстандыктардын саны өстү, өз жердештерине карата жасалган кылмыштар өзгөчө көп.

7-октябрда Кербен шаарынын борборуна акимди кызматтан кетирүү талабы менен чогулган эл эки жаат болуп мушташып, алты адам ооруканага түшкөн. Жаңжалдан кийин жараат алгандардын бири ооруканада каза болгон. Маркумдун айылдаштары жана жакындары бул окуянын уюштуруучулары 16-августта жеңил жаза менен абактан чыгып кеткенин айтып чыгышты. Ал эми экинчи тарап баары мыйзамдуу болгонун жана шектүүлөр ансыз да сегиз ай жөн эле камакта жатканын билдиришүүдө. “Азаттык” Аксыдагы өлүм менен аяктаган жанжалды дагы бир жолу иликтеп көрөт.

АКШ аскерлери Кабул аэропортунда 26-август күнү болгон жардырууга жооп кылып, "Ислам мамлекети" террордук тобуна абадан сокку урду. Пентагондун маалыматына караганда, Нангархар провинциясына жасалган чабуулдун натыйжасында аба майданындагы жардырууну уюштурган "ИМ" тобунун мүчөсү өлтүрүлдү. Чабуулдан жай тургундар жабыркаган эмес. Кабул аэропортундагы жардыруу Батыштын бир катар мамлекеттери Ооганстандан жарандарын жана жергиликтүү өнөктөштөрүн чыгарып кетип жаткан маалда болду. Кол салууну... Читать дальше...

Бишкектеги Гапар Айтиев атындагы көркөм сүрөт музейинде 24-августта ачылган "Жаңы социалдык реализм" көргөзмөсүнө эл сүрөтчүсү Таалайбек Усубалиевдин эмгектери да коюлган. Анын "Ата-Бейит" аттуу картинасы коомчулукта чоң талаш-тартыш жаратты.

29-августта Ысык-Көл, Нарын облустарынын кээ бир райондорунда, Ош, Чүй, Жалал-Абад, Баткен облустарынын тоолуу райондорунда өткүн өтүп, күн күркүрөйт. Өрөөндөрдө жаан-чачын болбойт. Абанын температурасы: Чүй дубанында түнкүсүн 16…21, күндүз 29…34; Талас өрөөнүндө түнкүсүн 9…14, күндүз 26…31; Баткен, Ош, Жалал-Абад облустарында түнкүсүн 17…22, күндүз 30…35; Ысык-Көл облусунда түнкүсүн 7…12, күндүз 20…25; Нарын облусунда түнкүсүн 4…9, күндүз 20…25 градус жылуу болот. Бишкек шаарында түнкүсүн 16…18, күндүз 32…34 градус ысык болот.

Бишкекте адам өлүмү менен аяктаган окуяга байланыштуу патрулдук милициянын бир кызматкери камалды. Жума күнү кечинде жолдогу араздашууда милициянын патрулдук инспектору айдоочуга ок чыгарган жана ал жаран ошол жерде каза тапкан. Кылмыш ишин Улуттук коопсуздук комитети териштире баштады. Бишкек милициясынын маалыматына караганда, окуя 27-августта, кечки саат тогуздан өткөндө Жибек-Жолу жана Гоголь көчөлөрүнүн кесилишинде орун алган. Шаардык ички иштер башкы башкармалыгынын басма сөз кызматынын... Читать дальше...

Бүгүн, 28-августта Жалал-Абад облусунун Ноокен районунда мисте фестивалы өттү. Иш-чаранын максаты - Кыргызстанда өскөн мистени чет өлкөлөргө таанытуу, өлкөгө инвесторлорду тартуу. Фестивалдын алкагында бизнести өнүктүрүүгө арналган эл аралык форум болду. Ага Жогорку Кеңештин депутаттары, токойчулар, жеке ишкерлер жана илим чөйрөсүнүн адамдары катышты. Көргөзмөдө аймакта өскөн мистенин түрдүү сортторунан тышкары жаңгак, өрүк-мейиз жана башка жашылча-жемиштер, айыл чарба азыктары, кол өнөрчүлүк буюмдары да коюлду. Читать дальше...

Кыргызстандын мурдагы баш прокурору Аида Салянова Казакстандагы клиникалардын биринде жүрөгүнүн клапандарын алмаштырды. Бул тууралуу анын жакындары "Азаттыкка" билдирип, учурда абалы жакшы экенин маалымдашты. Жакындарынын айтуусунда 49 жаштагы Аида Салянова жүрөгү ооруп, операция зарылдыгы болсо да сот чечимине ылайык чет өлкөгө чыга албай жүргөн. Аида Салянова 2010-жылы юстиция министринин милдетин аткарып турганда "мурдагы президенттин уулу Максим Бакиевдин өнөктөшү Алексей Елисеевдин адвокаттык... Читать дальше...

Кыргыз аңгемесинин классикасынан Калчоро Көкүловдун “Чырбаш балбаны” тууралуу кеп кылабыз. Дөшү жана барскан Айыл жеринде бирине экинчиси окшобогон калаты адамдар жашайт. Чырбаш балбан ошондой өзгөчөлүү адамдардын бири, “тулку бою коргошундан куйгандай болгон чымыр киши". Зоңкоюп бою узун, МТСте темир уста. Илгери социализм заманында МТС - машина-трактор станциясы болор эле. Колхоздун кара жумушунун баары ошол МТСтин мойнунда болчу. Эрте жаз кош башталып, күзүндө эгин жыйнамайга чейинки түйшүк трактирчилердин иши эле. Читать дальше...

Түрдүү мыйзам бузууларга байланыштуу Москва милициясы акыркы айларда мигранттарга каршы 800 кылмыш ишин козгоду. 200гө чамалуу мигрант депортацияланды. Бул тууралуу Москванын мэри Сергей Собянин соцтармактагы баракчасына жазды. "Акыркы айларда полиция мигранттарга карата бир нече катаал рейддерди жүргүздү. Натыйжада түрдүү мыйзамсыздыктарга байланыштуу 800 кылмыш иши козголуп, 200гө чамалуу адам депортацияланды. 17,5 миң адамга өлкөгө кайра кирүүгө тыюу салынды. Москва - меймандос шаар, бирок... Читать дальше...

Эркиндикти, адилеттүүлүктү сүйүү, жарандуулук - кыргыз улутунун иденттүүлүгүн аныктаган башкы факторлор. Бул генетикалык сапаттарга мамлекеттик деңгээлде маани берип, багып өстүрүү зарыл. Мындай пикирин социолог Самар Сыргабаев "Азаттыкка" курган маегинде билдирди.  - Самар мырза, кыргыз өзүн ким деп эсептейт, иденттүүлүгү кандай? 30 жыл ичинде кандай калыптанды? Социологиялык иликтөөлөр кандай тыянактарды берип атат? - Иденттүүлүк - бул көп тараптуу феномен. Терминдин өзүн кыргыз тилине “кимдик” деп которуп көрдүк... Читать дальше...

Жамбыл облусундагы курал-жарак кампасындагы жарылуудан каза болгондордун саны 13 адамга жетти. 28-август күнү Өзгөчө кырдаалдар министрлигинин куткаруучулары дагы бир адамдын сөөгүн таап чыгышканы кабарланды. Расмий маалыматка ылайык, маркумдардын үчөөнүн тек-жайы аныктала элек. Дагы үч адам дайынсыз болууда. 26-августта кечке жуук Жамбылдын Байзак районундагы курал-жарак кампасы өрттөнүп, натыйжада онго чукул жарылуу болгон. Өрт жалпысынан 700 чарчы метрди жалмаган. Кеминде 13 адам каза таап, 98 киши жараат алган. Читать дальше...

27-августтун кечинде бир адамды өлтүрө аткан деп шек саналган милиционер Улуттук коопсуздук боюнча мамлекеттик комитеттин (УКМК) тергөө абагына киргизилди. Бул тууралуу Бишкек шаардык ички иштер башкармалыгынын басма сөз кызматкери Айзада Кубатова "Азаттык" радиосуна билдирди. Анын айтуусунда, ок чыгарган милиция кызматкеринин ишин атайын кызмат иликтейт. "Маалымат түшөрү менен Свердлов райондук ички иштер башкармалыгынын (РИИБ), прокуратурасынын кызматкерлери жана "Тез жардам" окуя болгон жерге барган. Читать дальше...

Кара-Суу шаарындагы "Ас-Сарахси" мечитинин имамы, экстремисттик материалдарды тараткан жана диний кастыкты козуткан деген айып менен 10 жылга соттолгон Рашод Камолов эркиндикке чыкты. Ал мөөнөтүнөн мурда, шарттуу түрдө бошотулганын Камоловдун адвокаты Хусанбай Салиев "Азаттыкка" билдирди. "Толук эркиндикке чыгышына дагы жети ай калган. Бишкек шаар сотунун 27-августтагы чечими менен эркиндикке чыкты. Калган мөөнөтүн үйүндө өтөйт". "Ас-Сарахси" мечитинин имамы, 43 жаштагы Рашод Камолов 2015-жылы, 9-февралда кармалган. Читать дальше...

Өзбекстандын Жогорку соту басмачылыкка жана антисоветтик аракеттерге айыпталган 115 адамды актады. Совет бийлигине каршы чыккан деген негизде камалган бул адамдар өлүм жазасына тартылган жана сүргүнгө айдалып, көпчүлүгү ошол жактан кайтпай калган. Бул иштер басмачылыкка карата эки ача көз карашка карабастан, талдоочулар Борбор Азияда басмачыларды актап, саясий реабилитацияга жол ачкан алгачкы учур болгонун белгилешти. Соттун соңку чечими Өзбекстандын Жогорку соту 25-августта 1923-1938-жылдары... Читать дальше...

Президент Садыр Жапаров бүгүн, 28-августта Баткен шаарында 36 турак жайдын курулушу менен таанышты. Мамлекет башчы кыргыз-тажик чек арасында куралдуу жаңжалда набыт болгон 36 адамдын жакындары үчүн курулуп жаткан үйлөр эки жума ичинде толугу менен бүткөрүлүп, ээсине берилерин билдирди. Аймактагы кабарчыбыздын маалыматына караганда, президент маркумдардын жакындарына көңүл айтып, чек ара маселесин чечүүгө Кыргызстан тарап даяр экенин, аракеттенип жатканын билдирди. Кыргыз-тажик чек арасындагы... Читать дальше...

АКШнын атайын кызматтары коронавирустун пайда болушу боюнча бир пикирге келе албаганы менен, вирус атайын биологиялык курал катары чыгарылбаганын ырасташты. Кытайдын лидерлери вирус тууралуу пандемия башталганга чейин кабардар болгон эмес. Бул тууралуу Associated Press агенттиги американын чалгын кызматынын иликтөөсүнө таянып жазды. Маалыматта айтылгандай, америкалык атайын кызмат иликтөөнүн отчетун жазууда союздаш өлкөлөр менен кеңешип, көз карандысыз эксперттер жана эпидемиологдор менен иштешкен. Читать дальше...

Перм облусунун Верещагин районунун үстүнөн маневрларды аткарып жатып, Су-24 бомбалоочу учагы кыйроого учурады. Бул тууралуу "Интерфакс" агенттиги ишенимдүү булагына шилтеме берип, жазды. Учкучтар учак күйүп, кулай баштаганда парашют менен секирип кетүүгө үлгүргөн. Учактын кыйроого учурашынын башкы себеби техникалык жабдуулардын биринин иштен чыгышы болгон. Буга чейин аскердик учак абада кезектеги машыгуу-көнүгүүлөрүн аткарып жатканда кырсыкка учураганы айтылган. Орусиянын Коргоо министрлиги учак ремонтко баратканын билдирди. Читать дальше...

Бишкек шаардык ички иштер башкармалыгы кайгуул-күзөт кызматкеринин огунан адам өлгөн окуя тууралуу түшүндүрмө берди. ШИИБдин басма сөз кызматы ок кокусунан атылып кеткенин маалымдоодо. Маалыматка ылайык, 27-август күнү, саат 21:30 чамасында Жибек-Жолу жана Гоголь көчөлөрүнүн кесилишинде ИИМдин кайгуул-күзөт башкармалыгынын экипажы каршы тилкеде келе жаткан автоунааны токтоткон. "Автоунааны айдап бараткан 32 жаштагы А. Ч. жол эрежесинин бузулганы жөнүндө протокол түзүлүп жаткан учурда тополоң кылып, документтерин калтырып кетип калган. Читать дальше...

Жакында өткөн Токиодо өткөн олимп оюндарында Кыргызстан алган үч медалдын экөө балбан кыздарга таандык. Ушундан улам кыз-келиндер күрөшү ушу тапта кызуу талкууда. “Эже-сиңделер” берүүсүндө бул жолу күмүш медалдын ээси Айсулуу Тыныбекова менен күрөштөгү балбан кыздар жана анын спорттук карьерасы тууралуу маектештик. Айсулуу кыргыз коомунда спортто жүргөн кыз-келиндерге жакындарынын колдоосу өтө маанилүү экенин белгиледи.