Новости за 20.12.2021

Президент Садыр Жапаровду Жалал-Абаддагы иш сапары учурунда жолдун эки тарабына тизилип, кол булгалап шаан-шөкөт менен тосуп алгандардын видеосу интернетке тарады. Түрдүү сын-пикир, талкууларга жем таштады. Президенттик администрация Барпы айылындагы бул көрүнүш териштирилерин, Жапаров бул сыяктуу демилгелерге каршы экенин билдирди. Кортеж өтүп бараткан учурда жол боюнда каз-катар тизилип, желек көтөрүп тургандардын видеосу президент Жапаровдун өткөн апта соңунда Жалал-Абад шаарындагы иш сапарында тартылган. Читать дальше...

Кыргызстандын жана Индиянын тышкы иштер министрлери Руслан Казакбаев менен Субраманьям Жайшанкар 19-декабрда Нью-Дели шаарында өткөн “Индия-Борбор Азия” диалогунун алкагында жолугушту. Бул тууралуу министрликтин басма сөз кызматы кабарлады. Сүйлөшүүлөрдүн жүрүшүндө министрлер ар тараптуу кыргыз-индия кызматташтыгын талкуулашты. Тараптар Кыргызстандын президенти Садыр Жапаровдун “Индия - Борбор Азия” саммитинин алкагында 2022-жылдын январында Индияга боло турган иш сапарына даярдыкты да сүйлөштү. Читать дальше...

Орусия Берлиндин өткөн аптадагы чечимине жооп кылып, Германиянын эки дипломатын өлкөдөн чыгарарын жарыялады. Бул тууралуу Орусиянын Тышкы иштер министрлиги 20-декабрда билдирди. "Германиянын Орусиядагы эки дипломатиялык кызматкери "персона нон-грата" деп жарыяланганы тууралуу немис элчисине кабар берилди", - деп айтылат билдирүүдө. Орус тарап бул кадам Германиянын "достукка жетпеген чечимине" жооп болгонун белгиледи. Бирок немис дипломаттары Орусиянын аймагынан качан чыгып кетиши керек экенин тактаган жок. Читать дальше...

Ислам кызматташтык уюмуна мүчө мамлекеттер Ооганстандагы гуманитардык кризистин алдын алуу үчүн атайын фонд түзүүнү макулдашты. Пакистанда 19-декабрда өткөн жыйында 57 мамлекеттин өкүлдөрү бир добуштан резолюция кабыл алышты. Мугалимден бут кийим тазалоочуга айланган Хадия Талибдер бийликке келгиче 43 жаштагы Хадия мектепте мугалим болуп иштечү. Учурда ал көчө боюнда ары-бери өткөндөрдүн бут кийимин тазалап акча табууга аргасыз. "Балдарымдын ачка экенине чыдабай, көчөгө чыктым. Үйгө оозубузга алганга наар жок", -дейт Хадия. Читать дальше...

Бишкектин абасында ыштын деңгээли кайра көтөрүлө баштады. Муну АКШдан келген изилдөөчү Раян Шмеддиң да белгилеп, аэропорттон түшкөндөн кийин эле аба начар экенин сезгенин айтып берди. Ал абалды жакшыртууга ар бир адам салым кошсо, бат натыйжа берет деп ишенет. Раян Шмеддиң - эколог-инженер, Канададагы Макгилл университетинин аспиранты, Түндүк Каролина университетинин магистри. Түндүк Америкада жана Эквадордо абанын булганышы жана анын элдин саламаттыгына таасири тууралуу изилдөөнүн автору. - Раян мырза, кандай максатта Бишкекке келдиңиз? Читать дальше...

Чилиде жекшембиде өткөн президенттик шайлоону 35 жаштагы солчул саясатчы Габриэл Борич жеңип чыкты. Ал жалпы добуштардын 56% алды. Анын атаандашы, ашкере-консерватор атыккан Хосе Антонио Каст добуштардын 46% ээ болду. Ал шайлоонун акыркы жыйынтыктары жарыяланганга чейин эле жеңилгенин моюнуна алды. 19-декабрдын кечинде башкалаа Сантьягодо миңдеген жарандар көчөгө агылып, Боричтин жеңишин майрамдап жатышты. Атаандаштык курч болгон президенттик шайлоонун экинчи айлампасынын жыйынтыгы менен... Читать дальше...

Иран эл аралык коомчулуктун талабына карабастан күрд тектүү саясий туткун Хейдар Горбанини өлүм жазасына тартты. Бул тууралуу Ослодо жайгашкан "Ирандагы адам укуктары" жана Франциядагы "Күрдстан адам укуктары түйүнү" уюмдары 20-декабрда билдиришти. Маалыматка ылайык, өлүм жазасы Горбанинин маселеси Жогорку Сотто каралып жатканына карабай, 19-декабрда таң эрте ишке ашырылган. Бул боюнча Горбанинин үй-бүлөсүнө да, адвокаттарына да маалымат берилген эмес. "Алар бизди алып барышып, Хейдардыкы деген мүрзөнү көрсөтүштү. Читать дальше...

Бишкектин админстративдик соту "Альянс" партиясы боюнча чечимди эртең, 21-декабрда чыгармай болду. Бул тууралуу Жогорку соттун басма сөз кызматы кабарлады. Сот партиянын Борбордук шайлоо комиссиясынын 15-декабрдагы 30% гендердик квота боюнча өзгөрткөн жобосуна каршы арызын эртең мененки саат 10до карап баштаган. Тыныгуу жарыяланып, кийинки отурум 21-декабрь, саат 13:00гө белгиленди. БШК 15-декабрда партиялык тизме менен шайланып келген талапкерлер арасында 30% гендердик квота кандай сакталары тууралуу жобосун өзгөрттү. Читать дальше...

"Кумтөр иши" боюнча суралып жаткан Кыргызстандын туңгуч президенти Аскар Акаев Москвага учуп кетти. Ага тергөөнүн дооматы жок экени, ал мындан ары өлкөгө эркин кирип-чыга ала турганы кабарланды. "Ата Мекен" партиясынын лидери Өмүрбек Текебаев менен УКМКнын мурдагы төрагасы Кеңешбек Дүйшөбаев 2010-жылдагы июнь окуясы боюнча Башкы прокуратурага сурак берди. Түркиянын он шаарында бир жума ичинде жасалма аракка ууланып каза болгондор 48 кишиге жетти. Алардын арасында мигранттар да бар.

Дүйнөлүк экономикалык форумдун 2022-жылдын январь айына белгиленген жылдык (жүзмө-жүз) жыйыны коронавирустун "омикрон" варианты жайылып жатканына байланыштуу кийинкиге жылдырылды. Бул тууралуу уюштуруучулар 20-декабрда билдиришти. "Жылдык жыйын Швейцариянын Давос шаарында 17-21-январь күндөрү өтөт деп белгиленген. Эми быйыл жайдын башына пландалды", - деп айтылат билдирүүдө. Ошол эле учурда форумдун "Дүйнөдөгү абал" аттуу талкуулары онлайн форматта мурда пландалгандай эле өткөрүлө берет. ... Читать дальше...

Бишкек шаарынын мурдагы мэри Азиз Суракматовго козголгон кылмыш иши тергелип бүтүп, сотко жиберилди. Бул тууралуу баш калаанын Биринчи май райондук сотунун басма сөз кызматы кабарлады. Расмий маалыматка караганда, алгачкы сот отуруму 27-декабрга белгиленди. Азиз Суракматов "коррупция" жана "мыйзамсыз баюуга" шек саналып, 2021-жылдын 26-майында кармалган жана соттун чечими менен эки айга атайын кызматтын убактылуу кармоочу жайына киргизилген. 16-июлда келтирилген зыяндын ордун толтуруу үчүн... Читать дальше...

Бишкекте жекшембиде Curltai Folk чыгармачыл жаштар тобу уюштурган төкмө акындардын эркин айтышы өттү. Айтыш өнөрүн көрармандарга жаңы форматта сунуштоого аракет кылган жаштар заманбап технологияларды колдонуу менен уюштурушту.

Октябрь окуялары боюнча айыпталып жаткан саясатчылар тергөөнүн жүрүшү менен макул эместигин билдирип чыгышты. Алар бир жыл мурдагы окуя боюнча сурала турган адамдар көп экенин, элдик толкундоолордун жардамы менен Садыр Жапаров бийликке келгенин айтып жатышат. Бийлик ал кезде чындап эле мамлекеттик башкарууну басып алууга аракет болгон деген жүйө келтирди. Айыпталуучулардын жүйөсү 17-декабрда октябрь окуялары боюнча кезектеги соттук териштирүү уланып, кийинки отурум 2022-жылдын 14-январына белгиленди. Читать дальше...

Теннис жылдызы Рафаэл Надал коронавирус жугузуп алганын, "жагымсыз учурду" баштан өткөрүп жатканын билдирди. Ал үйдө дарыланып жатканын, өзү менен байланышта болгон бардык адамдарга кабар берилгенин 20-декабрда Твиттерге жазды. 35 жаштагы испаниялык спортчу COVID-19га чалдыкканын өткөн аптада Абу-Дабиде теннис ойноп келгенден кийин жарыялап отурат. Ал алдыдагы турнирлерге катышары так эмес экенин ишарат кылды. "Мындай кырдаалдан улам менин графигим ийкемдүү болууга тийиш. Абалыма жараша варианттарды караштырам. Читать дальше...

Буту баспаган, тубаса майыптыгы бар Аманат Баратбаеванын аракети жана кыялы. Чек ара чырынын айынан жер которгон үй-бүлө. Карагай, арчанын көчөттөрүн өстүрүп, токой аянтын көбөйткөн Ат-Башынын токойчулары. Окуучуларын китеп менен гана чектебей, табиятка жана тарыхый жайларга экспедицияларды уюштурган Таластык мугалим.

Бишкектеги угуусу начар балдар окуган мектеп-интернатындагы 300дөн ашык окуучуга китеп жана арт-терапия үчүн 12 комплект кеңсе буюмдары берилди. Бул тууралуу “Сорос-Кыргызстан” фондунан кабарлашты. “Китептердин негизги мазмуну башталгыч класстын окуучуларына арналган. Андан тышкары психологиялык-педагогикалык колдоону уюштуруу жана жогорку класстын окуучуларынын арасында инклюзивдүү кесипке багыт берүү иш-чараларын өткөрүү боюнча усулдук мазмундагы китептерди да камтыйт. Ошондой эле үй-бүлөгө багытталган мамилени ишке ашырууга... Читать дальше...

17-декабрда Стамбул шаарынын администрациясы 22 киши жасалма аракка ууланып каза болгонун, алардын арасында түркмөнстандык жана өзбекстандык, жалпысынан 11 чет өлкөлүк бар экенин кабарлаган. Өлгөндөрдүн саны дүйшөмбүдө 48 кишиге жетти. Түрк маалымат каражаттары жасалма аракка ууланып каза болгондордун арасында Стамбул шаарында иштеген өзбекстандык 52 жаштагы Дилара Атажанова бар экенин жазышты. Маркумдун курбусу өзбекстандык Акгүл Кылыч жергиликтүү "Ихлас" кабар агенттигине, алар жашаган аймакта мигранттар жыш отурукташканын... Читать дальше...

Кошмо Штаттардын башкы эпидемиологу, Аллергия жана жугуштуу оорулар улуттук институтунун директору Энтони Фаучи коронавирустун "Омикрон" варианты тездик менен жайылып жатканын эскертти. Ал 19-декабрда америкалык NBC телеканалына курган маегинде АКШны оор апталар, балким айлар күтүп турганын айтты. "Бир жагдай айдан ачык. Бул штаммдын жайылуу мүмкүнчүлүгү адаттан тыш. Дүйнөнү бушайманга салып жатат. Кошмо Штаттарды карасак, айрым региондордо алгач саналуу гана адамдан табылып баштаса, эми бул сан 30-40... Читать дальше...

Айыл чарба министрлиги жана "Айыл Банк" 20-декабрда өкмөт үйүнүн астына нааразычылык акциясына чыккан дыйкандардын талабы тууралуу түшүндүрмө берди. Министрлик тараткан маалыматка караганда, дыйкандар айтып жаткан 14% үстөк менен берилген насыя банктын өзүнүн коммерциялык насыясы. Ал эми “Мамлизинг 6” долбооруна Финансы министрлиги каржы бөлө элек. Айыл чарба министрлиги ушул жылдын 6-октябрында дыйкан-фермерлер лизингге алчу техниканын наркынын 10% ашыгын төлөсө, "Айыл Банк" 4,5 %дан тарта лизингге каражат берчү долбоорду бекиткен. Читать дальше...

Ат-Башы районунун Ак-Өргө айылында 80дей үй-бүлө үлбүлдөп күйгөн жарык менен күн көрүүдө. Кыштактагы электр энергиясынын кубаты жакшы эмес. Суук түшкөнү алар көмүрдөн да каржалып турушат. Анткени элдин күнүмдүк тиричилиги от жаккан мешке байланган.

Тажикстандын Тоолуу Бадахшан автоном облусунун Рошткалин районунун жашоочусу, укук коргоо органдарынын ноябрь айындагы операциясында өлтүрүлгөн Гүлбиддин Зиёбековдун сөөгү кайра казылып алынып (эксгумация), кошумча экспертизадан өткөрүлдү. Анын туугандары “Озоди” радиосуна билдиргендей, соттук-медициналык эксперттер Зиёбековдун денесинде дагы эки ок калышы мүмкүндүгүн, мындан улам кошумча экспертиза керек экенин айтышкан. Агасы Интизор Зиёбеков сөөк 11-декабрда кайра казылып алынганын, буга... Читать дальше...

Республикалык “Сайма чемпионаты - 2021"  сынагынын жеңүүчүлөрү аныкталды. Бул тууралуу Маданият, маалымат, спорт жана жаштар саясаты министрлиги билдирди. Маалыматта иш-чара бүгүнкү күндөгү этно маданиятты жана кол өнөрчүлүктү даңазалоого багытталып, кыргыз саймаларынын ордун баалап, аны алып жүрүүчүлөрдү шыктандыруу жана керме сайма сайууну жандандырууга өбөлгө түзөрү айтылат. Чемпионатта өзгөчө саймасы жана чыгармачылыгы менен айырмаланып I орунду Эркайым Асанбекова, II орунду Кундуз Абдыкеева, III орунду Нургүл Жээнбекова ээлеген. Читать дальше...

Бишкектин Биринчи май райондук соту "Антошка" тез татым жайынын ээси А.Э.Карыпбековду Жазык Кодексинин 261-беренеси менен күнөөлүү деп таап, коомдук тамактануу тармагында иштөө укугунан эки жылга ажыратты. Бирок пробациялык көзөмөлдү колдонуу менен эркиндигинен ажыраткан жазадан бошоткон. Райондук соттун өкүмү 5-ноябрда чыккан. Бул тууралуу райондук соттун басма сөз кызматы билдирди. Сот Карыпбековду жабыркаган эки адамга 50 миң сомдон моралдык зыян төлөп берүүгө милдеттендирген. 2019-жылы 8-ноябрда... Читать дальше...

Казакстандын президенти Касым-Жомарт Токаев өз жарлыгы менен саламаттыкты сактоо министри Алексей Цойду кызматтан бошотту. Бул тууралуу президенттин басма сөз катчысы Берик Уали 20-декабрда социалдык тармактар аркылуу билдирди. Акордонун расмий сайтында министрдин эмне себептен иштен алынганы айтылган жок. Цойду бул кызматка Касым-Жомарт Токаев 2020-жылдын июнь айында коронавирус илдети күчөп турган кезде дайындаган. Алексей Цой 2014-жылдан бери саламаттыкты сактоо министринин орун басары,... Читать дальше...

Эл аралык космостук станцияда 12 күн өткөргөн жапониялык эки турист Юсаку Маэзава жана Ёдзо Хирано орусиялык космонавт Александр Мисуркин менен чогуу Жерге кайтып келишти. Алар отурган капсула Казакстанга ийгиликтүү конгонун, туристтик максаттагы "Союз МС-20" кемесинин каттамы аяктаганын "Роскосмос" 20-декабрда билдирди. АКШнын космостук агенттиги - НАСА да жапониялык жарандар менен космоско ушуну менен үч жолу учкан орусиялык астронавт Жерге кайтып барганын маалымдады. Космонавт Мисуркин,... Читать дальше...