Новости за 27.12.2021

Дүйнөдө геоясий кырдаал курчуп, эл аралык абал чыңалып турган чакта Борбор Азия аймагында ажырымга жол бербей, алаканы чыңдоо маселеси күн тартибине чыкты.

Бүгүн, 27-декабрда Талас шаарындагы соода борборлорунда иштеген ишкерлер көзөмөл кассалык аппарат (ККМ) киргизүүгө каршы акцияга чыкты. "Алтын Казык" соода түйүнүнө чогулган 20дай адам ККМ системасын киргизүүгө ишкерлердин деңгээли жете электигин, ал ишке кирсе товарлардын баасы да кымбаттай турганын айтып чыгышты. Мындан сырткары патент системасы менен иштөөнү калтырууну, жаңы Салык кодексин артка кайтарууну суранышты. "Былтыркы жылкы, андан мурун төрт жыл мурунку бааларды салыштыргылачы, баары кымбаттады. Читать дальше...

Көзөмөл кассалык аппаратын киргизүүгө каршы ишкерлердин нааразылык акциясы токтой элек. Алар өкмөт үйүнүн алдына 27-декабрда да митингге чыгып, Салык кодексинин жаңы редакциясын артка чакыртып алууну талап кылышты. Жогорку Кеңештин мурдагы депутаты, оппозициялык саясатчы Равшан Жээнбеков эркиндикке чыкты. Ал быйыл декабрда күчүнө кирген Жазык-процессуалдык кодексине ылайык тергөө абагынан бошотулду. Дүйнөдө коронавирустун “омикрон” штаммынан улам бир катар мамлекеттерде чектөөлөр күчөп атат. Соңку үч күндө эле 8300 авиакаттам токтотулду.

Ички иштер министрлигинин маалыматы боюнча, 2021-жылдын 11 айында Пакистандын жарандарына карата 63 кылмыш катталган. Алардын көбү уурулук жана алдамчылык менен байланыштуу. Бул тууралуу бүгүн, 27-декабрда өлкө аймагында чет элдик студенттердин коопсуздугуна байланыштуу өткөн кеңешмеде айтылды. Кыргызстандын Министрлер кабинетинин төрагасынын орун басары Эдил Байсалов Кыргызстанда 30,5 миңден ашуун чет элдик билим аларын белгиледи. "Республиканын аймагында 30 501 чет өлкөлүк жаран билим алууда... Читать дальше...

Быйыл Баткендин чек арага чектеш айылдары куралдуу жанжалды баштан өткөрдү. Кыргыз тажик чек арасындагы жаңжалда бир катар айылдарда 140тай үй күйүп, алардын ордуна жаңы имараттар курулду. Айрым айылдар кыйрап, кайрадан түптөлдү. Куралдуу жаңжалда Кыргызстандан 36, Тажикстандан 19 адам каза болду. "Данисте" берүүсү Баткендин Сада, Көк-Терек айылдарына барып, каза болгондордун жакындарына берилген "Мадина" шаарчасын кыдырып, алардын үнүн, кийинки жылга болгон үмүтүн угуп келди.

Кремлде 2024-жылдагы президенттик шайлоого даярдыктар башталганы жана бул тууралуу алдын ала талкуулар жайдан бери жүрүп жатканын РБК агенттиги ишенимдүү булактарына таянып  кабарлады. Учурда Владимир Путиндин талапкерлигин көрсөтүү сценарийи  талкууланууда. «Башка варианттар жок [учурда]», - деди бул агенттиктин маектештеринин бири. Ошол эле маалда ал басылмага азыркы учурда Путин өзү да талапкерлигин коюуну чече электигин билдирди. Президенттик шайлоо өнөктүгүнүн мүмкүн болуучу стратегиясы... Читать дальше...

БШК бүгүн, 27-декабрдагы жыйынында Биринчи май жана Свердлов округдарында кайра шайлоо өткөрүүнү 27-февралга белгиледи. Аны өткөрүүгө 18,5 миң сомго жакын каражат сарпталат. Бул тууралуу мекеменин басма сөз кызматы кабарлады. Анын ичинде 6 миң 200 сомдон ашыгыраагы БШКнын чыгымдары, калган 12 миң 200 сомдон ашыгы округдарга бөлүнөрү көрсөтүлгөн. 28-ноябрдагы парламенттик шайлоодо Биринчи май жана Свердлов бир мандаттуу округдарында "баарына каршы" добуш бергендер көп болгон. Мыйзамга ылайык, мындай учурда кайрадан шайлоо жарыяланат. Читать дальше...

Ушул жылдын башынан бери Кыргызстанда 1862 үй-бүлөлүк зомбулук фактысы ички иштер органдарында катталды. Бул өткөн жылга салыштырмалуу 55 фактыга азыраак. Бул тууралуу ички иштер министри Улан Ниязбеков Министрлер кабинетинин жыйынында билдирди. ИИМдин басма сөз кызматы 27-декабрда тараткан маалыматка караганда, жыл ичинде өлкө аймагында милициянын 50 кабыл алуу пункттары иштеп, 25 миңдей жаран менен жолугушууларды өткөргөн. Укук коргоо органдарынын кызматкердери жети миңдей кайрылуу жана арыздарды карашты. Читать дальше...

Түркиянын Көрфез шаарында Ичкериянын биринчи президенти Жохар Дудаевдин эстелиги коюлган парктын тегеригинде саясий чыңалуу күч алды. Чеченстандын жетекчиси Рамзан Кадыров Анкараны террорчуларды калкалап жатат деп айыптаса, Кремл Кадыровду колдоп, дипломатиялык алаканы эскертти. 10-декабрда Түркиянын Көрфез шаарында Жохар Дудаевге эстелик коюлуп, анын атындагы парк ачылган. Ачылыш аземге бийликтеги Ак партиянын мүчөсү мэр Шенер Сегют да катышкан. Ал Дудаевди "кыйын колбашчы" деп атаган. 14 гектар... Читать дальше...

Дин жөнүндө иштелип чыккан жаңы мыйзамдын долбоору жалпы элдик талкууга коюлушу учурдагы эң олуттуу жана жооптуу иш-чаралардын бири деп айтса болот. Анткени көп улуттуу мамлекетибиздин ар тараптан өнүгүп өсүүсү, стабилдүүлүгүнүн бекем болушу жалпы элдин 90 пайыздан ашуунун мусулмандар түзгөн өлкөдөгү диндердин жана алардын өкүлдөрүнүн достук-ынтымагына, бири-бирине жасаган урмат-сыйына көз каранды. Демек, жалпы элдик талкуудан кийин кабыл алына турган бул мыйзам келечектеги жашоо турмушубузда ошондой пайда келтирет... Читать дальше...

Бишкектеги "Ысык-Көл" мейманканасынын бузулушун айрым оппозициячыл саясатчылар "тарыхый имаратты талкалоо" катары баалап, бийликти сындап жатышат. Шаардын түштүк ыптасында советтик доордо салынган, мамлекеттик резиденцияга жакын турган конок үйү көп жылдардан бери кароосуз калган. "Ысык-Көл" мейманканасын бузуу иштери башталганы социалдык тармактарда кызуу талкууга жем таштады. Сындагандар "тарыхый имаратты талкалоо" катары бааласа, колдогондор "конок үйү каралбай калганын" айтып, ордуна жаңы имарат тургузууну эп көрөт. Читать дальше...

Коронавирустун "омикрон" штаммынан улам ар кайсы мамлекеттерде чектөөлөр күчөп атат. Кытайда 13 миллион калкы бар Сиань шаары толук жабылды. Монголияда вакцинанын үчүнчү дозасы менен эмдөө өнөктүгү кызуу жүрүүдө. Монголияда дарыгерлер талааларды кыдырып, малчыларга коронавируска каршы вакцинанын үчүнчү дозасын сайып жүрүшөт. Үч миллион калкы бар мамлекет вакцинацияга өзгөчө көңүл буруп келет. Монголдордун 90% вакцинанын эки дозасы сайылган. Алыстагы малчылар гана жол алыстыгынан улам үчүнчү дозаны ала албай келгенин айтышууда. Читать дальше...

Аскат Букарбаев менен Гулжамал Тынысбек кызы ар кандай формадагы самындарды жасап сатышат. Алар бул чакан бизнесин майыптыгы үчүн алган 4000 сом пенсиясын бириктирип башташкан. Азыр иши кандай жүрүп жатат, майрамдын алдында кардарлары көбөйдүбү - видеодон көрүңүз.

Чек арадагы кырдаалды туруктуу кармоо максатында Кыргызстандын Баткен районунун акими Учкунбек Жоробаев менен Тажикстандын Исфара районунун төрагасы Баховадин Баходирзадо жолукту. Жолугушууда эки тараптын милиция кызматкерлери буга чейинки окуяларды биргелешип иликтөө, чагымчылдык аракеттерди алдын алуу үчүн чараларды көрүү боюнча макулдашканы кабарланды. “Албетте, чек арада жакын күндөрү болуп кеткен окуяларды талкуулап, жолдо бараткан автоунааларга таш аткандарды биргелешип иликтөөнү макулдаштык. Читать дальше...

Украинада Коргоо министрлигинин аскер жашындагы ар кандай кесиптеги эркектер менен бирге эле аялдарды дагы жашаган дареги боюнча аскердик каттоодон өтүүгө милдеттендирген буйругу күчүнө киргени кабарланды. Ага ылайык, жалпысынан 35 адистиктеги жүздөгөн кесиптин өкүлдөрү, анын ичинде менежерлер, искусство таануучулар, журналисттер, юристтер, ашпозчулар, фармацевттер, музыканттар, мейманкана жана ресторан адистери аскердик кызматка тартылат. Иш жүзүндө бул тизме эркектер менен катар аялдар иштеген бардык тармактарды ичине камтыйт. Читать дальше...

Британиянын коопсуздук министри Дэмиан Хайндс Орусияны Кытай жана Иран менен бирге анын өлкөсүнө коркунуч туудурган эң кас үч мамлекеттин катарына киргизди. Бул тууралуу саясатчы The Daily Telegraph гезитине курган маегинде билдирди. Хайндс чет элдик чалгын кызматтарына каршы күрөш боюнча британ мыйзамдарын жаңылоо зарылдыгын белгиледи. Министр улуттук коопсуздук боюнча мыйзамдын кээ бир жоболорундагы ченемдер дээрлик 100 жылдан бери жаңыланбай, эскирип калганын кошумчалады. Буга чейин MI-6... Читать дальше...

Орусиянын Тышкы иштер министрлиги НАТОнун баш катчысы Йенс Столтенберг НАТО - Орусия кеңешинин жыйынын январь айында өткөрүүнү сунуштаганын ырастады. Бирок Кремл ага катышаар-катышпасын азырынча чече элек. "Биз муну караштырып жатабыз", - деп билдирди 27-декабрда Кремлдин басма сөз катчысы Дмитрий Песков. Ошол эле кезде орусиялык ТАСС маалымат агенттиги бул жолугушуунун форматы жана делегациянын курамы талкууланып жатканын Орусиянын тышкы иштер министринин орун басары Александр Грушкого таянып билдирди. Читать дальше...

Санариптик өнүктүрүү министри Дастан Догоев кызматтан кетти. Бул тууралуу "Азаттыкка" өздүк булактар кабарлады. Маалыматка ылайык, Догоев кызматтан кетүү тууралуу өзү арыз жазган. "Азаттык" Догоев менен байланышкан учурда бул маалыматты төгүндөөдөн да, ырастоодон дагы баш тартты. Бул боюнча президенттик администрация комментарий бере элек. 35 жаштагы Догоев буга чейин Мамлекеттик каттоо кызматынын, Маалыматтык технологиялар жана байланыш мамлекеттик комитетинин төрагасы болгон. Быйыл майда санариптик... Читать дальше...

Европадагы ири токойду кимдер жок кылган? НАСАнын атайын миссиясы күндү изилдөөдө чоң секирик жасады. Кытайда динозаврдын эмбриону табылды. Акыркы аптадагы илим жаңылыктарынын топтомун сунуштайбыз. Неандерталдар жаратылышты кантип өзгөрткөн? Мындан 10 миң жыл мурда жашаган адамдар бак-дарактарды кыюу менен түздүктөрдү кеңейткени белгилүү. Бирок, Нидерланддагы Лейден университетинин археологдору жүргүзгөн изилдөө токойлорду кыюу аёосуз болгонун көрсөттү. Археологдордун айтымында, 125 миң жыл... Читать дальше...

Адам уурдоонун курмандыгы болгон Айзада Канатбекованын апасынын адвокаты Нурбек Токтакунов Башкы прокуратуранын соңку билдирүүсүн сынга алды. Анын айтымында, Айзаданын өлүмү боюнча «Шалаакылык» беренеси боюнча козголгон кылмыш иши таптакыр алга жылбай, эч ким жоопкерчиликке тартылбай жатат. «Прокуратуранын бул иш өзгөчө көзөмөлдө дегени калп. Себеби, бул иш боюнча шалаакылык  болгону баарына белгилүү. Бул иш боюнча кызмат адамдары, фигуранттар белгилүү. Ошону эле карап, таразалап, ким шалаакылык кылды деп туруп бир чечимге келиш керек болчу. Читать дальше...

Чеченстандын башчысы Рамзан Кадыров Украина Орусиянын курамына кошулушу керектигин айтып чыкты. Анын Грозныйдагы маалымат жыйынында айткан  билдирүүсүн орусиялык "РИА Новости" маалымат агенттиги жазып чыкты. "Украина биздин өлкөгө кошулушу керек, бул - биздин аймак", - деген Кадыров, эгер ага бул маселени чечүү  тапшырмасы берилсе,  эчак эле аткармактыгын, бирок "мамлекеттик келишимдер" тоскоол болуп жатканын билдирген. Кадыровдун билдирүүсү Орусия менен Украинанын чек арасындагы кырдаал курчуган учурда айтылды. Читать дальше...

"Ысык-Көл" мейманканасынын ордуна мамлекеттик маанидеги административдик комплекс курулат. Бул тууралуу президенттик администрациядан кабарлашты. Анда "Ысык-Көл" мейманканасынын таржымалына токтолуп, 37 жыл мурун курулган имарат 2007-жылдан бери таптакыр колдонулбай калганы белгиленет. Администрациянын маалыматында, имаратты сактап калуу үчүн инвесторлор менен сүйлөшүүлөр жүрүп, андан майнап чыккан эмес. "Каражаттарды рационалдуу пайдалануу, унаа жолдорун бошотуу жана борбордун эстетикалык көрүнүшүн... Читать дальше...

АКШнын НАСА космостук агенттиги "Жеймс Уэбб" телескобун космоско учурду. Бул жабдуу Франциянын Гвиана аймагындагы Куру космодромунан учурулду. Аталган аппарат аалам мейкиндигин  инфракызыл жана оптикалык диапазондо изилдеп, бул галактикалардын эволюциясы жөнүндө көп нерсени ачып бере турганы айтылды. Мындан тышкары, "Жеймс Уэбб" алыскы планеталардын атмосферасын изилдейт. Бул маселе илимпоздор үчүн алардын жашоого ылайыктуу экенин түшүнүүгө жардам берет. Төрт жуманын ичинде телескоп жерден... Читать дальше...

Борбордук шайлоо комиссиясы Кыргызстандагы бир мандаттуу 33 шайлоо округу боюнча добуш берүүнүн жыйынтыгын бекитти. Бул тууралуу шайлоо комиссиясынын 27-декабрдагы жыйынында белгилүү болду. "Баарына каршы" көп добуш берилген Биринчи май жана Свердлов округдарындагы добуш берүүнүн жыйынтыгын БШК жараксыз деп тапты. Бул округдарда 2022-жылдын 27-февралында кайра шайлоо өтөт. Ошондой эле Чүй-Токмок округундагы добуш берүүнүн жыйынтыгы бекитиле элек. Бул округдан алдыга чыккан Медербек Саккараевдин... Читать дальше...

Бишкектеги Биринчи май жана Свердлов округдарында кайра шайлоо 27-февралда өтөт. Бул тууралуу Борбордук шайлоо комиссиясынын бүгүнкү жыйынында белгилүү болду. Шайлоо комиссиясынын мүчөлөрү добуш берүүгө даярдыкты баштоо чечимин кабыл алды. 28-ноябрдагы парламенттик шайлоодо Биринчи май жана Свердлов бир мандаттуу округдарында «баарына каршы»  добуш бергендер көп болгон. Мыйзамга ылайык, мындай учурда кайрадан шайлоо жарыяланат.