Новости за 24.01.2022

ИИМ баңгизат колдонууга айыптап, кармап кайра бошоткон иликтөөчү журналист Болот Темиров менен төкмө акын Болот Назаров “Азаттыктын” суроолоруна жооп берди.

Кошмо Штаттардын президенти Жо Байден 24-январдын кечинде Европанын лидерлери менен видео конференция аркылуу сүйлөшүп, Орусия менен Украинанын ортосундагы чыңалууну талкуулаганы жатат. Бул тууралуу Ак үйдүн басма сөз кызматы билдирди. Маалыматка ылайык, Байден менен Европа комиссиясынын президенти Урсула фон дер Ляйен, Европа кеңешинин президенти Шарль Мишель, немис канцлери Олаф Шольц, Италиянын премьер-министри Марио Драги, НАТОнун баш катчысы Йенс Столтенберг, Польшанын президенти Анжей Дуда... Читать дальше...

Climate Action Network аттуу климаттын өзгөрүүсүнө багытталган уюмдун Чыгыш Европа, Кавказ жана Борбор Азия боюнча координатору Ольга Бойко Кыргызстанда Орусиянын "Росатом" ишканасынын атомдук электр станциясын курууга багытталган долбоорун сындады. "Биздин уюм аймакта жана дүйнөдө атомдук энергетиканы колдонууну колдобойт. Борбор Азияда "Росатом" корпорациясынын АЭС курууга умтулуусу саясий гана максатты көздөйт. Бул аймакта кургакчылык өкүм сүрүп, дарыялар соолуп баратат. Климат өзгөргөн сайын таза суу азайып жатат. Читать дальше...

Диний идеологияны жетимиш жылдан ашуун ооздуктаган коммунисттик идеология аста-секин ичинен ирип кыйрагандан кийин, тышкы жана аларга таянган ички күчтөр көпчүлүгү мусулман элдер жашаган Орто Азия республикаларында совет доорунда түптөлгөн светтик түзүлүштүн ордуна халифат орнотуу планын ишке ашырууга шымаланышкан. Мындай тарыхый учурду көп жылдардан бери күтүп жүргөн диний идеологдор бул планды ишке ашырууну тээ союз доорунда эле кайдыгерликтин кесепетинен көз көрүнөө диндешип кеткен Тажикстандан баштап көргөнү коомчулукка маалым. Читать дальше...

Түркиядагы аба ырайына байланыштуу Стамбул эл аралык аэропортундагы бардык аба каттамдары убактылуу токтотулду. Бул тууралуу аэропорттун басма сөз кызматы "Твиттер" аркылуу билдирди. "Түрк аба жолдору" да Стамбул аэропортундагы бардык иш-аракеттерин 25-январь саат 4:00гө чейин токтотууну чечкенин авиакомпаниянын басма сөз кеңешчиси Яхя Үстүн "Твиттерге" жазды. Анда Стамбул шаарында кар жана ызгаардуу бороон күч алганы, мындай чечим жүргүнчүлөрдүн коопсуздугун камсыз кылуу максатында кабыл алынганы айтылат. Читать дальше...

Пианист Викрам Рузахунов Казакстанда кармалган маалда катуу сабалганын билдирди. Ал ушул тапта Бишкекте дарыланып жатканын, үч жолу оорукана алмаштырганын айтты. Бишкек, Токмок, Кант шаарларында иштеген айрым ишкерлер көзөмөл кассалык аппаратын орнотууга каршы нааразылык акцияга чыгышты. Иликтөөчү журналист Болот Темиров менен төкмө акын Болот Назаровду колдоп тынч митингге чыккан эки активистти милиция кармап кетип, 24-январда таңга маал коё берди. ​

Ооганстанда талибдер хижаб кийүүгө каршы тынч митингдерди кууп таратып, журналисттерге кол сала баштады.  Өткөн аптада Кабулдагы үйүндө ооган журналистине ырайымсыз кол салуу болду. Андан ары карай талибдер үймө-үй кыдырып, аялдардын укугун коргогон митингдердин уюштуруучуларын издеп, эки демонстрантты камакка алганы кабарланды. Ошол эле кезде Ослодо Ооганстандагы гуманитардык кризис жана адам укуктары боюнча сүйлөшүүлөр башталды. Акивисттерди түн ката издеген талибдер Өткөн аптада Ооганстандын... Читать дальше...

"Сыябан" подкастынын коногу - СССРдин, Кыргыз Республикасынын эл артисти, Токтогул атындагы мамлекеттик сыйлыктын лауреаты Самара Токтакунова. Ал өнөрүнө, жакшы көргөн комузуна жана тагдырына байланыштуу кызыктуу окуяларды айтып берди. Маекти Бурулкан Турдубек кызы сунуш кылат.

Германиянын түштүк-батышындагы Гейделберг шаарындагы университеттин лекция өтүлүүчү залында куралчан адам ок чыгарды. Андан бир нече киши жаракат алганы кабарланууда. Полиция 24-январдагы окуядан кийин ок аткан киши каза тапканын учкай билдирди. Бирок бийлик ал кандай шартта өлгөнүн, канча киши, кандай жараат алганын так айта элек. Германиядагы DPA жаңылыктар агенттиги жана Bild гезити куралчан киши өзүн-өзү өлтүргөнүн маалымдашты. Коопсуздук кызматынын өкүлдөрүнүн баштапкы маалыматына ылайык... Читать дальше...

Пакистанда 55 жаштагы судья Айеша Малик 24-январда ант берип, Жогорку Соттун судьясы кызматына киришти. Анын антын башкы судья Гулзар Ахмад кабыл алды. "Мен судья Айеша Маликти Жогорку Соттун алгачкы аял судьясы болушу менен куттуктайм", - деп жазды "Твиттерге" Пакистандын премьер-министри Имран Хан. АКШда билим алып келген Малик Пакистандын чыгышындагы Лахор шаарында 20 жылдан бери судья болуп иштеп келген. Маликти жаңы кызматка дайындаган тогуз мүчөдөн турган кеңеш былтыр анын талапкерлигин четке кагып койгон. Читать дальше...

Иликтөөчү журналист Болот Темиров мене төкмө акын Болот Назаров кабылган окуя боюнча "Бир дүйнө - Кыргызстан" укук коргоо уюму Жогорку Кеңештин төрагасы Талант Мамытовго кайрылуу жолдоду. Анда Temirov Live редакциясынын кеңсесине атайын багыттагы аскерлер менен бастырып кирүү, каршылык көрсөтпөгөн журналисттерди жерге көмкөрөсүнөн жаткырып, кеңседеги компьютерлердин алынып кетишинин мыйзамдуулугун парламенттик көзөмөлгө алуу керектиги айтылган. “Кыргызнефтегаз" мамлекеттик ишканасынын мазутту экспортоо иштерин иликтөө да сунушталган. Читать дальше...

Министрлер кабинетинин төрагасы Акылбек Жапаров 24-январда Кыргызстанга сырттан келе турган мигранттарга бөлүнчү квотага байланыштуу буйрукка кол койду. Бул тууралуу улуттук "Кабар" агенттиги маалымдады. Буйрукка ылайык, быйыл чет элдик мигранттарга 16,6 миң орун берилет. Чет жактан келчү эмгек мигранттарына эң көп муктаждык баш калаа Бишкекте болуп, жалпы 7850 орунду түздү, экинчи орунда 3400 орун менен Жалал-Абад облусу турат. Кыргызстанга акыркы жылдары коңшу Тажикстан, Өзбекстандан эмгек мигранттары келип... Читать дальше...

НАТО өз аскерлерин күжүрмөн даярдыкка келтирип, Чыгыш Европага кошумча аскердик кемелерди жана учактарды жөнөтүп жатат. Бул тууралуу уюмдун баш катчысы Йенс Столтенберг 24-январда билдирди. "НАТО бардык өнөктөштөрдү коргоо үчүн керектүү чараларды көрүүнү улантууда. Анын ичинде альянстын чыгыш бөлүгүн күчтөндүрүү аракеттери бар", - деп белгиленген Столтенбергдин билдирүүсүндө. Маалыматка ылайык, альянс Балтика деңизиндеги аскердик күчтөрүн бекемдеп жатат. Уюмга мүчө айрым мамлекеттер аскерлерин... Читать дальше...

Иликтөөчү журналист Болот Темиров жана төкмө акын Болот Назаровдун окуясы жалпы журналисттердин ишмердүүлүгүндөгү укук жана коопсуздук маселесин күн тартибине чыгарды. Ал ортодо ички иштер министри Улан Ниязбеков аларды кармоо жана жүрүп жаткан териштирүүлөр боюнча билдирүү таратты. Ички иштер министринин билдирүүсү "Бишкек шаарынын тургуну мекемеге арыз менен кайрылып, Болот аттуу жигит 2021-жылдын 25-октябрынан бери өзүн жана досторун баңгизат колдонууга мажбурлап жатканын, Бишкектеги Лонгвиненко... Читать дальше...

Бириккен Улуттар Уюмунун Азык түлүк жана айыл чарба программасы өлкөдөгү токойлор менен жайыттарды калыбына келтирүү, климаттын өзгөрүүсүнө ыңгайлашуу үчүн Кыргызстанга 29 миллион доллардан ашуун грант берет. Бул тууралуу 24-январда Жогорку Кеңештин Эл аралык иштер, коопсуздук жана миграция боюнча комитетинин жыйынында айыл чарба министринин орун басары Нурлан Шерипбаев билдирди. "Гранттын жалпы суммасы 29 миллион 900 миң доллар, долбоордун мөөнөтү жети жыл. Жыйынтыгында Кыргызстандагы алты миң гектар токой... Читать дальше...

Милиция иликтөөчү журналист Болот Темиров менен төкмө акын Болот Назаровду колдоп, тынч митингге чыккан Нургазы Шайлообеков менен Айбек Назаркуловдун кармалып, кайра коё берилиши боюнча түшүндүрмө берди. Ленин райондук ички иштер башкармалыгынын басма сөз кызматы тараткан маалыматка караганда, активисттер Бишкектин Чүй проспектиси менен Бейшеналиев көчөлөрүнүн кесилишинде катталган мушташка байланыштуу кармалышкан. "Коомдук тартипти бузгандар милиция бөлүмүнө жеткирилген. Факт маалыматтарды каттоо журналына киргизилген. Читать дальше...

Ички иштер министри Улан Ниязбеков иликтөөчү журналист Болот Темиров менен төкмө акын Болот Назаровду кармоо жана ага карата жүрүп жаткан териштирүүлөр боюнча билдирүү таратты. Анда министр "Бишкек шаарынын тургуну мекемеге арыз менен кайрылып, Болот аттуу жигит 2021-жылдын 25-октябрынан бери өзүн жана досторун баңгизат колдонууга мажбурлап жатканын, Бишкектеги Лонгвиненко көчөсүндөгү 55-үйдө жайгашкан кеңседе маңзаттарды колдонууга көндүрүү болуп, ага карата мыйзам чегинде чара көрүп берүүнү суранганын жазды", - деп билдирди. Читать дальше...

Казакстандын Алматы шаарындагы башаламандыктарда кармалып, катуу сабалган кыргызстандык жаран Чолпонбек Сыдыковго 1-2 күн ичинде операция жасалат. Бул тууралуу анын дарыгери, Бишкектеги Травматология жана ортопедия борборунун бөлүм башчысы Убайдилла Насиров "Азаттыкка" билдирди. Анын сөзүнө караганда, Сыдыковдун сынган буттарына Казакстанда гипс гана салынган: "20-январь күнү Алматы шаарынан "Тез жардам" менен алып келинген Чолпонбек Сыдыковдун абалы оор болчу. Жандандыруу бөлүмүнө жаткырганбыз. Читать дальше...

Кыргызстандын Жогорку соту 12 жыл мурунку адам өлүмү боюнча ишти кайра кароону Майлуу-Суу шаардык сотуна жиберди. Анда 19 жаштагы жигитти өлтүрүүгө шектүү үч адамдын бири - аты-жөнүн өзгөртүп алып, Орусияда жүргөн жеринен кармалган адамга карата шаардык жана облустук соттордун өкүмдөрү жокко чыгарылган. Маркумдун жакындары күнөөлүүлөрдүн толугу менен жазасын алышын талап кылууда. Айыпталып жаткан тараптан комментарий алууга мүмкүн болгон жок. "Уулум ур-тепкиден өлүптүр" Майлуу-Сууда 2010-жылы... Читать дальше...

Улуу Британия менен АКШ Киевдеги айрым дипломаттары Украинадан чыгып кетерин жарыялашты. Британиянын Тышкы иштер министрлиги Киевдеги британ элчилигинин айрым кызматкерлерин жана алардын үй-бүлө мүчөлөрүн чыгарып кетүү чечими "Орусиядан коркунуч көбөйүп жатканына" байланыштуу кабыл алынганын 24-январда билдирди. Андан бир күн мурда АКШнын Мамлекеттик департаменти Киевдеги элчиликте иштеген дипломаттардын үй-бүлөлөрүнө өлкөдөн чыгып кетүүнү сунуштаган. Департаменттин расмий өкүлү Орусия украин... Читать дальше...

Жогорку Кеңештин Эл аралык иштер, коргоо, коопсуздук жана миграция боюнча комитети Кыргызстандын Сауд Арабиядагы элчиси кызматына мурдагы премьер-министр Улукбек Мариповдун талапкерлигин бир добуштан колдоду. Депутаттар экономикалык байланыштарды арттыруу, туристтердин агымын көбөйтүү сыяктуу сунуштарды айтышты. 43 жаштагы Улукбек Марипов 2021-жылдын февраль айынан октябрга чейин өкмөттү жетектеген. Сауд Арабиядагы азыркы элчи Абдилатиф Жумабаев 2019-жылдан бери иштейт. Кыргызстан менен... Читать дальше...

2017-жылдын 16-январында Бишкектин четиндеги "Манас" эл аралык аба майданынын жанындагы Дача СУ конушунда учак кыйраган. Каргашада 35 жергиликтүү тургун жана төрт учкуч курман болгон. Дача СУдагы кырсыктан кийин "Манас" аэропортунун айланасындагы калктуу конуштардын маселеси көтөрүлгөн. Бирок аэропорттун аймагына канаатташ конуштарда эл кайра көбөйүп баратканын көрүүгө болот. "Данисте" берүүсү бул жолу Дача Сунун азыркы турмушун көргөзөт.

Жогорку Кеңештин Эл аралык иштер, коргоо, коопсуздук жана миграция боюнча комитети Кыргызстандын Украинадагы элчиси кызматына Улуттук коопсуздук боюнча мамлекеттик (УКМК) комитетинин мурдагы төрагасы Идрис Кадыркуловдун талапкерлигин колдогон жок. Депутаттар Кадыркуловдун УКМК жетекчилигинен кеткен себебин, атайын кызматты жетектеп тургандагы аракеттери, Украинадагы кыргызстандыктар, ал жакта билим алган студенттер тууралуу суроо беришти. Эл өкүлү Айбек Осмонов элчилик кызматка артынан жаман сөз ээрчибеген... Читать дальше...

Америка Кошмо Штаттары Кыргызстанга 149 760 доза Pfizer вакцинасын берди. Бул тууралуу Кошмо Штаттардын Кыргызстандагы элчилиги билдирди. Вакцинаны жеткирүү эл аралык COVAX программасынын алкагында ишке ашкан. "Коопсуз жана натыйжалуу вакциналардын болушу пандемияны токтотуу үчүн абдан маанилүү. Бул вакциналар кыргызстандыктардын өмүрүн коргоого жана вирустун жаңы кооптуу штаммдарынын жайылышын алдын алууга жардам берет деп ишенем”, - деди АКШнын убактылуу ишенимдүү өкүлү Соната Коултер. Саламаттык... Читать дальше...

Казакстанда январь окуялары маалындагы кыйноо фактылары боюнча сотко чейинки жети иш катталды. Бул тууралуу 24-январда өлкөнүн Ички иштер министрлигинин расмий өкүлү Нурдилда Ораз билдирди. Анын айтымында, кыйноого байланыштуу дагы 20дай иш боюнча кызматтык иликтөө башталды. Ушул тапта Казакстанда январь айынын башындагы нааразылык жана башаламандыктан кийин кармалган 711 адам камакта отурат. Эки күн мурда өлкөнүн Башкы прокуратурасы январь окуясына байланыштуу 819 кылмыш иши тергелип жатканын... Читать дальше...