Новости за 10.06.2022

Бүгүн 10-июнда Токмоктогу Борбор Азия эл аралык университетинин жаңы имаратынын курулушу башталды. Имараттын пайдубалын түптөө салтанатына Министрлер кабинетинин төрагасы Акылбек Жапаров жана билим берүү жана илим министри Алмазбек Бейшеналиев катышты. Өз сөзүндө өкмөт башчы Кыргызстандын келечеги билим берүү тармагында экенин белгилеп, университеттин жамаатына жана студенттерине ак жол каалады. Университеттин академиялык маселелер боюнча вице-президенти Айгүл Калчакеева “Азаттык” радиосуна билдиргендей... Читать дальше...

Жогорку соттун судьялары эл алдында сүйлөөдө коркуу сезимин башкаруу, сөз байлыгын байытуу, уккулуктуу үндү калыптандыруу ыкмаларын үйрөнүп жатышат. Бул тууралуу мекеменин басма сөз кызматы билдирип, бул боюнча эки күндүк тренинг башталганын кабарлады. Жогорку соттун төрагасы Замирбек Базарбеков соттор өз оюн жатык тил менен түшүндүрө албай жатканын айтты. “Соттордун көбү, юристтер, мамлекеттик айыптоочулар жеткиликтүү, түшүнүктүү, ынанымдуу сүйлөгөндү билишпейт. Мындай учурлар айрыкча соттордун ишмердигинде байкалат. Читать дальше...

Бишкектин Биринчи май райондук соту Кесиптик кошуундар федерациясынын мурдагы жетекчиси Мирбек Асанакуновду үй камагына чыгарды. Райондук сот мындай токтомду 6-июнда кабыл алган. Улуттук коопсуздук боюнча мамлекеттик комитет (УКМК) Кесиптик кошуундар федерациясынын мурдагы жетекчиси жана анын орун басары коррупцияга шек саналып кармалганын 2-июнда билдирген. Атайын кызматтын маалыматы боюнча, алар 5 млн. 756 миң 700 сомдук ишенип берилген мүлктү ыйгарып алган. Иш Кылмыш-жаза кодексинин “Коррупция” беренеси менен козголуп... Читать дальше...

Бүгүн 10-июнда “Ата-Бейит” улуттук тарыхый-мемориалдык комплексинде залкар жазуучу Чыңгыз Айтматовду эскерүү иш-чаралары өттү. Улуттук илимдер академиясынын Чыңгыз Айтматов атындагы Тил жана адабият институту бул күндү утурлай маданий программа даярдаган. Анда жазуучунун чыгармаларынан үзүндүлөр көркөм окулуп, мектеп окуучулары өнөрлөрүн тартуулашты. Иш-чарага мамлекеттик жана коомдук ишмерлер, акын-жазуучулар, изилдөөчүлөр, окурмандар жана Айтматовдун үй-бүлөсү катышты. Улуу жазуучу Чыңгыз... Читать дальше...

Ысык-Көлдүн Жети-Өгүз районунда жапайы тоо текелердин кырылышына тоолорго кар калың жаагандыктан табигый тоюттун жоктугу себеп болгонун 10-июнда “Азаттык” радиосуна Жаратылыш ресурстары, экология жана техникалык көзөмөл министрлиги билдирди. Мекеменин баштапкы маалыматына караганда, Кумтөр алтын кени жакта 11, Сарычат-Эрташ мамлекеттик коругунун аймагында 24, жалпысынан 35 тоо текенин өлүгү табылды. Кар эрип, жол ылай болгондуктан башка жерлерди карап чыгууга мүмкүнчүлүк болбой жатканы, алардын... Читать дальше...

10-июнда Жогорку Кеңештин алдына журналисттер Махинур Ниязова, Айгүл Сторожук жана жарандык активист Умай Арыкова депутат Шайлообек Атазовго каршы пикет өткөрүштү. Алар миграцияга кетип жаткан кыздар тууралуу депутаттын парламент жыйынында айткан сөзүн кескин сындап, Шайлообек Атазовдон мандатын тапшырууну талап кылышты. Депутат Атазов Жогорку Кеңештин 9-июндагы отурумунда 18-20 жаштагы кыздарды миграцияга ата-энеcинин коштоосу менен же күйөөгө чыккандан кийин гана жиберүүнү сунуш кылган. Социалдык... Читать дальше...

Конституциялык сот тергөө амалдарын ачыкка чыгарууга жол бербөө ченеми "жарым-жартылай Баш мыйзамга каршы келет" деп тапты. Сот мыйзам менен атайын корголгон, адам укугуна, тергөөнүн мыйзамдуу кызыкчылыгына доо кетирбеген маалыматтардан башкалары ачык жарыяланышы мүмкүн экенин белгиледи. Сотко кайрылган тарап бул ченем жарандардын укугун чектөө үчүн колдонуларын билдирген. Баш мыйзамга каршы келген ченемдер Конституциялык сот 8-июнда “Медиа полиси” бейөкмөт уюмунун юристтери Акмат Алагушев... Читать дальше...

“Акыркы коңгуроо” салтанатына арналган иш-чаралар өлкө боюнча тынч өткөнүн “Азаттык” радиосуна 10-июнда Ички иштер министрлигинен (ИИМ) билдиришти. Мекеменин маалыматына караганда, бүтүрүүчүлөр катышкан окуялар же кырсыктар катталган жок. Бул күнү милициянын тийиштүү кызматтары күчөтүлгөн тартипте иштеп, коомдук коопсуздукту камсыз кылышты. Кечээ 9-июнда Кыргызстандын мектептеринде кезектеги окуу жылынын аякташына байланыштуу “Акыркы коңгуроо” салтанаты өттү. Билим берүү жана илим министрлиги мектептеги салтанаттан кийин кафе-ресторандарда... Читать дальше...

Президент Садыр Жапаров коомдук ишмер Бекболот Талгарбековдун ал тууралуу айткандарына басма сөз кызматы аркылуу 10-июнда “Азаттыктын” суроосуна жооп берди. Анда президент Талгарбековду сынга алды:   "Өзүн кызматка койбосоң же баласын губернатор кылбасаң эле ушинтип оппозиция болуп чыга келишет. Айланасына абышка-кемпирлерди топтоп алган, "Төртүнчү революцияны мен жасайм да, президент болом” деп жүрөт. Москвага барып акча да издеп келди. Буларга мамлекеттин тагдыры бир тыйын экен. Элди ойлоп да койбойт... Читать дальше...

Мамлекеттик салык кызматы жаңы Салык кодексине ылайык, электрондук түрдө кызмат көрсөткөн бардык чет өлкөлүк компаниялар быйыл 1-январдан тарта бюджетке кошумча нарк салыгын төлөөгө милдеттүү экенин эскертти. Чет өлкөлүк ишканаларга аралыктан салыктык каттоодон өтүү үчүн vat.salyk.kg сайты ишке киргизилип, кошумча нарк салыгы 12% деп белгиленди. Бул портал чет өлкөлүк уюмга салыктык каттоодон өтүүгө, идентификациялык салык номерин алууга жана салык төлөөчүнүн жеке кабинетине кирүүгө мүмкүнчүлүк берет. Читать дальше...

Адам укуктарынын эл аралык индекси Кыргызстанга берген 1311 сунуштун көбү аткарылбай жатат. Бул тууралуу акыйкатчы Атыр Абдрахматова 10-июнда Бишкекте өтчү “Кыргызстандагы адам укуктары боюнча улуттук диалог” жыйынында айтты. Ал өлкөнүн адам укуктарына байланыштуу эл аралык рейтингдердеги көрсөткүчү төмөн экенине токтолду. “Акыйкатчы институту адам укуктарынын сактылышы жаатында сурамжылоо жүргүзүп ага 3237 адам катышты. Алардын 18 пайызы гана “Кыргызстанда адам укугу сакталарына ишенебиз” деп жооп берген. Читать дальше...

2010-жылкы Июнь коогасына быйыл 12 жыл толду. Жүздөгөн адамдардын өмүрүн алган бул окуяны эскерүүнүн алдында Кыргызстанда улут аралык мамилени жөнгө салуу, көп улуттуу өлкөнү өнүктүрүү маселелери талкууланып жатат. Өлкө бийлиги бул жаатта "Кыргыз жараны" деген концепцияны сунуштады. Кыргызстанда канткенде көп улуттуу, көп маданияттуу коомду кура алабыз? Аз улуттардын көйгөйлөрүнө жетиштүү көңүл бурулуудабы? "Азаттыктын" "Эксперттер талдайт" программасында мына ушул суроолорго жооп издедик. Ага Улуттук илимдер академиясынын Тарых... Читать дальше...

Июнь окуясындай кагылыштарды мындан ары болтурбоо үчүн этносторду бириктирген жалпы идеология керек экенин 10-июнда калабанын 12 жылдыгына карата кайрылуусунда президент Садыр Жапаров айтты. Ал жаштарды толеранттуулукка тарбиялоого багыт болушу керектигин да белгиледи. Кайрылуусунда мамлекет башчысы Ош менен Жалал-Абад шаарларында “тышкы күчтөр, ички сепаратисттер, Кыргызстандын келечегине көрө албастык кылган душмандар бөлүп-жарууга аракет кылышкан” деген пикирин айтты. “Бул күн бизге кандуу... Читать дальше...

10-июнда таңга жуук Ысык-Көл облусунун Балыкчы – Ананьево – Каракол автожолунда Volvo жана Volkswagen Passat үлгүсүндөгү машиналар кагылышып, төрт киши мүрт кетти. Өзгөчө кырдаалдар министрлигинин (ӨКМ) маалыматына караганда, алардын үчөө эркек бирөө аял. Министрликтин кызматкерлери автоунаалардан сөөктөрдү алып чыгып Ички иштер министрлигине (ИИМ) өткөрүп берди. Жол кыймылынын коопсуздугун камсыз кылуу башкармалыгы 2022-жылдын алгачкы үч айында Кыргызстанда 1366 жол кырсыгы катталганын, андан 110 адамдын өмүрү кыйылып... Читать дальше...

Бүгүн 10-июнда Бишкекте “Кыргызстандагы адам укуктары боюнча улуттук диалог” жыйыны өтөт. Иш-чараны өлкөнүн акыйкатчысы уюштурууда. Мекеменин маалыматына караганда, талкууга парламенттен, өкмөттөн өкүлдөр жана Бириккен Улуттар Уюмунун, Европа Биримдигинин Кыргызстандагы өкүлчүлүктөрүнүн жетекчилери катышат. Жыйын алкагында «Акыйкатчынын баяндамаларында жана универсалдуу мезгилдик серептерде чагылдырылган сунуштамаларды ишке ашыруу боюнча мамлекеттик органдардын рейтинги» деген темада презентация болот. Читать дальше...

Бүгүн 10-июндан тартып Ысык-Көлдүн жээгиндеги Тамчы айылындагы аэропортко Орусиядан учактар түз каттай баштайт. Бул тууралуу Кыргызстандын Тышкы иштер министрлиги (ТИМ) билдирди. Мекеменин маалыматына караганда, Орусиянын «Аэрофлот», «Уральские авиалинии» жана «S7 Airlines» авиакомпаниялары Москвадан, Екатеринбургдан, Санкт-Петербургдан жана Новосибирсктен жумасына бир нече жолу каттап турушат, анткени орусиялык туристтер арасында Ысык-Көлдө эс алууга кызыгуу арттуда. Коронавирус пандемиясына... Читать дальше...

Бүгүн 10-июнда залкар жазуучу Чыңгыз Айтматовду эскерүү иш-чаралары өтөт. Улуттук илимдер академиясынын Айтматов атындагы Тил жана адабият институту “Ата-Бейит” улуттук тарыхый-мемориалдык комплексинде жазуучуну эскерет, анын чыгармаларынан атайын даярдалган үзүндүлөр көркөм окулат. Иш-чарага мамлекеттик жана коомдук ишмерлер, акын-жазуучулар, изилдөөчүлөр, окурмандар катышат. Улуу жазуучу Чыңгыз Айтматов 2008-жылдын 10-июнунда 80 жаш курагында оорудан кийин дүйнө салган. ЮНЕСКО Айтматовду чыгармалары... Читать дальше...

«Ала-Тоо» аквапаркынын администрациясы көзөмөл камераларына окуучу бала каза болгон күндөгү тартылган видеолордун баарын тергөөчүгө өткөрүп бергенин 9-июнда эс алуу жайынын адвокаты Кайсын Абакиров билдирди. Жактоочу аквапарктын жетекчилиги окуя үчүн жоопкерчиликтен качпай турганын, тергөө менен кызматташарын айтты. 6-июнда Бишкекте «Ала-Тоо» аквапаркында №95 мектептин үчүнчү классынын окуучусу каза болгон. Баланын апасы ал жакка окуучуларды мектеп уюштуруп алып барганын, аквапарктын кызматкерлери... Читать дальше...

Адам укуктарын жаңы форматта окуп, пикир алмашып, талкуулоону каалаган активисттер жана чыгармачыл адамдар үчүн “Ойлон Кэмп” деген иш-чара өтөрүн аны уюштуруп жаткан “Сорос-Кыргызстан” фонду билдирди. Фонддун маалыматына караганда, “Ойлон Кэмп” июль айында Ысык-Көлдүн жээгинде уюштурулат. Катышууну каалагандардан арыздар 15-июнга чейин кабыл алынат. Алардын арасында атайын сынак уюштурулуп, 50 жеңүүчүсү үчүн эл аралык жана жергиликтүү эксперттер менен бирге окуп, саякаттоо укугу берилет. Уюштуруучулардын айтымында... Читать дальше...