Новости за 10.06.2022

10-июнда "Адам укугу боюнча улуттук диалог" аттуу жыйында Балдардын укугун коргоо лигасынын төрайымы Назгүл Турдубекова Министрлер кабинетинин төрага орун басары Эдил Байсаловго кайрылып, 6-июнда Бишкекте "Ала-Тоо" аквапаркында сууга чөгүп каза тапкан окуучунун өлүмүн адилет иликтөөгө чакырды. "Бул окуя боюнча биз бир нече күндөн бери мамлекеттик комиссия кандай иштеп жатканын байкоого алдык. Бийлик өзү абалды кылдат иликтеп, айыптуулар жоопко тартылат деп күттүк. Бирок биз бүгүн баланын өлүмүнө... Читать дальше...

Кыргыз бийлиги эл аралык “Манас” аэропортун мамлекеттик-жеке өнөктөштүк аркылуу тышкы башкарууга берүүгө даярданууда. Ушул мезгилде эл аралык финансы корпорациясынын көмөгү менен келишимдин шарттары аныкталып жатат. Июль айынан кийин компанияны тандоого тендер жарыяланышы мүмкүн. “Манас” эл аралык аэропортун мамлекеттик-жеке өнөктөштүк аркылуу тышкы башкарууга берүү иши кайрадан жанданды. Бийлик өкүлдөрү бул ирет саясий чечим кабыл алынганын, тышкы башкарууга берүүгө олуттуу даярдык жүрүп жатканын билдирүүдө. Читать дальше...

Казакстандын президенти Касым-Жомарт Токаев 10-июнда чет өлкөгө мыйзамсыз чыгарылган каражатты кайтаруу боюнча мекемелер аралык комиссиянын биринчи отурумун өткөрдү. Бул тууралуу жума күнү Казакстандын президенттик администрациясы кабарлады. Токаев аны өзү алып барып, комиссиянын максаты сотко өткөрүлгөн иштер эмес, экономиканы кайрадан жандантуу экенин айтты. “Биздин алдыбызга ачык максаттар коюлду. Алар мыйзамсыз чыгарылган активдерди кайтаруу жана адилеттүүлүктү орнотуу. Азыр баарынан маанилүүсү – ишти туура уюштуруу. Читать дальше...

"Бириккен демократиялык кыймыл" оппозициялык бирикмеси саясат таануучу Марат Казакпаевдин өлүмү боюнча президентке кайрылды. Билдирүүдө Улуттук коопсуздук комитети Казакпаевдин тергөөсүн атайын создуктурганы, камакта мөөнөтүнөн ашык кармалышы анын өлүмүнө себеп болгону айтылат. Бирикме Садыр Жапаровдон УКМКнын жана Башкы прокуратуранын жетекчилигинин жоопкерчилигин кароону, атайын кызматтын башчысы Камчыбек Ташиевди кызматтан алууну талап кылышкан. Ошондой эле кылмыш ишинин козголушу, тергөө жана... Читать дальше...

Июнь окуясынын 12 жылдыгы Кыргызстанда жылдагыдай эле эскерилди. Бул күнү Ош шаарында эскерүү иш-чаралары өтүп, кооганын курмандыктарына арналган эстеликтерге гүл коюлду. Борбордо президент Садыр Жапаров кайрылуу таратты. Кайрылууда өлкө башчысы Июнь окуясын эгемендик жылдарындагы эң оор сыноо деп атап, мындай кагылыштарды болтурбоо үчүн этносторду бириктирген жалпы идеология керек деп белгиледи. “Бул күн бизге кандуу калабаны эске салуу менен бирге мындан ары достук-ынтымак мамилени чыңдоо милдетин эскертип турат! Читать дальше...

2010-жылдагы каргашалуу Июнь коогасында жүздөгөн адам дайынсыз жоголгон. Арадан 12 жыл өтсө дагы ушул күнгө чейин 17 адамдын дайыны табыла элек. Алардын жакындары жоголгондор тирүү кайтып келеринен үмүт кылса, милиция дайынсыз кеткендерди издөө иштери токтой электигин айтып жатат.

Кыргызстанда тергөөдө зыяндын ордун толтуруп же мамлекетке берген материалдык жардамы үчүн үй камагына чыккан айыпкерлер соттон акталган учурлар катталууда. Юристтер соттун актоо өкүмү чыккан учурда кылмыш иштин негизинде айыпкер мамлекетке мурда төлөнгөн акчасын кайтарып алуу укугуна ээ экенин белгилейт. Тергөө органдары болсо коррупция менен жоопко тартылгандар соттон акталып, алардын зыянды өндүрүү мээнети текке кетип жатканын айтууда. Бишкектин Биринчи май райондук соту президенттин парламенттеги... Читать дальше...

Чет өлкөдө иштегиси келген кыргызстандыктар үчүн жаңы багыттар ачылууда. Буга катар мамлекеттик миграциялык программалар да көбөйө баштады. Чет өлкөдө иштөө каалообу же муктаждыкпы? Чет өлкөгө чыгардан мурда жарандар эмнелерди эске алышы керек? Мамлекеттик миграциялык программалар кандай иштейт? Бул суроолорго "Азаттык+" жооп издеди.

Түркмөнстандын борбору Ашхабадда көп кабаттуу үйлөргө түтүк аркылуу кирген ичүүчү суу чектелип бериле баштады. “Азаттыктын” түркмөн кызматынын кабарчылары билдиришкендей, шаарда 8-9-июнда күндүз суу толук токтоп, кечинде гана чыккан. Түнкүсүн кайрадан өчүрүлүп, 10-июнда кайрадан жандырылган. Калаа бийликтери суунун өчүрүлүшү тууралуу маалымат тараткан эмес жана түшүндүрмө да берише элек. Ашхабаддын борбордук суу менен камсыздоо системасы маал-маалы менен үзгүлтүккө учурап турат. Көбүнчө жай... Читать дальше...

Улуттук коопсуздук боюнча мамлекеттик комитет (УКМК) саясат талдоочу Марат Казакпаевдин өлүмү боюнча комментарий берди. Мекеменин маалыматына караганда, Марат Казакпаев ушул жылдын 27-апрелинен 19-майына чейин Улуттук госпиталда дарыланып чыккан жана дайыма дарыгерлердин көзөмөлүндө болуп, алар сунуштаган дары-дармектерди алып турган. 25-майда Мирсаид Миррахимов атындагы кардиология жана терапия борборунан текшерүүдөн өтүп, андан кийин да дары-дармек жазылган. “19-майдан 9-июнга чейин Казакпаевдин... Читать дальше...

Бишкекте футбол боюнча Азия кубогунун тандоо оюндары өтүүдө. Биринчи айлампадан кийин F тайпасында Тажикстан менен Кыргызстан жеңишке жетти. 8-июнда Кыргызстан Сингапурду 2:1 , Тажикстан Мьянманы 4:0 эсебинде жеңди. Аталган командалар F тайпасында Азия кубогуна жолдомо алуу үчүн ойноп жатышат. Мелдеш 14-июнга чейин созулат. Кыргыз футболчуларынын Азия кубогуна чыгууга кандай мүмкүнчүлүгү бар? "Кыргызстан коргонуудан аксады" Кыргызстандын футбол боюнча улуттук курама командасынын башкы машыктыруучусу... Читать дальше...

Ооруканада каза болгон саясат талдоочу Марат Казакпаевдин жубайы Анар Казакпаева жолдошу Улуттук коопсуздук боюнча мамлекеттик комитетте (УКМК) кармалып турганда кыйноого кабылганын айтып чыкты. Бул тууралуу ал 10-июнда “ПолитКлиника” басылмасынын журналистинин суроолоруна жооп берип жатып билдирди. Анын сөзүнө караганда, акыркы убактарда жолдошунун бир көзү толук көрбөй, экинчи көзүнүн да көрүүсү начарлап кеткен. Ага карабай “медициналык жардам убагында берилген эмес”. “Адам ооруп жатканда аны суракка албайт. Читать дальше...

Кыргызстан менен Өзбекстандын чек арасындагы “Достук” бекетинин үч аскер кызматкери коррупцияга шек саналып кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы билдирди. Мекеменин маалыматына ылайык, ушул эле факты боюнча Саламаттык сактоо министрлигинин бир кызматкери, “Достук” санитардык карантин пунктунун мурдагы башчысы, коррупциялык иште ортомчу болгон дагы эки адам кармалды. Алар “Достук” бекетинен өткөн кишилерден системалуу түрдө мыйзамсыз каражат алып турган деп айыпталууда. Читать дальше...

Кыргызстандын мектептеринде жаңы окуу жылынан тарта диндердин тарыхы окутула баштайт. Мындай жарлыкка президент Садыр Жапаров кол койду. Билим берүү министрлиги диний сабатсыздык жаштарды радикализмге жетелеп жатканын белгилеп, бул сабактын окутулушу маанилүү деп эсептейт. Жалпы билим берүү мекемелеринде диндердин тарыхы тууралуу сабакты киргизүү боюнча жарлыкка президент Садыр Жапаровдун кол койгону мамлекет башчынын расмий сайтында 8-июнда жарыяланды. Жарлыкка ылайык, жаңы окуу жылынан баштап... Читать дальше...

Оппозициялык саясатчы Равшан Жээнбеков бийликти Кыргызстандын абактарында отурган бардык адамдардын медициналык жардам алуудагы укугунун сакталышын камсыз кылууга чакырды. Бул тууралуу ал Фейсбуктагы баракчасына видеокайрылуу жасап, түрмөлөрдө дарыгерлердин жардамын алуу өтө татаал, бюрократиялык тоскоолдук көп экенин айтты. “Мараттын (ред: Марат Казакпаев) окуясы боюнча коомдук мамлекеттик комиссия түзүшүбүз керек. Ал комиссия буга ким күнөөлүү, эмне үчүн жардам көрсөтүлгөн эмес, ооруп жатса да эмнеге түрмөдө кармалып турду ушуну текшерип... Читать дальше...

Бишкектеги №1 шаардык клиникалык ооруканасынын башкы дарыгери Акылбек Мусаев саясат талдоочу Марат Казакпаевдин өлүмү жана ага коюлган анализ тууралуу маалымат берди. Анын сөзүнө караганда, маркум 9-июнда саат 11лерге жакын “Тез жардам” менен эс-учун жоготкон абалда ооруканага жеткирилген. Ага "геморрагиялык инсульт" деген диагноз коюлуп жасалма дем алдыруучу аппаратка кошулган. “Дароо консилиум болуп дарыгерлер абалын карап чыкты. Кан басымы төмөн болгондуктан, кечке жуук дофамин дарысы сайылган. Читать дальше...

Бишкектеги “Ала-Тоо” аквапаркында сууга чөгүп каза болгон баланын окуясынан кийин шаардагы №95 мектептин башталгыч классынын жети мугалими, билим берүү мекемесинин тарбия жана башталгыч классынын завучу кызматтан алынды. Дагы эки мугалим ден соолугуна байланыштуу эс алууда болгондуктан, аларга карата чечим кабыл алына элек. Кызматтан алынган жана жумушка чыга элек мугалимдер окуучуларды аквапаркка алып барган класс жетекчилер. Бул тууралуу 10-июнда Бишкек шаардык кеңешинин социалдык маселелер... Читать дальше...

Мамлекетке чыккынчылык кылган деп былтыр УКМК тарабынан кармалып, камалган саясат таануучу Марат Казакпаев ооруканада өзүнө келбей каза тапты. Бишкектеги №1 шаардык клиникалык ооруканасынын башкы дарыгери Акылбек Мусаев саясат талдоочу Марат Казакпаев 9-июнда саат 11лерге жакын “Тез жардам” менен эс-учун жоготкон абалда ооруканага жеткирилгенин айтты. Ага геморрагикалык инсульт деген диагноз коюлуп, жасалма дем алдыруучу аппаратка кошулган. “Дароо консилиум болуп дарыгерлер абалын карап чыкты. Читать дальше...

Кыргызгидромет борбору кабарлагандай, 11-июнда түнкүсүн жаан-чачын болбойт. Күндүз Талас облусунун көпчүлүк аймактарында, Чүй, Ош, Жалал-Абад, Баткен, Ысык-Көл, Нарын облустарынын кээ бир райондорунда өткүн өтүп, бийик тоолуу аймактарга кар жаашы күтүлөт. Абанын температурасы: Чүй өрөөнүндө түнкүсүн 17…22, күндүз 30…35, Талас жергесинде түнкүсүн 13…18, күндүз 29…34, Баткен, Ош, Жалал-Абад аймактарында түнкүсүн 17…22, күндүз 32…37, Ысык-Көл дубанында түнкүсүн 9…14, күндүз 22…27, Нарын облусунда түнкүсүн 6…11... Читать дальше...

Human Rights Watch эл аралык укук коргоо уюму иш жүзүндө Ооганстанды башкарып жаткан “Талибан” кыймылы өлкөнүн түндүк жагындагы жайкын тургундарды жапырт түрдө кармап, кыйноого алып жатканын маалымдады. Талибдер жарандарды Панжшер провинциясындагы куралдуу оппозицияны колдоого айыптап жатат. 2021-жылдын августунда талибдер бийликти колго алгандан кийин Панжшердеги Ахмад Масуд жетектеген "Улуттук каршылык көрсөтүү фронту" “Талибандын” бийлигине каршы күрөшөрүн жарыялаган. Антисоветтик жана антиталибдик можахеддердин атактуу лидери... Читать дальше...

Бишкектеги №1 шаардык ооруканада жаткан саясат талдоочу Марат Казакпаев 10-июнда өзүнө келбей каза болду. Бул тууралуу “Азаттыкка” ооруканадан кабарлашты. Улуттук коопсуздук боюнча мамлекеттик комитеттин (УКМК) тергөө абагында отурган Марат Казакпаев 9-июнда “Тез жардам” менен эс учун жоготкон абалда ооруканага жеткирилген. Дарыгерлер анын мээсине кан куюлуп, инсульт болгонун, жасалма дем алдыруу аппаратына кошулганын айтышкан. Ал былтыр июнь айында Акыйкатчы институтуна кан басымы жогорулап... Читать дальше...

Өзгөчө кырдаалдар министрлиги жакынкы күндөрү Памирден 17 үй-бүлө Ош облусунун Чоң-Алай районуна көчүп келерин билдирди. Алар көчүп келген соң климатка ыңгайлашуусу, убактылуу жашап туруу үчүн Чоң-Алай районунун Дароот-Коргон айылындагы лицей мектебинин имаратына жайгаштырылат. Памирде жашагандардын жалпы саны 1,5 миңге чамалайт. 2019-жылдын 23-декабрында 50 кишиден турган 11 памирлик үй-бүлө Алай районунун Сары-Могол айылына көчүрүлүп келген. 2017-жылы Нарынга 50 памирлик кыргыз келип, жатаканага жайгаштырылган. Читать дальше...

Бүгүн 10-июнда Ош шаарында Июнь окуясында каза болгондор эскерилди. “Энелердин көз жашы” монументинин алдында өткөн митинг-реквиемге президенттин Ош облусундагы ыйгарым укуктуу өкүлү Зиядин Жамалдинов, мэриянын өкүлдөрү, каргашада өмүрү кыйылгандардын жакындары, жалпысынан 50 чакты адам катышты. Алар элдин ынтымагын бекемдөө жана коргоо зарылдыгын айтып, бул сыяктуу окуяларга мындан ары жол бербөө керектигин белгилешти. 2010-жылдын апрель айында Кыргызстанда нааразылык акцияларынан кийин бийлик алмашкан. Читать дальше...

“Манас” эл аралык аэропортун мамлекеттик-жеке кызматташтык негизде модернизациялоо жана өнүктүрүү долбооруна катышуу ниетин бүгүнкү күнгө карата жети өлкөнүн компаниялары билдирди. Бул тууралуу бүгүн 10-июнда долбоорду талкуулоо үчүн уюштурулган жыйында айтылды. Кыргызстандын Экономика жана коммерция министрлиги аэропортту жаңылоо долбооруна каржылык жана консультациялык кызмат көрсөтүү боюнча Эл аралык финансы корпорациясы (IFC) менен макулдашууга 2021-жылдын октябрь айында кол койгон. Аталган... Читать дальше...

Министрлер кабинетинин төрагасынын биринчи орун басары Арзыбек Кожошев Көз карандысыз Мамлекеттер Шериктештигинин Экономикалык кеңешинин жыйынында чек арадагы ар кандай тоскоолдуктарды, негизсиз текшерүүлөрдү азайтып, жүк ташууга шарт түзүү маанилүү экенин айтты. Бул тууралуу ал 10-июнда кеңештин Нур-Султан шаарында өткөн жыйынында билдирди. Ал “айыл чарба жана азык-түлүк товарларын ташууну камсыз кылуу боюнча ыкчам чараларды кабыл алуу зарыл” деди. Кыргызстан менен Казакстандын чек арасында... Читать дальше...