Новости за 15.06.2022

Белгилүү коомдук ишмер, журналист, публицист Мелис Эшимкановдун 60 жылдыгын утурлай эскерүү иш-чараларынын алкагында эки чыгармачыл сынак жарыяланды. Бул тууралуу Эшимканов атындагы коомдук фонддон кабарлашты. Фонддун маалыматына караганда, биринчи сынакка Кыргызстандын бардык жогорку окуу жайларынын журналистика факультеттеринин студенттери катыша алат. “Кыргыз журналистикасынын эртеңи” деген темада кыргыз жана орус тилинде эссе жазып, мыкты деп таанылган студенттерге жалпы байге фонду 50 миң сом түзгөн сыйлыктар тапшырылат. Читать дальше...

Жогорку Кеңештин депутаты Жеңишбек Токторбаев 15-июнда парламент отурумунда ("Ата-Журт Кыргызстан") Кумтөр кенин башкарган “Улуу көчмөндөр мурасы” улуттук холдинги кымбат баадагы кеңсени ижарага алганын айтып чыкты. Депутат “Кумтөр Голд Компани” ишканасынын мамлекетке караштуу кеңседен чыгып, шаардын чок ортосундагы кымбат баалуу жеке менчик кеңсеге көчкөнү туура эмес экенин билдирди. "Тилекке каршы, коомчулукта Тенгиз Бөлтүрүк тууралуу сөз абдан көп. Тендерлер, кеңсе боюнча. Бөлтүрүккө чейин булар мамлекеттик "Учкун" ишканасында отурушкан.

Ички иштер министрлигинин (ИИМ) басма сөз кызматы Баткен облусунда Тажикстандан Кыргызстанга, андан ары Казакстанга баңгизат ташып сатуу менен алектенген улут аралык маңзат тобунун мүчөлөрү кармалганын билдирди. Мекеменин маалыматына ылайык, алардын бири Тажикстандын Ички иштер министрлигинин мамлекеттик автоинспекциясынын кызматкери экени аныкталды. Кылмыш иши Кылмыш-жаза кодексинин “Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо” беренеси менен козголуп... Читать дальше...

Жогорку Кеңештин алдына депутат Шайлообек Атазовго каршы кайрадан пикет өттү. Акцияга чыккандар миграцияга кетип жаткан кыздар тууралуу депутаттын парламенттин жыйынында айткан сөзүн кескин сындап, Шайлообек Атазовдон мандатын тапшырууну талап кылышты. Пикетке чыккандарга депутаттар Шайлообек Атазов, Марлен Маматалиев, Айбек Осмонов чыгып жолукту. Депутат Атазов Жогорку Кеңештин 9-июндагы отурумунда 18-20 жаштагы кыздарды миграцияга ата-энеcинин коштоосу менен же күйөөгө чыккандан кийин гана жиберүүнү сунуш кылган. Читать дальше...

Коррупцияга шек саналып, кызматтан убактылуу четтетилген саламаттык сактоо министри Алымкадыр Бейшеналиевдин кан басымы көтөрүлүп жатат. Бул тууралуу анын адвокаты Кайсын Абакиров билдирди. Адвокаттын айтымында Бейшеналиевдин буга чейин өнөкөт оорулары болгон. "Эки күн мурун кан басымы көтөрүлүп кетип, кечээ текшерүүдөн өттү. Абалы кандай экенин бүгүн жолукканда билем. Өзүн күнөөлүү деп эсептебейт. Биз аны тергөөнүн жүрүшүндө далилдейбиз", - деди жактоочу. Адвокат 16-июнда райондук соттун Бейшеналиевди... Читать дальше...

Баткен районунун Булак-Башы аймагында кыргыз-тажик чек арасындагы соңку ок атышуудан кийин Баткен районунун акими Учкунбек Жоробаев менен Тажикстандын Исфара районунун төрагасы Баховаддин Баходурзода жолугушту. Эки өлкөнүн жергиликтүү бийлик өкүлдөрүнүн 14-июндагы жолугушуусунда чек ара, күндөлүк жашоодо болуп жаткан маселелер талкууланды. Баткен районунун мамлекеттик администрациясы кабарлагандай ар кандай чагымчыл иштерди алдын алуу, чектеш аймактарда туруктуулукту сактоо боюнча сүйлөшүү жүрдү. Читать дальше...

Президент Садыр Жапаров быйыл август айында Бишкекте 22,5 миң адам бата турган заманбап жаңы футболдук стадиондун курулушу башталарын билдирди. Өлкө башчынын маалыматына ылайык, ал чоң иш-чараларды өткөрүүгө ылайыкташкан көп функциялуу спорттук арена болот. Бул тууралуу Садыр Жапаров 14-июнда Кыргызстан менен Тажикстандын футбол боюнча улуттук курама командаларынын беттешинен кийин кыргыз футболчулары менен жолукканда айтканын президенттин басма сөз кызматы кабарлады. Стадион Бишкектин кайсы жерине салынары айтылган жок. Читать дальше...

Улуттук коопсуздук боюнча мамлекеттик комитет (УКМК) саясат талдоочу Марат Казакпаевдин өлүмү тууралуу социалдык тармакка жазган пикири үчүн журналист Канат Каниметовго эскертүү берди. Атайын кызматтын бөлүм башчысы Бейшембаевдин колу коюлган эскертүүнү журналист Фейсбуктагы баракчасына жарыялады. Анда Канат Каниметов серепчи Марат Казакпаевдин өлүмүнө байланыштуу социалдык тармактарда мамлекеттик мекемени негизсиз айыптаганы жазылган. Анын билдирүүсү чындыкка дал келбеси жана кандайдыр бир далил фактылар жок экени айтылат. Читать дальше...

Кызматтык орундун номери: BKYB024-2202 Кызмат орду: Бишкек, Кыргызстан. Социалдык медианын редактору “Эркин Европа/Азаттык” радиосунун башкы санарип редакторунун алдында социалдык медианы координациялоону, редакторлукту, түрдүү плафтормалар аркылуу аудитория менен байланышты камсыздайт. Жаңы медиада негизги ишти аткарып, санариптик демилгелерди көтөрүп, мазмунду таратуу жагын аныктайт. Социалдык медиа редактору "Борбор азиялык мигрант" медиа долбоорунун бөлүгү болуп, Кыргызстандан, Тажикстандан... Читать дальше...