Новости за 20.06.2022

Парламенттин Социалдык саясат комитетинин 20-июндагы жыйынында "Ынтымак" фракциясынан депутат Аида Исатбек кызы Сузактагы мектептердин биринде  окутуунун сапатын сындаган, бирок көп өтпөй эле кечирим сураган бүтүрүүчү тууралуу маселе көтөрдү.  Депутат билим берүү жана илим министринин орун басары Надира Жусупбековага суроо берип жатып, ал бала коркутууга кабылганын айтты. "Ал баланы чынында аябай катуу коркутуп коюшуптур. Биз ага телефон чалсак "мен байланышпай эле коеюнчу, мага катуу басым жасап жатышат" деп айтты. Читать дальше...

Бул тууралуу Жогорку Кеңештеги Социалдык саясат комитетинин жыйынында билим берүү жана илим министринин орун басары Надира Жусупбекова билдирди. Өкмөт өкүлү бул каражат жалпы муктаждыктардын 24% гана жабарын, демөөрчүлөр, жергиликтүү бийликтин жардамы менен мектептерди оңдоп-түзөөгө аракет жүрүп жатканын белгиледи. "Финансы министрлиги бюджеттин мүмкүнчүлүгүнө карап жылына 100 миллион сом бөлүп берип жатат. Бирок министрибиз Алмаз Бейшеналиев өкмөт башчы Акылбек Жапаровго да кирип бул каражатты... Читать дальше...

Жогорку Кеңештин Социалдык саясат комитети мектеп окуучуларынын тамактануусун уюштурууну жакшыртуу жөнүндөгү парламенттин токтомунун долбоорун талкуулап жатат. Анда билим берүү жана илим берүү министринин орун басары Надира Жусупбекова 2023-жылга чейин мектептердин баарында кенже класстардын окуучуларына бир маал ысык тамак берүүнү уюштуруу каралып жатканын айтты. Буга чейин Жусупбекова Кыргызстанда азык-түлүктүн баасы кымбаттагандан бери окуучуларга бир маал ысык тамак берүү маселеси кыйындаганын... Читать дальше...

Төмөнкү сүрөт 2020-жылдагы парламенттик шайлоонун алдында Каракол шаарында тартылган. Анда ошол маалдагы бийлик таптаган “Биримдик” партиясынын көзгө басар талапкерлери турат. Биз саясий чөйрөдө “төрө” деп чоң сый-урматка татыган Төрөбай Зулпукаровдун эки четиндеги Талантбек Иманов менен Курманбек Дыйканбаев тууралуу сөз кылабыз. Экс-президент Сооронбай Жээнбековдун Жогорку Кеңештеги өкүлү, “Биримдик” партиясынан талапкер Курманбек Дыйканбаев 2020-жылы октябрда бийлик алмашкандан кийин кармалган. Читать дальше...

20-21-июнь күндөрү Беларус баш калаасы Минскиде Кыргызстандын төрагалыгы астында Евразия өкмөттөр аралык кеңешинин жыйыны өтөт. Бул тууралуу Министрлер кабинетинин басма сөз кызматы кабарлады. Жыйынга Евразия экономикалык биримдигине кирген өлкөлөрдүн (ЕАЭБ), байкоочу мамлекеттердин өкмөт башчылары, Евразия экономикалык комиссиясынын коллегиясынын төрагасы катышат. Күн тартибинде электрондук соода, бажы кызматташтыгы маселелерин талкуулоо, мурда берилген тапшырмалардын аткарылышы боюнча отчет каралган. Читать дальше...

Тажикстандын президенти Эмомали Рахмон Хорог шаарындагы соңку окуяларга байланыштуу биринчи жолу үн катты. Ал 18-июнда жергиликтүү жана республикалык бийлик башчылары менен жолугушууда "куралданган адамдарды жок кылуу тууралуу буйрук бергенин" жана анын "мындан башка аргасы болбогонун" айтты. Ошондой эле тоз-тополоңдон улам ишмердигине тыюу салынган "Ислам кайра жаралуу партиясын" күнөөлөп, карапайым тургундардын айыбы жок деп билдирди. Өткөн аптада тажик күч органдары "бийликтин багынып берүү... Читать дальше...

Өзбекстанда үйлөнүү тоюнда колуктусун чаап жиберген жигитке жубайы арыз жазбаганына байланыштуу сот чара көргөн жок. Бул тууралуу жергиликтүү бир катар басылмалар жазып чыкты. Мунун алдында тойлордун биринде тартылган видео интернетке тарап, чоң резонанс жараткан. Анда тамада үйлөнүп жаткан жаштардын ортосунда сынак өткөргөнү, анда кыз жеңип алса, болочок күйөөсү чычалап кетип аны башка катуу чаап жибергени тартылган. Жигиттин досу аны кубаттап күлүп жатса, коноктор унчукпай калганын, бирок эч ким каршылык билдирбегенин көрүүгө болот. Читать дальше...

Бүгүн, 20-июнда Жогорку Кеңештин Бюджет, экономикалык жана фискалдык саясат комитетинин жыйынында Эсептөө палатасы менен Улуттук банк 2021-жылдагы иштери тууралуу отчет берет. Буга чейин Улуттук банктын дарегине чет мамлекеттерден которулган акчалар ошол валютада берилбей жатканына байланыштууу сын-доомат көбөйгөн. Улуттук банктын жетекчилиги мындай банктар жазаланарын эскерткен. Анын алдында айрыкча Европадагы журтташтар Кыргызстанга которгон акчасын жакындары доллар жана евро менен ала албай жатканына нааразы болуп... Читать дальше...

Францияда 19-июндагы Улуттук ассамблеяга (парламент) шайлоонун баштапкы жыйынтыгына ылайык, “Бирге!” деп аталган президенттик коалиция көпчүлүк боло албай калды. Парламентте көпчүлүктү түзүү үчүн президент Эммануэль Макрондун тарапташтарына кеминде 289 орун керек. Добуш берүүнүн баштапкы жыйынтыгына ылайык, “Бирге!” коалициясына 237 мандат тиет. Жан-Люк Меланшон жетектеген солчул парттиялар партиясы 130 орун менен шайлоодо экинчи болуп келди. Үчүнчү орунду 89 мандат менен ашынган оңчулдардын лидери Мари Ле Пендин партиясы алды. Читать дальше...

2020-жылы май айында Дастан заводунун алдындагы «Улан» ишканасынын жетекчилиги "Альфа Легион" менен жасалма келишим түзүп, бюджеттик акчадан 54 млн сом чыгарып кетти деп айыпталган. УКМК бул факты боюнча кылмыш ишин козгогон. Бул иликтөөдө мамлекеттик ишканадан миллиондор кандай жол менен чыгарылып кеткенин, бул кылмышка шектелгендер соттон кантип акталганын айтып беребиз.