Новости за 03.08.2018

Сенаторите Крис Марфи, демократ од Конектикат и Рон Џонсон, републиканец од Висконсин, предложија во Сенатот заедничка резолуција со која се поздравува и поддржува договорот за името меѓу Македонија и Грција и се изразува предупредување и загриженост поради руското мешање и обиди за негово поткопување. Во резолуцијата 602 што пред Комитетот за надворешни работи на Сенатот ја претставија давјацата сенатори, се вели дека премиерите Зоран Заев и Алексис Ципрас успеаја заеднички да постигнат историски... Читать дальше...

„Доколку дојде до вклучување на Косово во Обединетите нации и во други меѓународни институции и Република Српска ќе го побара истиот пат“, изјави претседателот на Република Српска Милорад Додик во интервју за весникот „Вечерње новости“. Тој додаде дека Собранието на Република Српска веднаш откако Албанците на Косово прогласија независност, донесе резолуција дека Бања Лука во случај на нов меѓународна практика во признавањето на правото на самопределување ќе инсистира на утврдување на државниот статус на Република Српска. Читать дальше...

Актуелниот претседател на Зимбабве Емерсон Мнангагва победи на претседателските избори, соопшти Изборната комисија, наведувајќи дека на второ место е Нелсон Чамисе чие главно упориште е главниот град Хараре и кој веднаш ги отфрли ваквите изборни резултати. Заедно со претседателските во понеделникот во Зимбабве се одржаа и парламентарни избори по што избувнаа протести оргинизарни од опозицијата која се сомнева дека резултатите биле наместени. Во сузбивањето на нередите загинаа шест луѓе.

Косовскиот претседател Хашим Тачи изјави дека неговиот став за коригирање на границата меѓу Косово и Србија подразбира одбивање на секаква помисла за поделба на Косово, но вклучува барање за припојување на Прешевската долина кон Косово. Тој во интервју за „Глас на Америка“ додаде дека мора да дојде до одбележување или „коригирање“ на границата меѓу Србија и Косово што, според него, нема да доведе до некаков домино ефект во регионот. „Барањето на претставниците на Прешевската долина да го остварат своето право од Декларацијата од 1992 година... Читать дальше...

Русија и натаму се обидува да ги ослаби и подели Соединетите држави и да се меша во американскиот изборен процес, оценија првите луѓе на американските разузнавачки агенции. Тие во Белата куќа се осврнаа врз мерките што администрацијата на претседателот Доналд Трамп ги презема за да спречи надворешно мешање во американските избори.

Русија и натаму се обидува да ги ослаби и подели Соединетите држави и да се меша во американскиот изборен процес, изјави шефот на националните разузнавачки служби на САД Ден Коутс. На конференцијата за печатот во Белата куќа говореше и шефот на ФБИ Кристофер Реј кој исто така предупреди дека станува збор за закана која сите треба сериозно да ја сфатат. Коутс и Реј се осврнаа врз мерките што администрацијата на претседателот Доналд Трамп ги презема за да спречи надворешно мешање во американските избори. Читать дальше...

Од Кабинетот на претседателот Ѓорге Иванов синоќа соопштија дека жалат за инцидентот во Крушево, но дека тој не бил предизвикан од пораките во говорот на претседателот. „Петседателот на Република Македонија никогаш не поддржувал инциденти и говор на омраза. Жалиме што владината делегацијата беше исвиркана на одбележувањето на празникот Илинден на Мечкин Камен во Крушево, но сметаме дека тоа на ниту еден начин не беше предизвикано од пораките упатени од претседателот Иванов“, пишува во реакцијата на Кабинетот на Иванов. Читать дальше...

Во Македонија ќе биде претежно облачно и нестабилно на места со пороен дожд и грмежи. Кон крајот на денот врнежите ќе престануваат и постепено времето ќе се стабилизира. Дневната температура ќе се движи од 23 до 33 степени. Во Скопје и околината слично време со температура до 32 степена.