Новости за 30.05.2019

Претседателот на Европскиот совет, Доналд Туск е во посета на Таџникистан од каде ја почнува четиридневна турнеја низ Централна Азија. На аеродромот во Душанбе тој беше пречекан од министерот за надворешни работи Сиројдин Мухридин. Според најавите, Туск ќе има средба со таџикистанскиот претседател Емомали Рамон, но и со претседателите на соседен Казахстан и Узбекистан, Касим Зомарт Токаев и Нурсултан Назарбаев. Европскиот совет соопшти дека посетата на Туск е во насока на посветеноста на ЕУ за посилно партнерство со регионот и земјите... Читать дальше...

Грчката влада соопшти дека планира именување нови врховни судии пред предвремените парламентарни избори закажани за 7 јули. Оваа одлука предизвика критики од опозицијата која според анкетите, има предност пред изборите. Нова демократија побара ова именување да биде одложено по изборите. Грчкиот премиер Алексис Ципрас чија левичарска Сириза забележа лоши резултати на изборите за Европскиот парламент и на првиот круг од локалните избори реши да оди на предвремени парламентарни избори.

Политичарите не треба да го користат оправдувањето дека законски не може да избркаат никого од работа, туку службениците треба да воспостават систем според кој ќе се оценува кој што сработил и врз основа на тоа ќе го задржи или изгуби работното место, оценуваат упатените.

Двајца руски членови на екипажот на Меѓународната станица шест часови престојува на отворено во Вселената. Притоа тие спровеле научни истражувања и работеле на одржување на станицата. Ова беше петта вселенската прошетка за Олег Коноњенко и прва за Алексеј Овчињин. Преостанатите членови на екипажот Ен Меклејн, Ники Хаг и Кристина Кох од НАСА, како и Дејвид Сен Жак од Канада ја посматраа целата операција од вселенската станица.

Најмалку седум туристи од Јужна Кореа загинаа, а дваесетина се водат за исчезнати откако на реката Дунав во Будимпешта потона брод поради лошото невреме. Седум лица биле спасени и префрлени во болница и се наоѓале во стабилна состојба. Се уште не е познат точниот број на луѓето кои биле на бродот, но според полицијата, станува збор за 33-ца туристи од Јужна Кореа. Бродот кој бил закотвен во близина на зградата на унгарскиот парламент, според очевидци, бил удрен од друг туристички брод.

Израел се соочува со вторите избори оваа година откако премиерот-ветеран Бенјамин Нетанјаху, и покрај неколкуте обиди, не успеа да состави коалициска влада. Како главна причина се наведува несогласувањето меѓу партнерите во врска со бараната заштита на Нетанјаху од кривично гонење поради наводна корупција.

Израелскиот парламент Кнесетот изгласа сопствено распуштање, испраќајќи со тоа порака до граѓаните дека годинава по втор пат ќе одат на избори, бидејќи премиерот Бенјамин Нетанјаху не успеа да состави коалициона влада до полноќ, крајниот рок за тоа. Кнесетот кој има 120 пратеници почна да работи пред неполни два месеца. Нетанјаху победи на изборите одржани на 9 април, но поради несогласувања со ортодоксните и ултранационалистичките сојузници за неговата заштита од кривично гонење поради наводна корупција не успеа да состави нова влада.

Министерството за надворешни работи на Бугарија ги поздрави препораките на Европската комисија за почеток на пристапните преговори со Република Северна Македонија и со Албанија. Во соопштението на Министерството се наведува дека проширувањето на ЕУ со земјите од Западен Балкан останува една од приоритетните теми за Бугарија и треба да продолжи да зазема важно место на европската агенда. Министерството посочува и дека внимателно ќе ги анализира извештаите и препораките на ЕК со цел да се процени нивниот кредибилитет и објективност. Читать дальше...

Ќе биде сончево и топло со мала до умерена облачност и слаб до умерен ветер од западен правец. Попладне ќе има изолирана појава на краткотраен дожд и ретки грмежи. Утринската температура ќе биде од 8 до 14, а дневната од 16 до 30 степени. Во Скопје и околината слично време. Утринската температура ќе биде 12, а дневната 28 степени.

Тројца луѓе загинаа, а 16 се водат како исчезнати, откако брод за крстарење вечерва се преврте и потона во реката Дунав во Будимпешта, објави унгарската национална телевизија, повикувајќи се на информации од Министерството за внатрешни работи. Телевизијата М1 објави дека 15 луѓе биле спасени по несреќата во близина на познатата зграда на Парламентот во центарот на унгарската престолнина по судирот со друг брод. Нуркачи трагаат по исчезнатите, но силниот дожд во изминатите недели го зголеми нивото на реката со што е отежната потрагата. Читать дальше...