Новости за 08.07.2019

На покана на словачкиот министер за надворешни и европски работи и претседавач на ОБСЕ, Мирослав Лајчак, шефот на македонската дипломатија Никола Димитров ќе учествува на неформалниот министерски состанок на ОБСЕ што денеска и утре ќе се одржи во Штрбско Плесо -Високи Тарти, во Словачка.  На неформалниот состанок, како што соопштија од МНР, ќе се разменат мислења за актуелните состојби во регионот на ОБСЕ, а во функција на редовниот годишен министерски состанок што ќе се одржи во декември оваа година во Братислава. Читать дальше...

За победата на Мицотакис во Грција коментираат читатели на социјалните мрежи. Пишуваат и за обвинувањата на ВМРО-ДПМНЕ на сметка на директорот на Агенцијата за разузнавање, како и за тврдењето на Мицкоски дека може да го апсат.

Според стручната јавност, новата грчка влада предводена од Мицотакис нема да го оспори договорот од Преспа, но ќе го усложни неговото спроведување, преку опструкции во билатералните комисии или преку различни интерпретации на одредени прашања

Грчкиот претседател Прокопис Павлопулос на лидерот на Нова демократија, Кирјакос Мицотакис му го додели мандатот за формирање Влада. „Претседателот на државата, господинот Прокопис Павлопулос по средбата со Претседателот на Парламентот, господинот Никос Вуцис и соопштувањето од негова страна на распоредот на силите на партиите во Парламентот врз основа на резултатите од изборите на 7 јули, телефонски разговараше со Претседателот на Нова демократија, господинот Кирјакос Мицотакис и му го додели мандатот за формирање влада според член 37... Читать дальше...

Одлуката на рускиот претседател Владимир Путин за забрана на директни летови меѓу Русија и Грузија стапи на сила. Путин ги забрани летовите како одговор на антируските протести во Тбилиси и во одлуката се препорачува и руските агенции да не нудат патувања за земјата. Кремљ соопшти дека забраната е привремена, но не се прецизира до кога ќе биде на сила. Според аналитичари, грузиската економија може да биде во загуба од 250 до 300 милиони долари годишно.

Британската влада соопшти дека го испитува истекувањето на доверливи белешки во кои британскиот амбасадор во САД ја критикува администрацијата на американскиот претседател Доналд Трамп како „несмасна“. Во меморандумите, кои датираат од 2017 година до денес, амбасадорот Ким Дарох вели дека администрацијата на САД била несоодветна и оти немала да стане „помалку дисфункционална и помалку непредвидлива“. Министерството за надворешни работи не ја оспори точноста на документите. Претседателот Трамп пак... Читать дальше...

Претседателот на Европската комисија, Жан-Клод Јункер, му честиташе на лидерот на Нова демократија за како што наведе, јасна победа на парламентарните избори. „Имам апсолутна доверба во вашите лични способности и способноста на Грците да напишат ново и посветло поглавје во историјата на вашата земја. Можете да сметате на мојата лична поддршка и поддршка од Европската комисија во остварувањето на таа цел”, нагласи Јункер во неговата честитка. Тој истакна дека грчкиот народ претрпел многу во изминатите десет години... Читать дальше...

Американскиот државен секретар Мајк Помпео му се закани на Иран со „поголема изолација и нови санкции“, откако Техеран потврди дека Иран ќе почне да збогатува ураниум на највисоко ниво од договореното и покрај противањето на меѓународната заедница. „Најновиот развој на иранската нуклеарна програма води кон поголема изолација и поголеми санкции. Треба да се вратиме на старата политика која му забранува на Иран да збогатува ураниум. Иранскиот режим опремен со нуклеарно оружје ќе стане уште поголема закана“, напиша Помпео на Твитер.

Лидерот на грчката конзервативна партија Нова демократија, Киријакос Мицотакис, дојде на власт со убедлива победа на предвремените парламентарни избори. Победата, според експертите, се должи главно на климата на замор и огорченост од реформите на штедење и на неостварените политички ветувања на левичарската влада на Алексис Ципрас.

Лидерот на Нова демократија Киријакос Мицотакис денеска ќе положи свечена заклетва со што и официјално ќе стане премиер на Грција, Извори од СИРИЗА за грчките медиуми нагласуваат дека Ципрас телефонски му честитал на Мицотакис и го информирал дека денеска ќе го чека да ја посети премиерската палата за примо-предавање на функцијата. Централно десничарската партија Нова демократија е победник на предвремените парламентарни избори во Грција и освои доволен број на гласови и 158 пратеници за да формира еднопартиска влада. Читать дальше...

Претседателот на Северна Македонија Стево Пендаровски денбеска ќе ушествува на Самитот на шефови на држави и влади на земјите – учеснички во Процесот за соработка во Југоисточна Европа. Станува збор за редовна средба на лидерите на која се разговара за унапредувањето на односите меѓу земјите во регионот.

Ќе биде сончево со мала до умерена облачност и со слаб до умерен ветер од западен и северозападен правец. Попладне, претежно во северните и западните делови, ќе има локална појава на пороен дожд и грмежи. Утринската температура ќе биде од 10 до 19, а дневната од 25 до 37 степени. Во Скопје и околината слично време. Утринската температура ќе биде околу 17, а дневната ќе достигне до 32 степена.