Новости за 09.07.2019

Талибанците и авганистанските делегати постигнале согласност за патоказот за идно политичко решение кое претставува чекор напред кон ставање крај на конфликтот во земјата кој трае речиси 18 години. Во заедничка изјави тие наведуваат дека се договориле бројката на „цивилни жртви да се сведе на нула“ и на жените да им се обезбедат основните права кои се во сооднос со вредностите на исламот. Документот не е обврзувачки, но, на него се гледа како на основна рамка за идниразговори за конечен мировен... Читать дальше...

Американскиот Стејт Департмент ја одобри продажбата на воена опрема на Тајван вредна 2,2 милијарди долари. Портпаролот на кинеското министерство за надворешни работи Генег Шунаг ги повика САД да ја откажат продажбата. Кабинетот на тајванскиот претседател изрази благодарност до САД. "Тајван ќе ги забрза инвестициите во одбраната и ќе продолжи да ги продлабочува безбедносните врски со САД и земјите со слични идеи", изјави портпаролот на претседателот Чанг Тун-хан во изјавата.

Турција нареди апсење на 176 припадници на војската поради поврзаност со обидот за државен удар во 2016 година. Обвинителството соопшти дека меѓу лицата кои се соочуваат со апсење се наоѓаат еден полковник, двајца потполковници, пет специјалност, седум капетани и 100 поручници. Владата на претседателот Реџеп Таип Ердоган тврди дека муслиманскиот свештеник од САД, Фетулах Ѓулен, го организирал неуспешниот државен удар на 15 јули 2016 година. Ѓулен негираше каква било вмешаност во државниот удар, при кој загинаа 250 лица.

Американскиот претседател Доналд Трамп изјави дека бара „практични решенија“ за проблемите со животната средина во САД, додавајќи дека „силната економија е од витално значење за зачувувањето на природата“. Во говорот од Белата куќа тој го критикуваше таканаречениот Зелен нов договор, план предложен од некои демократи за справување со климатските промени во светот.

Експертите велат дека владата ги слуша критиките, но оти и треба храброст и за порадикални промени во сопствените редови за секое битно пореметување на јавната доверба како што беше тоа случај со функционерите од претходната влада

Грчките кредитори отворено ги отфрлија повиците од новата конзервативна влада за олеснување на драконските буџетски услови договорени како дел од програмата за спасување. Тие порачаа дека Грција сé уште има строги фискални цели за исполнување.

Политичката акција на Русија на Балканот за поранешниот американски генерал Весли Кларк е „балканска игра“, додека за професорот од Универзитетскиот колеџ во Лондон, Марк Галеоти, тоа е руска политичко-воена машинерија.

Францускиот претседател Емануел Макрон денеска го испрати неговиот главен дипломатски советник Емануел Боне во Иран на разговори за нуклеарниот договор од 2015 година, соопшти Елисејската палата. Макрон претходно најави дека бара начин за продолжување на дијалогот меѓу Иран и западните партнери. Иран реши да го зголеми нивото на збогатување на ураниумот откако САД го напуштија нуклеарниот договор и воведоа санкции врз Техеран.

Турскиот претседател Реџеп Таип Ердоган побарал од членовите на Претседателството на Босна и Херцеговина испорачување на сите државјани на Турција кои тамошните власти ги бараат поради обвиненија дека биле поврзани со движењето ФЕТО чиј основач е свештеникот Фетулах Ѓулен, јавуваат босанските медиуми. Според нив, турските власти во минатиот месец им доставиле на босанските власти список на турски државјани кои живеат во БиХ, а на кои им биле поништени пасошите.

Министерството за надворешни работи на Бугарија соопшти дека коментарот на шефот на српската дипломатија Ивица Дачиќ упатен до бугарскиот премиер Бојко Борисов е неприфатлив и дека не одговора на очекувањата на Софија во врска со одржувањето пријателски и добрососедски односи меѓу двете земји. Борисов во петокот изјави дека новоизбраниот шеф на европската дипломатија Жозеп Борел треба да ги застапува интересите на ЕУ за незвисноста на Косово, а не на неговата земја која не го призна Косово. Дачиќ... Читать дальше...

Албанскиот парламент, по два и пол часовна расправа, со 101 глас „за“, ја изгласа анкетната комисија, која ќе испитува дали претседателот Илир Мета го прекршил Уставот, со уредбата за одложување на изборите. Против формирање на комисијата гласаа шест пратеници, тројца беа воздржани, а еден одби да гласа. Претседател на комисијата е социјалистот Улси Мања, и доколку се има предвид дека петмина од деветте членови се негови сопартијци, како и гласовите во Парламентот, повеќе од јасно е дека предлогот... Читать дальше...