Новости за 06.09.2019

Инвестициските можности во Грција и тесната грчко – американска соработка во трговскиот сектор, беа темите за кои разговараа грчкиот премиер Кирјакос Мицотакис и државниот секретар за трговија на САД, Вилбур Рос. Како што соопштуваат од кабинетот на грчкиот премиер, Мицотакис на Рос му ја претставил грчката програма за реформи, потенцирајќи ги прашањата за одново враќање на кредибилитетот на земјата во економскиот сектор и поедноставување на инвестициските процедури. Мицотакис и Рос се договориле... Читать дальше...

Британскиот премиер Борис Џонсон изјави дека се неопходни избори со цел британската јавност да реши дали сака Брегизит на 31 октомври или рокот да биде продолжен. „Воопшто не сакам избори, но искрено не гледам друг начин“, изјави тој. Британските пратеници претходно го одбија повикот на Џонсон за вонредни избори на 15 октомври, а пред тоа усвоија закон со кој се спречува Брегзит без договор со ЕУ.

Поранешниот претседател на Зимбабве Роберт Мугабе умре на 96 годишна возраст, соопшти денеска неговото семејство. Контроверзниот Мугабе кој владееше во Зимбабве 37 години беше национален херој од борбата за ослободување на земјата од колонијалното владеење. Познат е по неговите жестоки навреди кон Западот, неговите противници и новинарите. Тој поднесе оставка од функцијата откако војската излезе на улиците по протестите на граѓаните во ноември 2017 година.

Обединетите нации наскоро ќе испратат осум тони помош во храна на Бахамските острови по налетот на ураганот Доријан, додека Светската програма за храна смета дека помошта им е потребна на 76.000 луѓе. Обединетите нации најавија дека во наредните три месеци ќе достават дополнителна помош од 85 тони храна. Во ураганот Доријан загинаа околу 30 луѓе. Но, тамошните власти страхуваат дека бројот на жртвите би можело да биде поголем. Ураганот Доријан се движи кон источниот брег на САД со намален интензитет.

По вчерашното предупредување на турскиот претседател Реџеп Таип Ердоган повторно се отвори прашањето дали претстои нов мигрантски бран кон Европа. Во Турција има над три ипол милиони бегалци од Сирија, а од 2016 година по договорот со Европската унија таа е своевидена брана за мигрантите кои сакаат да влезат во Европа.

Специјалната јавна обвинителка Катица Јанева, која е во притвор во затворот „Скопје“ за предметот „Рекет“, како што јавуваат дел од медиумите, вчера доставила писмо до Советот на јавни обвинители со кое ја активира оставката што ја поднесе на 15 јули. Претседателот на Советот на јавни обвинители Ацо Колевски за МИА изјави дека оставката е можно да пристигне во текот на денешниот ден. „Ние во Советот, доколку стигне, ќе ја разгледаме веднаш и ќе одлучиме како би постапиле“, истакнува Колевски. Јанева поднесе условна оставка на 15 јули... Читать дальше...

Претпладне ќе биде сончево со мала до умерена облачност. Попладне на места нестабилно со локален пороен дожд, грмежи и засилен ветер. Утринската температура ќе биде од 8 до 18, а дневната од 22 до 33 степени. Во Скопје и околината слично време. Утринската температура ќе биде околу 14, а дневната ќе достигне до 30 степени.