Новости за 16.09.2019

Британскиот премиер, Борис Џонсон, верува дека во следните недели би можело да постигне договор со Европската Унија. Ова уверување го изнесе во текстот за „Дејли телеграф“ во кој истакнува дека работи на тоа, Британија да излезе од ЕУ на 31 октомври, пренесоа новинските агенции. Претходно, во интервју за „Мејл он сандеј“, Џонсон се спореди со јунакот од стриповите - „Неверојатниот Хулк“, за да ја нагласи својата решителност да ја извади Британија од Унијата на 31 октомври. Џонсон изјави дека ќе... Читать дальше...

Претседателот на Европскиот совет Доналд Туск утре ќе престојува во посета на Македонија. Туск, како што информираа од Владата, ќе се сретне со премиерот Зоран Заев. По средбата предвидена е заедничка прес-конференција на Заев и Туск во 12:15 часот во Владата. Посетата на Туск на Скопје е во пресрет на очекуваната одлука за добивање датум за почеток на преговорите со ЕУ во октомври. Мандатот на актуелниот претседател на Европскиот совет истекува на 1 декември, а на негово место ќе дојде премиерот на Белгија, Шарл Мишел.

Комесарот за Брегзит во унгарското МНР, Саболч Такач, изјави дека политиката на проширување на ЕУ не би смеела да трпи заради излегувањето на Велика Британија од Европската унија. „Секако дека Брегзит има негативно влијание врз проширувањето бидејќи не можеме да зборуваме за ништо друго додека не го затвориме ова прашање. Политиката на проширување не би смеела да трпи заради Брезгит“, рече Такач за ТВЦГ, пренесе МИА. Тој изрази надеж дека новиот состав на ЕК ќе излезе со оддржлив план за проширувањето... Читать дальше...

Кремљ се плаши дека проширувањето на НАТО со Западен Балан ќе создаде експанзионистички импулс, кој подоцна може да се прошири и на Украина или Грузија, кои Русија смета дека ѝ се важни за сопствената безбедност, и затоа ќе направи се да го запре тоа ширење на Алијансата уште пред македонскиот двор.

Шефот на македонската дипломатија, Никола Димитров, предупредува за ризиците кои и се закануваат на Северна Македонија доколку ЕУ не додели датум за старт на преговори во октомври. „Ако немаме перспектива, а тоа е влогот во октомври, ќе ослабнеме, а скептиците, националистички сили и популистите ќе се зајакнат, тоа ќе им помогне на оние кои се сомневаат во европскиот проект, таа стратешка ориентација, додека позитивна одлука ќе ни помогне да кажеме дека работите се во наши раце“, изјави Димитров во интервју за Агенција Европа. Читать дальше...

Претседателот на Народната партија на Србија Вук Јеремиќ изјави дека опозицијата со бојкотот на изборите ќе создаде услови за суштински промени во Србија и тоа за многу пократко време од четири години. „Опозицијата со бојкотот го доведува под прашалник легитимитетот на овој криминализиран и на секое недело подготвен режим“, вели Јеримиќ, наведувајќи дека со бојкотот ќе се воспостави целосно политичко единство на вистинските противници на режимот.

Турскиот претседател Реџеп Таип Ердоган ќе им биде домаќин на претседателите на Иран и на Русија Хасан Рохани и Владимир Путин. Главна тема на сотстанокот во Анкара ќе биде сирискиот конфликт. Ова е петта средба на лидерите на овие земји во врска со сирискиот конфликт од 2017 година. Русија и Иран го поддржуваат сирискиот претседател Башар ал Асад, додека Турција е против него и поддржува некои бунтовнички групи.

Вицепремиерот задолжен за европски прашања Бујар Османи денеска во Брисел треба да се сретне со високата претставничка за надворешни работи и безбедносна политика на Европската Унија и потпретседателката на Европската комисија, Федерика Могерини. Вицепремиерот Османи претходно престојуваше во Шведска, а по Брисел ќе ги посети и Берлин и Варшава. Централна тема посетите, како што соопшти Кабинетот на Османи, ќе бидат македонскитеевропски перспективи во пресрет на одлуката за почеток на преговорите во октомври оваа година.

Американскиот претседател Доналд Трамп изјави дека Соединетите држави се подготвени да одговорат на нападот од 14 септeмври со кој беше оневозможена половината од нафтената продукција на Саудиска Арабија. Иран ги отфрли обвинувањата од Вашингтон дека стои зад нападот.

Американскиот претседател Доналд Трамп изјави дека Соединетите држави се подготвени да одговорат на нападот од 14 септeмври со кој беше оневозможена половината од нафтeната продукција на Саудиска Арабија. „Чекаме да слушнеме од саудиското кралство да каже кој стои зад нападот и по кои услови да постапуваме“, напиша Трамп на Твитер, наведувајќи дека САД имаат сознанија за кој станува збор. Неименуван претставник на американската админситрација за Ројтерс изјавил дека нападот со дронови дошол од правец на Иран.

По разрешувањето на Катица Јанева од функцијата специјален јавен обвинител, денска Советот на јавни обвинители ќе расправа за иднината на преостанатите обвинители кои работеа во СЈО. Се очекува дека и нивните функции ќе престанат, бидејќи според законот за СЈО нивниот мандат не може да го надмине мандатот на специјалната јавна обвинителка. Претседателот на Советот Ацо Колевски изјави дека најверојатно одлуката ќе биде тие да се вратат на своите претходни работни места во матичните обвинителства.... Читать дальше...

Ќе биде претежно сончево и топло со слаб променлив ветер. Утринската температура ќе биде од 6 до 15, а дневната од 25 до 34 степени. Во Скопје и околината слично време. Утринската температура ќе биде околу 13, а дневната ќе достигне до 33 степени.