Новости за 18.09.2019

Под мотото „Стоп за насилство врз здравствени работници“ денеска претпладне во кругот на Клиничкиот центар ќе се одржи протест, во организација на Асоцијацијата на специјализанти и млади лекари. Протестот следува по неодамнешните напади на лекари и медицински персонал во болницата „Свети Наум Охридски“ во Скопје, во Поликлиниката Драчево, а напади имаше и во Тетово и во Кавадарци. Поддршка на протестот најавија и министерот за здравство Венко Филипче, Синдикатот на Клинички центар, како и членови на здруженија на здравствени работници. Читать дальше...

Соединетите држави го тужат контракторот Едвард Сноуден кој со објавување тајни документи во 2013 година разоткри масовно американско прислушување комуникации ширум светот и бараат заплена на сите приходи од продажбата на неговата книга. Според американското Министерство за правда, Сноуден ја објавил книгата без пред тоа да поднел барање за преглед со што ги прекршил спогодбите со Националната безбедносна агенција и со ЦИА. Во мемоарите на Сноуден кого владата во Вашингтон го обвинува за предавство... Читать дальше...

Претседателот на Израел Рувен Ривлин најави дека ќе изврши притисок врз лидерите на партиите брзо да формираат влада откако излезните анкети покажале дека нема јесен победник на вчерашните парламентарни избори. Според анкетите, сојузот на партиите од центарот „Сино бело“ на поранешниот командант на израелската војска Бени Ганц освои малку повеќе пратенички мандати од конзервативниот Ликуд на премиерот Бенјамин Нетанјаху. Израелскиот парламент се распушти по априлските избори откако Нетанјаху не беше во состојба да формира владејачка коалиција.

Соединетите држави ги идентификувале локациите во Иран од каде што биле лансирани дроновите и крстосувачките ракети врз клучните саудиски нафтени инсталации, изјави анонимен американски официјален претставник. Според Си Би Ес Њуз, локациите биле во јужен Иран и на северниот врв на Зливот. Саудиската противвоздушна одбрана не ги запрела дроновите и ракетите во саботата, бидејќи нејзиниот одбранбен систем бил свртен кон југ за да спречи евентуални напади од Јемен, рекол претставникот.

Министрите на ЕУ деновиве го почнаа сослушувањето на Унгарија поради острите ограничувања што премиерот Виктор Орбан ги воведе за слободните медиуми, судиите, академиците, малцинствата и организациите за човекови права. Унијата е загрижена поради слабеењето на демократијата во таа екс комунистичката земја.

Шпанскиот крал Фелипе Шестти објави дека нема да предложи ниту еден кандидат за формирање на нова влада со што би требало да се отвори патот за одржување нови парламентарни избори, четврти во изминативе четири години. До ова доаѓа откако социјалистот Педро Санчес, победник на изборите кон крајот на април, не успеа да ја добие потребната поддршка повторно да биде премиер. Санчес изјави дека Шпанија е „осудена“ да се варти на избиралиштата на 10 ноември.

Вицепремиерот на Косово и поранешен министер за надворешни работи, Енвер Хоџај изјави дека „српската и руската кампања“ за повлекување на признавањето на Косово е овозможена од „незнаењето и немањето стратегија“ на шефот на дипломатијата на Косово, Беџет Пацоли. „Јас го напуштив Министерството за надворешни работи со 114 признавања. Сепак, со Пацоли како министер, беше доведено во прашање признавањето на двоцифрен број земји. Незнаењето и недостатокот на стратегија од министерот Пацоли во голема... Читать дальше...

Ќе биде сончево и топло со мала облачност. Од пладневните часови на северот ќе започне да дува засилен северен ветер (повремено над 70 км/час). Засилениот ветер попладне ќе се прошири вдолж Повардарието. Утринската температура ќе се движи од 6 до 14, а дневната од 22 до 35 степени. Во Скопје и околината слично време. Утринската температура ќе биде околу 12, а дневната ќе достигне до 29 степени.